Efɛɛzɩ 5:21 - New Testament

²¹ Mbá mɩ ɩñaŋ Krɩstʋ yɔ, iluzi mɩ-tɩ ɖama tɛɛ.

Efɛɛzɩ 5:21 ပူးပေါင်းရင်းမြစ်များ

1 Kɔrɛntɩ 16:16

iluzi mɩ-tɩ pa nɛ mbá patɩŋa payɩ palakɩ tʋmɩyɛ ńɖɩ́ yɔ pɛ-tɛɛ.

2 Kɔrɛntɩ 5:11

Yee ḿbʋ́ ɖɩnawa se pʋwɛɛ se ɖɩña Kɩpaɣlʋ yɔɔ ɖɩñɩnɩɣ se ɛyáa etisi ɖɔ-tɔm. Ɛsɔ sɩm-ɖʋ nɛ pɩkpɛndɩnɩ ɖa-taa lotu nɛ manaɣ se mɩ-lɩmaɣza taa lɛ, ɩsɩm-ɖʋ camɩyɛ ɖɔɖɔ.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Efɛɛzɩ 5:22

Mɩ halaa lɛ, paa weyi eluzi ɛ-tɩ ɛ-walʋ tɛɛ ɛzɩ eluzuu ɛ-tɩ Kɩpaɣlʋ tɛɛ yɔ.

Efɛɛzɩ 5:24

Yee ḿbʋ́, paa halʋ weyi eluzi ɛ-tɩ ɛ-walʋ tɛɛ pɩtɩŋa pɩ-taa ɛzɩ Krɩstʋ ŋgbɛyɛ taa ñɩma luzuu pa-tɩ ɛ́lɛ́ tɛɛ yɔ.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

1 Timootee 2:11

Pʋwɛɛ se halaa esu nɛ petisi pa-tɩ kpem alɩwaatʋ ndʋ́ pɛkpɛlɩkɩɣ-wɛ Ɛsɔtɔm yɔ.

1 Timootee 3:4

Pʋwɛɛ se ɛ-maɣmaɣ ɛpɩzɩ ɛcɔnɩ ɛ-hɔʋ taa ñɩma yɔɔ camɩyɛ nɛ ɛkpɛlɩkɩ e-piya nɛ siluzi sɩ-tɩ ɛ-tɛɛ nɛ sɩñam-ɩ ɖeu siŋŋ.

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

1 Pɩyɛ 2:13

Kɩpaɣlʋ yɔɔ lɛ, pʋwɛɛ se ɩña mbá patɩŋa payɩ pɔcɔŋnɩ mɩ-yɔɔ yɔ. Kajalaɣ lɛ, ɩña ɛjaɖɛ ñʋʋdʋ. Ɛnʋ cɔŋnɩnɩ pɩtɩŋa payɩ pʋ-yɔɔ.

1 Pɩyɛ 2:17

Ɩɖʋ ɛyáa tɩŋa payɩ hɩɖɛ. Ɩsɔɔlɩ mɩ-taabalaa Krɩstʋ ñɩma. Ɩña Ɛsɔ. Ɩɖʋ ɛjaɖɛ ñʋʋdʋ hɩɖɛ.

1 Pɩyɛ 5:5

Mɩ evebiya lɛ, ɩña Krɩstʋ ŋgbɛyɛ taa sɔsaa. Mɩtɩŋa payɩ itisi mɩ-tɩ ɖama tɛɛ. Mbʋ́ pʋyɔɔ yɔ, pama Ɛsɔtɔm Takayaɣ taa se: «Ɛsɔ ɛɛnaɣ mbá pakpazɩɣ pa-tɩ yɔ nɛ ɛsɩyɛ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»