Efɛɛzɩ 5:3 - New Testament

³ Pataatɩɩnɩʋ acɛyɛ yaa azuluma lakasɩ tɩŋa yaa liidiye laɣzaɣ pa-taŋ kpem mɩ-hɛkʋ taa ɛzɩ pʋmʋnaʋ Ɛsɔ ñɩma yɔ.

Efɛɛzɩ 5:3 ပူးပေါင်းရင်းမြစ်များ

Maatiyee 15:19

Mbʋ́ pʋyɔɔ yɔ, lɩmaɣza kɩdɛkɛdɛɛ wena awɛ ɛyʋ taa yɔ, ana yekina se ɛkʋ ɛyʋ yaa ɛla acɛyɛ yaa ɛla acɛyɛ yaa ɛmɩlɩ yaa ɛcɛtɩnɩ lɛlaa taa yaa ɛwɛɛkɩ pa-hɩla.

Luka 12:15

Pʋwayɩ lɛ, eheyi patɩŋa se: «Ɩɖɔkɩ mɩ-tɩ camɩyɛ nɛ ñɩm laɣzaɣ. Mbʋ́ pʋyɔɔ yɔ, paa ɛyʋ ɛwɛnɩ ñɩm ɛzɩma yɔ, e-wezuu caɣʋ ɛɛlɩɣnɩ pʋ-cɔlɔ.»

Luka 16:14

Yesu yɔɔdaɣ ḿbʋ́ lɛ, Farɩsɩ ñɩma nɩɩ tɔm ńdʋ́ tɩtɩŋa. Peeɖe powoŋ-i, mbʋ́ pʋyɔɔ yɔ, pɛwɛ liidiye laɣzaɣ.

Tʋma Labʋ 15:20

Ɛlɛ́, ɖɩma-wɛ takayaɣ nɛ ɖiheyi-wɛ se pataatɔɔ kɩlaʋ nandʋ, mbʋ́ pʋyɔɔ yɔ, tipisiɣ ɛyáa. Pataatɔɔ ɖɔɖɔ calɩm nɛ kpɩna wena pɛtɛcɛ a-liŋ tɛɛ yɔ. Pakpa pa-tɩ nɛ yem yem lakasɩ.

Tʋma Labʋ 20:33

Nɔɔyʋ liidiye yaa e-sika yaa e-wondu talabɩ-m liu.

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

Room 16:2

Ɩmʋ-ɩ Kɩpaɣlʋ yɔɔ ɛzɩ pʋmʋnaʋ se Ɛsɔ ñɩma ɛmʋ ɖama yɔ nɛ ɩsɩnɩ-ɩ mbʋ́ pɩtɩŋa payɩ e-liu wɛɛ se ɩsɩnɩ-ɩ yɔ pɩ-taa. Mbʋ́ pʋyɔɔ yɔ, ɛ-maɣmaɣ ɛsɩnɩ ɛyáa sakɩyɛ, ɛsɩnɩ ma-maɣmaɣ ɖɔɖɔ.

Room 6:13

Ɩtaakpaɣ mi-pilinzi nɛ ɩlabɩnɩ kɩwɛɛkɩm ɛzɩ mbʋ́ palakɩnɩ mbʋ́ pɩtatʋʋzɩ yɔ. Ɛlɛ́, mɩ-maɣmaɣ ɩkpaɣ mɩ-tɩ nɛ ɩcɛlɩ Ɛsɔ ɛzɩ mbá pasɩba nɛ pefe yɔ. Đɔɖɔ lɛ, ɩkpaɣ mi-pilinzi ńzɩ́ nɛ ɩcɛlɩ-ɩ ɛzɩ mbʋ́ palakɩnɩ mbʋ́ pʋtʋʋzaa yɔ.

1 Kɔrɛntɩ 10:8

Pɩfɛyɩ se ɖɩla acɛyɛ ɛzɩ pa-taa lɛlaa kalabʋ yɔ. Mbʋ́ pʋyɔɔ yɔ, palabɩ ḿbʋ́ nɛ pa-taa ɛyáa kutokiŋ nɩɩlɛ nɛ naadozo tɔlɩ evemiye kʋɖʋmɖɩyɛ nɛ pasɩ.

1 Kɔrɛntɩ 5:1

Pɔyɔɔdʋʋ paa le se mɩ-taa nabɛyɛ lakɩ acɛyɛ. Halɩ paanaɣ wɛtʋ ńdʋ́ mbá paañaŋ Krɩstʋ yɔ pɛ-hɛkʋ taa. Pɔyɔɔdʋʋ se mɩ-taa lɛlʋ wɛɛ ɛsʋʋnɩ ɛ-caa halʋ.

1 Kɔrɛntɩ 6:13

Meheyiɣ-mɩ se: «Tɔɔnasɩ yɔɔ lotu wɛɛ nɛ lotu ñɛwɛɛ tɔɔnasɩ yɔɔ.» Paa ḿbʋ́ yɔ, Ɛsɔ kɔŋ pa-naalɛ yɔkʋʋ. Pɩtɛkɛ acɛyɛ yɔɔ palabɩ tomnaɣ: palabɩ-kɛ se kawazɩ Kɩpaɣlʋ nɛ ɛcɔnɩ kɔ-yɔɔ.

