Efɛɛzɩ 5:4 - New Testament

⁴ Tʋtʋ nɛ tɔm ɛzaɣ́tʋ nɛ niɣzuu tɔm, pataatɩɩlɩʋ ɖɔɖɔ mɩ-nɔɔ taa: pɩfɛyɩ ɖeu. Ɛlɛ́, Ɛsɔ sam ɖeke ɛlɩɩna.

Efɛɛzɩ 5:4 ပူးပေါင်းရင်းမြစ်များ

Maarkɩ 7:22

nɛ ɛkpaɣ lɛlaa halaa nɛ ɛɖʋ ɛsɩyɛ lɛlaa ñɩm yɔɔ nɛ ɛla kañatʋ nɛ ɛcɛtɩ ɛyáa nɛ ɛla yem yem nɛ ɛwɛɛ ɛsɩsɛmɩyɛ nɛ ɛcɛtɩnɩ lɛlaa taa nɛ ɛkpazɩ ɛ-tɩ nɛ ɛla kɩmɛlɛndʋ.

Yohanɛɛsɩ 6:23

Ɛlɛ́, kpɩyɩŋ lɛɛŋ ñaalɩnɩ Tiberiyaadɩ tɛtʋ taa nɛ ɩtalɩ ɖenɖe Kɩpaɣlʋ kasam Ɛsɔ tindine yɔɔ nɛ pɔtɔɔ-ɖɩ yɔ.

Room 1:28

Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

2 Kɔrɛntɩ 1:11

Mbʋ́ pʋyɔɔ yɔ, mɩ-maɣmaɣ ɩsɩŋnɩ-ɖʋ alɩwaatʋ ndʋ́ ɩsɛɣ Ɛsɔ ɖɔ-yɔɔ yɔ. Pʋ-yɔɔ lɛ, ɛyáa sakɩyɛ sɛɣ Ɛsɔ ɖɔ-yɔɔ nɛ ecosi-ɖʋ nɛ pasam-ɩ ɖɔ-yɔɔ.

2 Kɔrɛntɩ 9:15

Đɩsa Ɛsɔ ɛ-kʋjɔʋ ŋgʋ́ kɩkɩlɩ pɩtɩŋa payɩ yɔ kʋ-yɔɔ!

Efɛɛzɩ 1:16

ma ɖɔɖɔ mɛwɛɛ mansaŋ Ɛsɔ mɩ-yɔɔ alɩwaatʋ ndʋ́ mentendiɣ-i mɩ-yɔɔ yɔ.

Efɛɛzɩ 4:29

Ɛzaɣ́tʋ tɔm natʋyʋ ɛtaalɩɩ mɩ-nɔɔ taa. Ɛlɛ́, yee pʋwɛɛ se natʋyʋ ɛlɩɩ yɔ, tɩkɛnɩ kɩbandʋ ndʋ́ tiyeki se mbá panɩɣ-tʋ yɔ, pɛtɛzɩ pɩʋ nɛ patɩlɩ mbʋ́ lootiye kɛnaa yɔ.

Filiipu 4:6

Ɩtaanɩɣzɩ kaʋ. Ɛlɛ́, paa mbʋ́ pɩ-taa lɛ, ɩtɩŋnɩ Ɛsɔ sɛʋ nɛ e-tenduu pɔ-yɔɔ nɛ ɛpɔzɩ-ɩ nɛ ɛsɩmɩyɛ mbʋ́ pɩtɩŋa pɩtɛɖɩɣ-mɩ yɔ.

Koloosi 3:8

Ɛlɛ́ lɛɛlɛɛyɔ, mɩ ɖɔɖɔ ɩhɔzɩ pɩtɩŋa: pana nɛ pana kadadaɣyaɣ nɛ kañatʋ nɛ tʋtʋ nɛ tɔm ɛzaɣ́tʋ ndʋ́ tɩlɩɣnɩ mɩ-nɔɔ taa yɔ patɩŋa payɩ nɛ ɩlɔ.

1 Tesalooniki 3:9

Ɛzɩma kpem ɖɩpɩzɩɣ ɖɩsa Ɛsɔ mɩ-yɔɔ laŋhʋlʋmɩyɛ nɖɩ́ iyeba nɛ ɖɩwɛnɩ ɛ-ɛsɩndaa yɔ ɖɩ-yɔɔ?

1 Tesalooniki 5:18

Ɩsam-ɩ pɩtɩŋa pɩ-taa, ḿbʋ́ e-liu wɛɛ se ɩla mɩ nɛ Krɩstʋ Yesu mɩ-kpɛndʋʋ yɔɔ.

Fileemɔɔ 1:8

Pʋ-yɔɔ lɛ, paa Krɩstʋ ɛha-m waɖɛ tɩŋa se mañazɩ-ŋ nɛ ŋla mbʋ́ pʋwɛɛ se ŋla yɔ yɔ,

Ebree 13:15

Đɩtɩŋnɩ Yesu yɔɔ nɛ ɖɩsa Ɛsɔ tam. Samtʋ ndʋ́ tɩlɩɣnɩ ɖɔ-nɔɔ taa alɩwaatʋ ndʋ́ ɖɩyɔɔdʋʋ se ɛnʋ lɛ Kɩpaɣlʋ yɔ, tɩwɛ ɛzɩ kɩlaʋ yɔ. Pʋ-tɔbʋʋ se ɖɩsam-ɩ paa ɖooye.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

2 Pɩyɛ 2:7

Ɛlɛ́, ɛyabɩ Looti weyi ɛkɛ ɛyʋ kʋtʋʋzʋ yɔ ɛ-ñʋʋ. Ɛyáa azaɣ́a mbá paawɛ ɛ-alɩwaatʋ taa yɔ, pe-yem yem lakasɩ cɛyaɣ Looti ɛnʋ siŋŋ. Mbʋ́ pʋyɔɔ yɔ, kʋtʋʋzʋ ɛnʋ, ɛɛwɛ pɛ-hɛkʋ taa nɛ pɩɖɛɛ-ɩ nɛ pɛ-ɛzaɣ́tʋ lakasɩ naʋ. Pɩɩɖɛ-ɩ ɖɔɖɔ nɛ tɔm ɛzaɣ́tʋ ndʋ́ pɔyɔɔdaɣ yɔ tɩ-nɩʋ.

Yuudi 1:10

Ɛlɛ́, ɛyáa ḿbá, mbʋ́ paasɩŋ yɔ, ḿbʋ́ patʋʋ. Mbʋ́ tɛtɛ kpɩna sɩma yɔ, pi-ɖeke pasɩma. Ḿbʋ́ yekina se pala asɛyʋʋ.

Yuudi 1:13

Panɩɣzɩnɩ teŋgu lɩm hola wena awɛ ɖoŋ yɔ nɛ pa-lakasɩ nzɩ́ sɩkpaɣ ɛyáa fɛyɛ yɔ sɩsɩ ñanɩɣzɩnɩ azuluma wena hola ana akɔŋna yɔ. Pɛwɛ ɛzɩ tɩɩnzɩ nzɩ́ sɩɩcakɩ lone kʋɖʋmɖɩyɛ taa yɔ. Pʋ-yɔɔ Ɛsɔ ñɔɔzɩ-wɛ ɖɩjaɣyɛ cɩkpɛndʋʋ sɔsɔʋ taa se pacaɣ peeɖe tam.