Efɛɛzɩ 6:6 - New Testament

⁶ Ɩtaañam-wɛ alɩwaatʋ ndʋ́ pɛwɛ mɩ-cɔlɔ nɛ pɔcɔŋnɩ-mɩ yɔ ti-ɖeke se pasam-mɩ. Ɛlɛ́, ɩla ḿbʋ́ se ɩkɛ Krɩstʋ tʋmlaɖaa mbá palakɩ mbʋ́ Ɛsɔ liu wɛɛ yɔ nɛ pa-laŋɩyɛ tɩŋa pilim yɔ.

Efɛɛzɩ 6:6 ပူးပေါင်းရင်းမြစ်များ

Maatiyee 12:50

Mbʋ́ pʋyɔɔ yɔ, weyi ɛlakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, ɛnʋ lɛ me-neu yaa mon-ɖoo.»

Maatiyee 7:21

Yesu tasɩ-wɛ heyuu se: «Mbá payaɣ-m se: ‹Kɩpaɣlʋ! Kɩpaɣlʋ!› yɔ, pɩtɛkɛ patɩŋa pɔkɔŋnɩ sʋʋ Ɛsɔ Kewiyaɣ taa. Ɛlɛ́, mbá palakɩ mbʋ́ man-Caa weyi ɛwɛ ɛsɔdaa yɔ e-liu wɛɛ yɔ, pe-ɖeke pasʋʋnɩ ka-taa.

Maarkɩ 3:35

Mbʋ́ pʋyɔɔ yɔ, weyi ɛlakɩ mbʋ́ Ɛsɔ liu wɛɛ yɔ, ɛnʋ lɛ me-neu yaa mon-ɖoo.»

Room 6:17

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.

1 Kɔrɛntɩ 7:22

Mbʋ́ pʋyɔɔ yɔ, weyi ɛɛkɛ yom nɛ pʋcɔ Kɩpaɣlʋ yaa-ɩ yɔ, ɛwɛ ɛ-tɩ yɔɔ ɛ nɛ Kɩpaɣlʋ ɛnʋ pɛ-kpɛndʋʋ taa. Đɔɖɔ lɛ, weyi ɛɛwɛ ɛ-tɩ yɔɔ nɛ pʋcɔ Krɩstʋ yaa-ɩ yɔ, ɛpɩsɩ Krɩstʋ ɛnʋ e-yom.

Galaatɩ 1:10

Ɩmaɣzɩɣ se mɔyɔɔdʋʋ ḿbʋ́ yɔ, mancaɣ se ɛyáa ɩyɩɣyɩ-m yaa Ɛsɔ ɛyɩɣyɩnɩ-m? Ɩmaɣzɩɣ se malakɩ se pɩwɛɛ pɩkɛdɩɣnɩ ɛyáa naa we? Yee me-liu ɛɛwɛ ḿbʋ́ yɔ, mantaakɛnɩ Krɩstʋ tʋmlaɖʋ.

Efɛɛzɩ 5:17

Pʋ-yɔɔ lɛ, ɩtaawɛɛ kaatɩlɩtʋ taa, ɛlɛ́, ɩñaɣ pana nɛ ɩtɩlɩ mbʋ́ Kɩpaɣlʋ liu wɛɛ yɔ.

Filiipu 2:12

Mɛ-ɛgbaɣdɩnaa! Đenɖe Ɛsɔ yabɩ mɩ-ñʋʋ yɔ, ɩwɛɛ tʋmɩyɛ labʋ yɔɔ ñʋʋ yabʋ ḿbʋ́ pɩ-taa. Ɩlakɩ-ɖɩ lɛ, ɩña Ɛsɔ nɛ ɩsɔɔndɩ-ɩ. Ḿbʋ́ ɩpam labʋ alɩwaatʋ ndʋ́ maawɛ mɩ-cɔlɔ yɔ. Lɛɛlɛɛyɔ, ɖenɖe mɛnfɛyɩ mɩ-cɔlɔ yɔ, pʋwɛɛ se ɩla ḿbʋ́ ɖɔɖɔ nɛ pɩkɩlɩ.

Koloosi 1:9

Ḿbʋ́ yebina nɛ kpaɣ ɖooo kɩyakʋ ŋgʋ́ ɖɩnɩ tɔm ńdʋ́ yɔ, ɖɩwɛɛ ɖitendiɣ Ɛsɔ mɩ-yɔɔ se ɛha-mɩ e-Fezuu Kiɖeɖeu lɔŋsɩnɖɛ nɛ kɩ-lɛɣtʋ nɛ ɩtɩlɩ mbʋ́ e-liu wɛɛ yɔ camɩyɛ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Tesalooniki 2:4

Ɛlɛ́, ɖɩyɔɔdʋʋ tam ɛzɩ Ɛsɔ liu wɛʋ yɔ: ɛmaɣzɩ-ɖʋ nɛ pʋcɔ ɛ́ɖʋzɩ ɖe-nesi taa ɛ-Laŋhɛzɩyɛ Tɔm. Pɩtɛkɛ se ɖɩñɩnɩɣ se ɖɔ-tɔm ɛkɛdɩnɩ ɛyáa, ɛlɛ́, Ɛsɔ ɖɩñɩnɩɣ se tɩkɛdɩna, ɛnʋ naɣnɩ mbʋ́ pʋwɛ ɖa-laŋa taa yɔ.

1 Tesalooniki 4:3

Mbʋ́ Ɛsɔ liu wɛɛ yɔ lɛ se: ɩtɛzɩ wɛʋ cɩɖɩcɩɖɩ. Ḿbʋ́ lɛ se ɩkpa mɩ-tɩ nɛ acɛyɛ labʋ.

Ebree 10:36

Ɩɖɔkɩ mɩ-hɔ kpam nɛ ɩla mbʋ́ Ɛsɔ liu wɛɛ yɔ nɛ ihiɣ mbʋ́ ɛɖʋwa se ɛhaɣ-mɩ yɔ.

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

1 Pɩyɛ 2:15

Mbʋ́ pʋyɔɔ yɔ, Ɛsɔ liu wɛɛ se ɩwɛnɩ wɛtʋ kɩbandʋ. Peeɖe kɩmɛlɛmɩŋ, ñʋʋ taa fɛyɩ tɩnaa mbá pɔhɔŋnɩ-mɩ tɔm yɔ, panaɣ-tʋ nɛ posu pe-ɖeɖe ɖiɣ ɖiɣ.

1 Pɩyɛ 4:2

se ɛtaatasɩ wezuu caɣʋ ɛzɩ ɛyáa liu wɛʋ yɔ. Ɛlɛ́, ɛcaɣ-kʋ ɛzɩ Ɛsɔ liu wɛʋ yɔ nɛ pʋkɔɔ pɩsɩɩnɩ kɩyakʋ ŋgʋ́ ɛkʋyaa yɔ.

1 Yohanɛɛsɩ 2:17

Ɩtɩlɩ camɩyɛ se kedeŋa ɖɔŋ tɛm nɛ mbʋ́ pɩtɩŋa payɩ ɛyáa ɖʋʋ pʋ-yɔɔ ɛsɛ yɔ, pɩtɛŋ ɖɔɖɔ. Ɛlɛ́, weyi ɛlakɩ mbʋ́ Ɛsɔ liu wɛɛ yɔ, ɛ́lɛ́ cakɩ wezuu tam.