1 Kɔrɛntɩ 6:18

Pʋ-yɔɔ lɛ, ɩtaatɩɩlabʋ acɛyɛ kpem. Kɩwɛɛkɩm lɛɛbʋ mbʋ́ ɛyáa lakɩ yɔ, piitukuuni po-tomnasɩ. Ɛlɛ́, weyi ɛlakɩ acɛyɛ yɔ, ɛwɛɛkɩɣ ɛ-maɣmaɣ e-tomnaɣ.

2 Kɔrɛntɩ 12:21

Mantasʋʋ pɩsʋʋ mɩ-tɛ yɔ, sɔɔndʋ kpaɣ-m se mɛ-Ɛsɔ ɖʋʋ-m fɛyɛ mɩ-tɔm taa. Tɩkpaɣ-m ɖɔɖɔ se mɔnkɔŋ tɩmʋʋ mbá paalabɩ kɩwɛɛkɩm ɖooo lɔŋ nɛ pataha acɛyɛ nɛ ɛzaɣ́tʋ siɣ́ye yɔ, pa-taa ɛyáa sakɩyɛ yɔɔ.

Efɛɛzɩ 5:12

Toovenim lɛ, mbʋ́ pɩtɛ ɛyáa lakɩ mɛsaɣ tɛɛ yɔ, halɩ pʋwɛ fɛyɛ se pɔyɔɔdɩ pʋ-tɔm.

Efɛɛzɩ 5:5

Mbʋ́ pʋyɔɔ yɔ, ɩtɩlɩ camɩyɛ se paatayɩɣnɩ acɛyɛ laɖʋ nɛ azuluma tʋ yaa liidiye laɣzaɣ tʋ ñɩm mbʋ́ Ɛsɔ ñɔɔzaa nɛ ɛsɩɩ ɛ nɛ Krɩstʋ pe-Kewiyaɣ taa yɔ. Liidiye laɣzaɣ tʋ ñɛwɛ ɛzɩ agɔlɩma kpɛyɩyʋ yɔ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Koloosi 3:5

Pʋ-yɔɔ lɛ, ipi kedeŋa lakasɩ kɩdɛkɛdɩsɩ nzɩ́ ɩlakɩ yɔ. Ńzɩ́ yɔ: acɛyɛ nɛ azuluma lakasɩ nɛ sɔɔlɩm kɩdɛkɛdɩm nɛ lɩmaɣza kɩdɛkɛdɛɛ nɛ ñɩm laɣzaɣ. Pʋbʋ ñɛwɛ ɛzɩ agɔlɩma kpɛyʋʋ yɔ.

1 Tesalooniki 4:3

Mbʋ́ Ɛsɔ liu wɛɛ yɔ lɛ se: ɩtɛzɩ wɛʋ cɩɖɩcɩɖɩ. Ḿbʋ́ lɛ se ɩkpa mɩ-tɩ nɛ acɛyɛ labʋ.

1 Tesalooniki 4:7

Ɛsɔ tayaa-ɖʋ se ɖɩwɛɛ azuluma taa, ɛlɛ́, ɛya-ɖʋ se ɖɩwɛɛ cɩɖɩcɩɖɩ.

1 Timootee 2:10

Ɛlɛ́, pala tʋma kɩbana ɛzɩ pʋmʋnaʋ se halaa mbá pɔtɔŋ pa-tɩ se pañaŋ Ɛsɔ yɔ pala yɔ.

1 Timootee 3:3

Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

1 Timootee 6:10

Mbʋ́ pʋyɔɔ yɔ, liidiye laɣzaɣ sʋzʋʋ ɛyʋ ɛzaɣ́tʋ tɩŋa taa. Liidiye laɣzaɣ kakpa nabɛyɛ nɛ pele lidaʋ nʋmɔʋ nɛ pa-maɣmaɣ pasʋzɩ pa-tɩ wɩzasɩ ndɩ ndɩ taa.

2 Timootee 3:2

Toovenim lɛ, ɛyáa kɔŋ nɩnaʋ pa-tɩ nɛ pɛ-ɛsɩyɛ sɛɛnɩ liidiye cazʋʋ nɛ pɛkɛ pɔpɔtɩnaa nɛ pakpazɩɣ pa-tɩ nɛ pɛwɛɛkɩɣ Ɛsɔ hɩɖɛ nɛ paañaŋ pa-ñɩma, paawɛɣ ɛsɩmɩyɛ, paañaŋ Ɛsɔ ñɩm.

Tiiti 1:11

Pʋwɛɛ se ŋɖɩɣ-wɛ nʋmɔʋ nɛ pataapɩzɩ pɔyɔɔdɩ. Mbʋ́ pʋyɔɔ yɔ, poyozuu hɔŋ taa ɛyáa tɩŋa payɩ nɛ pawɩlɩɣ mbʋ́ pɩtamʋna yɔ se pehiɣ kɛzɛɣa.

