Efɛɛzɩ 6:10 - New Testament

¹⁰ Tɔm ndʋ́ mɛntɛzɩɣna yɔ lɛ se: ɩkpa ɖoŋ mɩ nɛ Kɩpaɣlʋ mɩ-kpɛndʋʋ taa e-ɖoŋ sɔsɔŋ yɔɔ.

Efɛɛzɩ 6:10 ပူးပေါင်းရင်းမြစ်များ

1 Kɔrɛntɩ 16:13

Ɩcaɣnɩ mɩ-ɛsɛ nɛ ɩɖɔkɩ mɩ-tɩ kpam mi-lidaʋ wɛnaʋ taa. Ɩwɛɛ abalɩtʋ nɛ ɩwɛɛ ɖoŋ.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

Efɛɛzɩ 1:19

Mentendiɣ-i ɖɔɖɔ se eyele nɛ ɩtɩlɩ ɛzɩma mbʋ́ e-ɖoŋ sɔsɔŋ weyi ɛfɛyɩ tɩnaɣ yɔ, ɛlakɩ mbá ɖa ɖɩwɛnɩ lidaʋ ɛ-yɔɔ yɔ tʋmɩyɛ yɔ.

Efɛɛzɩ 3:16

Mentendiɣ-i ḿbʋ́ se eyele nɛ pɩtɩŋnɩ e-Fezuu Kiɖeɖeu yɔɔ nɛ ɩkpa ɖoŋ siŋŋ mɩ-lɩmaɣza taa ɛzɩ e-koboyaɣ wɛʋ nɛ kɛfɛyɩ tɩnaɣ yɔ.

Filiipu 3:1

Man-taabalaa! Ndʋ́ mɛntɛzɩɣnɩ-mɩ yɔ lɛ se mɩ-taa ɛhʋlʋmɩ se mɩ nɛ Kɩpaɣlʋ ɩkpɛndaa. Pɩɩcɛyɩɣ-m se mantasɩ-mɩ maʋ Laŋhʋlʋmɩyɛ Tɔm ńdʋ́. Piyele mɩ lɛ, pɩkɩlɩ wee wee se pama-mɩ ḿbʋ́.

Filiipu 4:13

Krɩstʋ haɣnɩ-m ɖoŋ, ɛ-yɔɔ manpɩzɩɣ malakɩ pɩtɩŋa payɩ.

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

Koloosi 1:11

Ḿbʋ́ yekina nɛ pɩtɩŋnɩ e-ɖoŋ koboyaɣ ñɩŋ yɔɔ nɛ ɩkpa ɖoŋ siŋŋ nɛ ɩpɩzɩ ɩñaɣ pana nɛ ɩɖɔkɩ mɩ-hɔ pɩtɩŋa pɩ-taa nɛ

2 Timootee 2:1

Yee ḿbʋ́ ña man-pɩɣa lɛ, tɩŋnɩ lootiye nɖɩ́ palabɩ-ɖʋ ɖa nɛ Krɩstʋ Yesu ɖɛ-kpɛndʋʋ taa yɔ ɖɩ-yɔɔ nɛ ŋkpa ɖoŋ.

2 Timootee 4:17

Ɛlɛ́, ɛnʋ kɛwɛnɩ mɔn-cɔlɔ nɛ ɛha-m ɖoŋ nɛ piyele manpɩzɩ monsusi mbá pɛtɛkɛ Yuda ñɩma yɔ Ɛsɔtɔm tɩŋa payɩ. Ɛnʋ lɩzɩnɩ-m tɔɔyʋʋ nɔɔ taa.

1 Pɩyɛ 3:8

Ndʋ́ mɛntɛzɩɣnɩ yɔ lɛ se: mɩtɩŋa payɩ ɩwɛnɩ lɩmaɣza kʋɖʋma, ɩwɛnɩ ɖɔɖɔ hɔyɛ kʋɖʋmɖɩyɛ. Ɩsɔɔlɩ ɖama ɛzɩ Krɩstʋ ñɩma sɔɔlʋʋ ɖama yɔ. Ɩmaɣzɩ ɖama yɔɔ siŋŋ nɛ itisi mɩ-tɩ ɖama tɛɛ.

1 Pɩyɛ 4:11

Yee Ɛsɔ ɛha nɔɔyʋ se esusi ɛ-tɔm yɔ, ńdʋ́ pʋwɛɛ se esusi. Yee ɛha nɔɔyʋ se ɛsɩnɩ lɛlaa yɔ, pʋwɛɛ se ɛsɩnɩ-wɛ nɛ ɖoŋ weyi Ɛsɔ ha-ɩ yɔ. Ḿbʋ́ yekina nɛ ɛyáa tɩŋnɩ Yesu Krɩstʋ yɔɔ nɛ pasa Ɛsɔ mbʋ́ pɩtɩŋa payɩ ɩlakɩ yɔ pɩ-taa. Ɛnʋ tɩnɩ koboyaɣ nɛ ɖoŋ tam. Pɩla ḿbʋ́!

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

1 Yohanɛɛsɩ 2:14

Men-piya! Mama-mɩ-tʋ, mbʋ́ pʋyɔɔ yɔ, ɩsɩm Caa Ɛsɔ. Man-caanaa! Mama-mɩ-tʋ, mbʋ́ pʋyɔɔ yɔ, ɩsɩm weyi ɛɛwɛɛ nɛ pʋcɔ Ɛsɔ la kedeŋa yɔ. Evebiya! Mama-mɩ-tʋ, mbʋ́ pʋyɔɔ yɔ, ɩwɛ ɖoŋ. Ɩɖɔkɩ Ɛsɔtɔm mɩ-laŋa taa kpam nɛ ɩwa Satanɩ.