Efɛɛzɩ 6:14 - New Testament

¹⁴ Pʋ-yɔɔ lɛ, ɩwɛɛ mi-ɖeɖe ḿbʋ́: ɩkpaɣ toovenim ɛzɩ tambaɖɛ nɖɩ́ sɔɔja tɔɔlʋʋ yɔ nɛ tʋʋzʋʋ ɛzɩ ñɩ́ɣ́yʋ́ʋ ŋgʋ́ ehuuzuu e-lotu yɔɔ yɔ.

Efɛɛzɩ 6:14 ပူးပေါင်းရင်းမြစ်များ

Luka 12:35

Yesu tasɩ-wɛ heyuu se: «Ɩñɔɔzɩ mɩ-tɩ camɩyɛ nɛ ɩsɔ mɩ-kanɖʋnaa

Room 13:12

Đoo ɖɛwa nɛ tɛʋ caɣ fem. Pʋ-yɔɔ lɛ, ɖɩhɔzɩ mbʋ́ ɖɩlakaɣ cɩkpɛndʋʋ taa yɔ nɛ ɖɩlɔ nɛ pɩsɛɣ ɖɩkpaɣ hɔzɩŋ weyi ɖɩɩlabɩnɩ you wɩsɩ taa yɔ.

2 Kɔrɛntɩ 6:7

nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

Efɛɛzɩ 5:9

Mbʋ́ pɩlɩɣnɩ ñalɩmɩyɛ taa yɔ lɛ: camɩyɛ lakasɩ tɩŋa nɛ tʋʋzʋʋ nɛ toovenim.

Efɛɛzɩ 6:13

Pʋ-yɔɔ pʋwɛɛ se ɩkpaɣ Ɛsɔ you wondu tɩŋa payɩ nɛ ɩpɩzɩ ɩkaɖɩnɩ-wɛ kɩyakɩŋ kɩdɛkɛdɩŋ taa. Ḿbʋ́ yekina nɛ ɩwɛɛ mi-ɖeɖe ḿbʋ́ alɩwaatʋ ndʋ́ ɩtɛŋ patɩŋa payɩ yonaʋ yɔ.

1 Tesalooniki 5:8

Ɛlɛ́, ɖa ɖɛkɛ wɩsɩ taa ñɩma. Pʋ-yɔɔ lɛ, ɖɩwɛnɩ ɖɛ-ɛsɛ camɩyɛ. Lidaʋ nɛ sɔɔlɩm pɛkɛnɩ-ɖʋ ñɩ́ɣ́yʋ́ʋ wondu nɛ ɖisuu nɛ pʋyʋ nɔɔyʋ ɛtaalabɩ-ɖʋ. Đa-ñʋʋ yabʋ ɖaŋʋʋ ɛkɛnɩ-ɖʋ you hulaɣ nɛ ɖɩpaŋ.

1 Pɩyɛ 1:13

Pʋ-yɔɔ lɛ, ɩmaɣzɩ mbʋ́ ɩlakɩ yɔ pʋ-yɔɔ camɩyɛ. Ɩɖɔkɩ mɩ-tɩ nɛ ɩtaa mɩ-ñʋʋ yabʋ liu siŋŋ. Ḿbʋ́ Ɛsɔ ɖʋwa se ɛkɔŋ-mɩ haʋ alɩwaatʋ ndʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.

Wɩlʋʋ 9:17

Ɩɩnaɣ ɛzɩma mbʋ́ mana kpaŋnaŋ nɛ ɩ-yɔɔ caɣyaa mon-ɖoziye taa yɔ: posu ñɩɣtʋ wondu ndʋ́ tɩsɛ ɛzɩ miŋ nɛ tipiyi ɛzɩ tɛʋ piyuu yɔ nɛ tɩwɛɛ ɖɔɖɔ ɛzɩ kazɩnzɩŋa yɔ. Kpaŋnaŋ ɩnʋ, ɩ-ñʋŋ wɛ ɛzɩ tɔɔyɩŋ ñʋŋ yɔ, miŋ nɛ ñɔsɩ nɛ tɩm palɩɣaɣnɩ ɩ-nɔsɩ taa.

Wɩlʋʋ 9:9

Nabʋyʋ wɛ kɩ-laŋa taa, pʋwɛ ɛzɩ ñɩ́ɣ́yʋ́ʋ ŋgʋ́ pohuuzuu lotu yɔɔ you taa yɔ. Kʋkʋyaɣ nɛ ki-keŋ taa wiɣ ɛzɩ you lɔɔɖa wena kpaŋnaŋ sakɩyɛ hɔŋ alɩwaatʋ ndʋ́ iseɣ you taa yɔ.