Tiiti 1:7

Mbʋ́ pʋyɔɔ yɔ, weyi ɛcɔŋnɩ Yesu ŋgbɛyɛ taa ñɩma yɔɔ yɔ, Ɛsɔ ɖʋnɩ-ɩ se ɛlabɩ-ɩ tʋmɩyɛ. Pʋ-yɔɔ lɛ, pɩtamʋnɩ se pana kawanaɣ nakɛyɛ ɛ-yɔɔ. Pɩfɛyɩ se ɛkpazɩ ɛ-tɩ yaa ɛkɛ pana tʋ yaa sʋlʋm kpaŋɩyʋ yaa weyi ɛwɛ helu helu yɔ yaa weyi emuluu ɛyáa se ehiɣ kɛzɛɣa yɔ.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Ebree 12:16

Mɩ-taa nɔɔyʋ ɛtaala acɛyɛ yaa ɛtaakpaɣ Ɛsɔ ñɩm se pɩtɛkɛ pʋyʋ ɛzɩ Ezaayuu yɔ. Tam kʋɖʋm tɔɔnaɣ maɣmaɣ yɔɔ ɛɛpɛdɩ ɛ-sɔsɔtʋ.

1 Pɩyɛ 5:2

ɩcɔnɩ Krɩstʋ ñɩma mbá Ɛsɔ ɖʋzɩ mi-nesi taa yɔ pɔ-yɔɔ camɩyɛ ɛzɩ ninɖiɣyu cɔŋʋʋnɩ e-heŋ yɔɔ yɔ. Pɩtaakɛnɩ-mɩ kɩcɛyʋʋ. Ɛlɛ́, ɩcɔnɩ pɔ-yɔɔ camɩyɛ ɛzɩ Ɛsɔ liu wɛʋ yɔ. Ɩtaala ḿbʋ́ kɩhɛyʋʋ yɔɔ, ɛlɛ́, ɩla ḿbʋ́ nɛ mɩ-laŋɩyɛ tɩŋa pilim.

2 Pɩyɛ 2:10

Kɔzɩkɔzɩ mbá panɩɣnɩ kɩdɛkɛdɩm labʋ ɛzɩ pa-maɣmaɣ pe-liu wɛʋ yɔ nɛ patakpaɣ Ɛsɔ ɖoŋ payaa pʋyʋ yɔ. Cɛtɩm tɔm wɩlɩyaa mbá meheyi-mɩ pɔ-tɔm yɔ, paacazɩɣ nɔɔyʋ taʋ, pɛkɛ agaɣya tɩnaa. Paañaŋ ɖoŋ ndɩ ndɩ weyi ɩwɛ ɛsɔdaa yɔ kpem nɛ patʋʋ-ɩ.

2 Pɩyɛ 2:14

Halaa acɛyɛ tɩnaa yɔɔ ɖeke pa-lɩmaɣza wɛɛ. Paañɩɣzɩɣ kɩwɛɛkɩm labʋ kpem. Pepeɣziɣ mbá pɛfɛyɩ ɖoŋ Ɛsɔ nʋmɔʋ taa yɔ nɛ pasʋzʋʋ-wɛ kɩwɛɛkɩm taa. Liidiye cazʋʋ lɩmaɣza suni pa-taa. Ɛsɔ wɩlɩ-wɛ kpalʋʋ.

2 Pɩyɛ 2:3

Liidiye laɣzaɣ yɔɔ lɛ, pɔkɔŋ-mɩ cɛtʋʋ nɛ pɔ-nɔɔ leleŋ nɛ pɔhɔɔzɩ mi-nesi taa. Ɛlɛ́, Ɛsɔ weyi ɛhʋʋnɩ ɛyáa yɔ, ɛpazɩ pɔ-tɔm kʋʋ ɖooo lɔŋ. Ɛtɔyɩtʋʋ-wɛ alɩwaatʋ pazɩ taa.

Wɩlʋʋ 2:14

Ɛlɛ́, man-taa wɛnɩ-wɛ natʋyʋ: pɛ-tɛ ɛyáa nabɛyɛ tisiɣ tɔm ndʋ́ Balaam wɩlaɣ yɔ. Balaam wɩlaɣ Balaakɩ ɛzɩma mbʋ́ ɛɛla nɛ Izrɛɛlɩ ñɩma tɔɔ kɩlaʋ nandʋ nɛ pala acɛyɛ nɛ piyele pɔtɔlɩ Ɛsɔ nʋmɔʋ taa yɔ.

Wɩlʋʋ 2:21

Maha-ɩ alɩwaatʋ se ɛlɛɣzɩ wɛtʋ, ɛlɛ́, ɛɛcaɣ se eyele ɛ-acɛyɛ lakasɩ.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!

Wɩlʋʋ 9:21

Peteyele ɖɔɖɔ ɛyáa kʋʋ, nɛ pe-efeletu nɛ pa-acɛyɛ nɛ pa-mɩlɩm se pɛlɛɣzɩ wɛtʋ.