Efɛɛzɩ 5:23 - New Testament

²³ Mbʋ́ pʋyɔɔ yɔ, halʋ ñʋʋdʋ lɛ ɛ-walʋ ɛzɩ Krɩstʋ kɛʋ ɛ-ŋgbɛyɛ taa ñɩma ñʋʋdʋ yɔ. Ḿbá lɛ e-tomnaɣ nɛ ɛnʋ lɛ ka-ñʋʋ yaɖʋ.

Efɛɛzɩ 5:23 ပူးပေါင်းရင်းမြစ်များ

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

1 Kɔrɛntɩ 6:13

Meheyiɣ-mɩ se: «Tɔɔnasɩ yɔɔ lotu wɛɛ nɛ lotu ñɛwɛɛ tɔɔnasɩ yɔɔ.» Paa ḿbʋ́ yɔ, Ɛsɔ kɔŋ pa-naalɛ yɔkʋʋ. Pɩtɛkɛ acɛyɛ yɔɔ palabɩ tomnaɣ: palabɩ-kɛ se kawazɩ Kɩpaɣlʋ nɛ ɛcɔnɩ kɔ-yɔɔ.

Efɛɛzɩ 4:15

Ɛlɛ́, ɖɩyɔɔdʋʋ toovenim nɛ ɖɩsɔɔlʋʋ ɖama nɛ ɖɩpaɣlɩɣ pɩtɩŋa pɩ-taa nɛ ɖɩñɔtʋʋnɩ weyi ɛkɛ ñʋʋdʋ yɔ, ɛnʋ lɛ Krɩstʋ.

Efɛɛzɩ 5:24

Yee ḿbʋ́, paa halʋ weyi eluzi ɛ-tɩ ɛ-walʋ tɛɛ pɩtɩŋa pɩ-taa ɛzɩ Krɩstʋ ŋgbɛyɛ taa ñɩma luzuu pa-tɩ ɛ́lɛ́ tɛɛ yɔ.

Koloosi 1:18

Ɛnʋ lɛ ñʋʋ nɛ e-tomnaɣ lɛ ɛ-ŋgbɛyɛ taa ñɩma. Ɛnʋ lɛ kiɖe, ɛnʋ calɩnɩ fem nɛ sɩɖaa taa se ɛkɛ kajalaɣ tʋ pɩtɩŋa pɩ-taa.

1 Tesalooniki 1:10

se ɩɖaŋ ɛ-Pɩyalʋ weyi ɛlɩɣnɩ ɛsɔdaa se ɛkɔɔ yɔ. Ɛnʋ lɛ Yesu weyi efezi-i nɛ sɩɖaa taa yɔ. Ɛnʋ lɩzɩɣnɩ-ɖʋ Ɛsɔ pana wena akɔŋ-ɖʋ kpanaʋ yɔ a-taa.

Wɩlʋʋ 19:7

Đa-laŋa ɛhʋlʋmɩ, ɖɩmayɩ amaya nɛ ɖiyele ɛ-hɩɖɛ sɛɛ. Mbʋ́ pʋyɔɔ yɔ, Heɣa halɩkpaɣyɛ kazandʋ talaa nɛ ka-halʋ ñɔɔzɩ ɛ-tɩ.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.