Efɛɛzɩ 6:23 - New Testament

²³ Caa Ɛsɔ nɛ Kɩpaɣlʋ Yesu Krɩstʋ pɛhɛzɩ taabalaa tɩŋa laŋa nɛ peyele pɔsɔɔlɩ ɖama nɛ pɛwɛnɩ lidaʋ.

Efɛɛzɩ 6:23 ပူးပေါင်းရင်းမြစ်များ

Yohanɛɛsɩ 14:27

Meyeki nɛ ɩwɛɛ laŋhɛzɩyɛ taa, mɛhɛzɩɣnɩ mɩ-laŋa. Maahɛzɩɣ-yɛ ɛzɩ kedeŋa ñɩma hɛzʋʋ yɔ. Mɩ-laŋa ɛtaawɛɛkɩ, sɔɔndʋ ɛtaakpa-mɩ.

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

Room 15:33

Ɛsɔ weyi ɛhɛzɩɣ ɛyáa laŋa yɔ, ɛwɛɛ mɩtɩŋa payɩ mɩ-cɔlɔ. Pɩla ḿbʋ́!

1 Kɔrɛntɩ 1:3

Đɩsɛ-mɩ: ɖa-Caa Ɛsɔ nɛ ɖa-Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Galaatɩ 6:16

Mbá patɩŋa payɩ pɔɖɔŋ tɔm tʋnɛ tɩ-yɔɔ pe-wezuu caɣʋ taa yɔ, Caa Ɛsɔ ɛna pa-pʋtɔdɩyɛ nɛ ɛhɛzɩ pa-laŋa nɛ pɩkpɛndɩnɩ ɛ-ñɩma, ḿbá lɛ Izrɛɛlɩ ñɩma!

Efɛɛzɩ 6:24

Ɛsɔ ɛla mbá patɩŋa payɩ pɔsɔɔlɩ ɖa-Kɩpaɣlʋ Yesu Krɩstʋ kámaɣ́ fɛyɩ yɔ lootiye!

1 Tesalooniki 5:8

Ɛlɛ́, ɖa ɖɛkɛ wɩsɩ taa ñɩma. Pʋ-yɔɔ lɛ, ɖɩwɛnɩ ɖɛ-ɛsɛ camɩyɛ. Lidaʋ nɛ sɔɔlɩm pɛkɛnɩ-ɖʋ ñɩ́ɣ́yʋ́ʋ wondu nɛ ɖisuu nɛ pʋyʋ nɔɔyʋ ɛtaalabɩ-ɖʋ. Đa-ñʋʋ yabʋ ɖaŋʋʋ ɛkɛnɩ-ɖʋ you hulaɣ nɛ ɖɩpaŋ.

2 Tesalooniki 1:3

Taabalaa! Pʋwɛɛ se ɖɩsa Ɛsɔ mɩ-yɔɔ tam. Pʋmʋna ḿbʋ́, mbʋ́ pʋyɔɔ yɔ, ɩwɛɛ ɩtɛzɩɣ lidaʋ wɛnaʋ nɛ mɩtɩŋa payɩ ɩtɛzɩɣ ɖama sɔɔlʋʋ.

2 Tesalooniki 3:16

Kɩpaɣlʋ laŋhɛzɩyɛ tʋ maɣmaɣ ɛhɛzɩ mɩ-laŋa alɩwaatʋ kpeekpe pɩtɩŋa pɩ-taa! Ɛwɛɛ mɩtɩŋa payɩ mɩ-cɔlɔ!

1 Timootee 1:14

Peeɖe ɖa-Kɩpaɣlʋ Krɩstʋ Yesu ɛnʋ ɛlabɩ-m lootiye siŋŋ nɛ eyele mɛwɛnɩ lidaʋ nɛ sɔɔlɩm mbá palɩnɩ ɛ-cɔlɔ yɔ.

1 Timootee 1:3

Ɛzɩ maaheyuu-ŋ alɩwaatʋ ndʋ́ mɛnɖɛɣaɣ Masedonii se ŋcaɣ Efɛɛzɩ yɔ, caɣ ḿbʋ́. Peeɖe ŋheyiɣ ɛyáa mbá pɛwɛ peeɖe nɛ pawɩlɩɣ tɔm ndʋ́ tɩwɛ ndɩ nɛ ɖa-ñɩndʋ yɔ se pasɩɩ tɩnaɣ.

1 Timootee 5:8

Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.

1 Pɩyɛ 5:14

Ɩsɛɛ ɖama ɛzɩ pʋmʋnaʋ yɔ nɛ pɩwɩlɩ se ɩsɔɔlɩ ɖama. Mbá mɩ mɩtɩŋa payɩ mɩ nɛ Krɩstʋ ɩkpɛndaa yɔ, ɩwɛɛ laŋhɛzɩyɛ taa.

3 Yohanɛɛsɩ 1:14

Mantaɣ liu se ɖɩkatɩɣ ɖama kɩyakɩŋ ɩnɛ ɩ-taa nɛ ɖɩyɔɔdɩ.

Wɩlʋʋ 1:4

Ma Yohanɛɛsɩ, mɛnsɛɣnɩ Krɩstʋ aŋgba lʋbɛ wena awɛ Aazii hɔɔlʋʋ taa yɔ a-taa ñɩma: Ɛsɔ nɛ feziŋ lʋbɛ weyi ɩwɛ e-kewiyaɣ kpelaɣ ɛsɩndaa yɔ, palabɩ-mɩ lootiye nɛ pɛhɛzɩ mɩ-laŋa. Ɛnʋ wɛna, ɛnʋ kɛwɛna, ɛnʋ kaɣnɩ kɔm.