Efɛɛzɩ 5:25 - New Testament

²⁵ Mɩ walaa lɛ, paa weyi ɛsɔɔlɩ ɛ-halʋ ɛzɩ Krɩstʋ sɔɔlʋʋ ɛ-ŋgbɛyɛ nɛ ɛkpaɣ ɛ-maɣmaɣ ɛ-tɩ nɛ ɛha ɖɩ-taa ñɩma yɔɔ yɔ.

Efɛɛzɩ 5:25 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Efɛɛzɩ 5:24

Yee ḿbʋ́, paa halʋ weyi eluzi ɛ-tɩ ɛ-walʋ tɛɛ pɩtɩŋa pɩ-taa ɛzɩ Krɩstʋ ŋgbɛyɛ taa ñɩma luzuu pa-tɩ ɛ́lɛ́ tɛɛ yɔ.

Efɛɛzɩ 5:28

Ḿbʋ́ ɖɔɖɔ pʋwɛɛ se walaa ɛsɔɔlɩ pa-halaa ɛzɩ pɔsɔɔlʋʋ pa-maɣmaɣ pa-tɩ yɔ: weyi ɛsɔɔlɩ ɛ-halʋ yɔ, ɛsɔɔlɩ ɛ-maɣmaɣ ɛ-tɩ.

Efɛɛzɩ 5:33

Ḿbʋ́ ɖɔɖɔ pʋwɛnɩ-mɩ: paa mɩ-taa weyi ɛsɔɔlɩ ɛ-halʋ ɛzɩ ɛsɔɔlʋʋ ɛ-maɣmaɣ ɛ-tɩ yɔ nɛ paa halʋ weyi ɛ́lɛ́ ña ɛ-walʋ.

Koloosi 3:19

Piyele mɩ walaa lɛ, paa weyi ɛsɔɔlɩ ɛ-halʋ, ɛtaañɩŋnɩ-ɩ.

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

1 Pɩyɛ 3:7

Mɩ walaa lɛ, ḿbʋ́ ɖɔɖɔ pʋwɛnɩ-mɩ: pʋwɛɛ se paa weyi ɛ́ɖɔ́kɩ ɛ-halʋ camɩyɛ. Ɩtɩlɩ se halaa fɛyɩ ɖoŋ ɛzɩ mɩ yɔ. Ɩɖʋ-wɛ hɩɖɛ, mbʋ́ pʋyɔɔ yɔ, wezuu ŋgʋ́ Ɛsɔ ha-mɩ falaa yɔ, mɩ nɛ wɛ ɛha-kʋ. Yee ɩlakɩ ḿbʋ́ yɔ, nabʋyʋ ɛɛcɛyɩɣ-mɩ mɩ-Ɛsɔ sɛʋ taa.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.