Efɛɛzɩ 6:9 - New Testament

⁹ Piyele mɩ caanaa lɛ, ɩla mi-yomaa ɖɔɖɔ ḿbʋ́. Ɩɖɔkɩ mɩ-tɩ nɛ ɩtaañazɩ-wɛ. Mbʋ́ pʋyɔɔ yɔ, ɩtɛm sɩm se mɩ nɛ wɛ mɩ-Caa wɛ ɛsɔdaa. Ɛɛcɔŋnɩ nɔɔyʋ ɛsɩndaa nɛ pʋcɔ ɛlabɩ-ɩ pʋyʋ.

Efɛɛzɩ 6:9 ပူးပေါင်းရင်းမြစ်များ

Maatiyee 22:10

Pɛɖɛwa lɛ, pɔcɔɔ nʋmɔŋ tɩŋa taa payɩ nɛ pekpeɣli ɛyáa mbá patɩŋa panawa yɔ: kɩbama nɛ azaɣ́a nɛ powoni-wɛ nɛ posu kuduyuu ŋgʋ́ kɩ-taa pɔtɔkɩ kazandʋ ńdʋ́ yɔ pam.

Maatiyee 22:8

«Pʋwayɩ lɛ, eheyi ɛ-tʋmlaɖaa mbá pɩsɛɣa yɔ se: ‹Halɩkpaɣyɛ tɔɔnaɣ pɩwa, ɛlɛ́, mbá paaya-wɛ yɔ, pataamʋna.

Maatiyee 24:48

Ɛlɛ́, yee tʋmlaɖʋ ɛnʋ ɛkɛ ɛzaɣ́ʋ nɛ pɩcɩbɩ-ɩ nɛ ɛɖʋ ɛ-taa se ɛ-caa ɛɛkaɣ kɔm lɔŋ

Maatiyee 24:51

nɛ ɛɖʋ-ɩ kʋñɔŋ siŋŋ ɛzɩ palakʋʋ tɛɛ nɛ pʋ-yɔɔ ñɩma yɔ. Peeɖe ewiliɣ nɛ ɛsalɩ e-kela.»

Maatiyee 7:12

Pʋ-yɔɔ lɛ, mbʋ́ ɩcaɣ se ɛyáa ɛlabɩ-mɩ yɔ, mɩ ɖɔɖɔ ɩlabɩ-wɛ ḿbʋ́. Ḿbʋ́ Mooyiizi weyi Ɛsɔ cɛlɩ paɣtʋ yɔ nɛ náyaa paɖʋwa se ɩla.»

Luka 6:31

Mbʋ́ ɩcaɣ se ɛyáa ɛlabɩ-mɩ yɔ, ɩlabɩ-wɛ ɖɔɖɔ ḿbʋ́ ɖeyi ɖeyi.

Yohanɛɛsɩ 13:13

Ɩyaɣ-m se: ‹Wɩlɩyʋ› nɛ ‹Kɩpaɣlʋ.› Ɩwɛnɩ toovenim, mbʋ́ pʋyɔɔ yɔ, mɛnkɛ ḿbʋ́.

Tʋma Labʋ 10:34

Kɔɔrnɛɛyɩ yɔɔdɩ ḿbʋ́ lɛ, Pɩyɛ tɔ se: «Toovenim lɛ, lɛɛlɛɛyɔ manawa se Ɛsɔ tɔsɔɔlɩ nabɛyɛ nɛ eyele lɛlaa:

Room 2:11

Mbʋ́ pʋyɔɔ yɔ, Ɛsɔ ɛɛcɔŋnɩ nɔɔyʋ ɛsɩndaa se pʋcɔ ɛlabɩ-ɩ pʋyʋ.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 7:22

Mbʋ́ pʋyɔɔ yɔ, weyi ɛɛkɛ yom nɛ pʋcɔ Kɩpaɣlʋ yaa-ɩ yɔ, ɛwɛ ɛ-tɩ yɔɔ ɛ nɛ Kɩpaɣlʋ ɛnʋ pɛ-kpɛndʋʋ taa. Đɔɖɔ lɛ, weyi ɛɛwɛ ɛ-tɩ yɔɔ nɛ pʋcɔ Krɩstʋ yaa-ɩ yɔ, ɛpɩsɩ Krɩstʋ ɛnʋ e-yom.

Koloosi 3:25

Ɛlɛ́, weyi ɛlakɩ mbʋ́ pɩtatʋʋzɩ yɔ, pɩ-kɩhɛyʋʋ ɛkɔŋ mʋ́ʋ, mbʋ́ pʋyɔɔ yɔ, Ɛsɔ ɛɛcɔŋnɩ nɔɔyʋ ɛsɩndaa se pʋcɔ ɛlabɩ-ɩ pʋyʋ.

Koloosi 4:1

Mɩ caanaa lɛ, ɩtɔzɩ se mɩ ɖɔɖɔ ɩwɛnɩ Caa nɔɔyʋ ɛsɔdaa. Pʋ-yɔɔ lɛ, ɩla mi-yomaa mbʋ́ pʋtʋʋzaa nɛ pɩtɛ pʋmʋna yɔ.

Yakubu 2:13

Weyi ɛɛnaɣ lɛlaa pʋtɔdɩyɛ yɔ, Ɛsɔ ɛɛkɔŋ ɛ-ñɩnɖɛ naʋ ɖɔɖɔ alɩwaatʋ ndʋ́ ɛhʋʋnɩ-ɩ yɔ. Ɛlɛ́, weyi ɛ́lɛ́ naɣ lɛlaa pʋtɔdɩyɛ yɔ, piyeki nɛ ɛlɩɩ tɔm hʋʋ taa.

Yakubu 2:8

Toovenim lɛ, yee ɩɖɔŋ Ɛsɔ Kewiyaɣ paɣtʋ yɔɔ yɔ, pʋbʋ, ɩlabɩ camɩyɛ. Pama-tʋ Ɛsɔtɔm Takayaɣ taa, ńdʋ́ lɛ se: «Sɔɔlɩ ña-taabalʋ ɛzɩ ŋsɔɔlʋʋ ña-maɣmaɣ ña-tɩ yɔ.»

Yakubu 5:4

Ɩtɛhɛyɩ tʋmlaɖaa mbá palakɩ tʋmɩyɛ mɩ-hayɩm taa yɔ pe-liidiye. Ɩnɩɩ ɛzɩma mbʋ́ patɩmɩɣnɩ-mɩ yɔ! Mbá pakʋŋ mɩ-tɔɔnaɣ yɔ, pamabɩ kobusi nɛ Kɩpaɣlʋ Caabiyuu nɩɩ.