Efɛɛzɩ 6:13 - New Testament

¹³ Pʋ-yɔɔ pʋwɛɛ se ɩkpaɣ Ɛsɔ you wondu tɩŋa payɩ nɛ ɩpɩzɩ ɩkaɖɩnɩ-wɛ kɩyakɩŋ kɩdɛkɛdɩŋ taa. Ḿbʋ́ yekina nɛ ɩwɛɛ mi-ɖeɖe ḿbʋ́ alɩwaatʋ ndʋ́ ɩtɛŋ patɩŋa payɩ yonaʋ yɔ.

Efɛɛzɩ 6:13 ပူးပေါင်းရင်းမြစ်များ

Luka 21:36

Pʋ-yɔɔ lɛ, ɩcaɣnɩ mɩ-ɛsɛ nɛ ɩsɛɛ Ɛsɔ alɩwaatʋ kpeekpe nɛ ihiɣ ɖoŋ nɛ ɩpɩzɩ ɩlɩɩ mbʋ́ pʋkɔŋ labʋ yɔ pɩ-taa nɛ iwolo Ɛyʋ Pɩyalʋ cɔlɔ.»

Luka 8:13

Mbá paba wɛ ɛzɩ ɛwaɣ ŋgá kɔ-yɔɔ pee tɔlaa yɔ, panɩɣ-tʋ lɛ, petisi kpaagbaa nɛ laŋhʋlʋmɩyɛ. Ɛlɛ́, paayeki se tɩlabɩ-wɛ tʋmɩyɛ camɩyɛ. Pɛwɛɣnɩ lidaʋ tɩ-yɔɔ alɩwaatʋ pazɩ nɛ pʋkɔɔ pɩtakɩɣ-wɛ lɛ, pɔlɔ-kʋ.

Room 13:12

Đoo ɖɛwa nɛ tɛʋ caɣ fem. Pʋ-yɔɔ lɛ, ɖɩhɔzɩ mbʋ́ ɖɩlakaɣ cɩkpɛndʋʋ taa yɔ nɛ ɖɩlɔ nɛ pɩsɛɣ ɖɩkpaɣ hɔzɩŋ weyi ɖɩɩlabɩnɩ you wɩsɩ taa yɔ.

2 Kɔrɛntɩ 10:4

Mbʋ́ pʋyɔɔ yɔ, pɩtɛkɛ hɔzɩŋ weyi kedeŋa ñɩma lakɩnɩ you yɔ ɖɩlakɩna. Ɛlɛ́, weyi ɩlɩnɩ Ɛsɔ cɔlɔ yɔ ɖɩlakɩna. Ɩwɛ ɖoŋ, ɩpɩzɩɣ ɩyɔkɩ Ɛsɔ koyindinaa ɖɩmɛlɩyɛ. Ɩnʋ ɖiɖiɣzini cɛtɩm tɔm.

Efɛɛzɩ 5:16

Ɩtaayele alɩwaatʋ nɛ tɩɖɛɛ yem, mbʋ́ pʋyɔɔ yɔ, kɩyakɩŋ weyi ɖɩwɛ ɩ-taa yɔ, ɩfɛyɩ ɖeu.

Efɛɛzɩ 5:6

Itaayele nɔɔyʋ yili-mɩ nɛ ɛ-tɔm ndʋ́ tɩfɛyɩ wazaɣ nakɛyɛ yɔ: pʋ-yɔɔ Ɛsɔ pana kpaɣnɩ mbá paañaŋ-ɩ yɔ.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

Yakubu 4:7

Pʋ-yɔɔ lɛ, itisi mɩ-tɩ Ɛsɔ tɛɛ. Ɩkaɖɩnɩ eleeu, pʋbʋ, eseɣ eyebi-mɩ.

1 Pɩyɛ 4:1

Ɩtɛm naʋ se Krɩstʋ nɩ siziŋ e-tomnaɣ taa. Ɩmaɣzɩ pʋ-yɔɔ nɛ ɩkpa ɖoŋ. Mbʋ́ pʋyɔɔ yɔ, weyi ɛnɩ siziŋ e-tomnaɣ taa yɔ, ɛha kɩwɛɛkɩm siɣ́ye

Wɩlʋʋ 3:10

Ɛzɩma mbʋ́ meheyi-wɛ se pɔ́ɖɔ́kɩ pa-tɩ nɛ petisi pɔ́ɖɔ́kɩ tɔm ńdʋ́ yɔ, ma ɖɔɖɔ mɔnɖɔkʋʋ-wɛ. Mɔnɖɔkʋʋ-wɛ alɩwaatʋ ndʋ́ pʋkɔŋ takʋʋ kedeŋa kpeekpe yɔɔ ɛyáa se pɩna pa-wayɩ yɔ.

Wɩlʋʋ 6:17

Mbʋ́ pʋyɔɔ yɔ, kɩyakʋ sɔsɔʋ ŋgʋ́ pa-pana kpaɣ yɔ, kɩtalaa. Apɩzɩɣ ɛlɩɩ pɩ-taa»