Efɛɛzɩ 5:2 - New Testament

² Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Efɛɛzɩ 5:2 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Yohanɛɛsɩ 13:34

Manɖʋʋ-mɩ paɣtʋ kɩfatʋ. Ńdʋ́ lɛ se: ɩsɔɔlɩ ɖama. Ɩsɔɔlɩ ɖama ɛzɩ mɔnsɔɔlʋʋ-mɩ yɔ.

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Room 15:16

Ɛlabɩ-m-ɖɩ se mɛnkɛ Krɩstʋ Yesu tʋmlaɖʋ nɛ mansɩnɩ mbá pɛtɛkɛ Yuda ñɩma yɔ alɩwaatʋ ndʋ́ monsusuu-wɛ Laŋhɛzɩyɛ Tɔm ndʋ́ tɩlɩnɩ Ɛsɔ ɛnʋ ɛ-cɔlɔ yɔ. Mɛwɛ ɛzɩ cɔjɔ nɛ ḿbá ñɛwɛɛ ɛzɩ kɩlaʋ kpɩnɛ nɖɩ́ ɖɩkɛdɩnɩ Ɛsɔ nɛ e-Fezuu Kiɖeɖeu kɛzɩ-ɖɩ nɛ hɔɔlʋʋ nɛ ɖɩkɛ ɛ-ñɩnɖɛ yɔ.

Room 4:25

Đa-kɩwɛɛkɩm yɔɔ eyeba nɛ pakʋ-ɩ, ɛlɛ́, efezi-i se ɛpɩsɩ-ɖʋ kʋtʋʋzaa.

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 8:37

Ɛlɛ́, pɩtɩŋa payɩ pɩ-taa lɛ, pɩtɩŋnɩ weyi ɛsɔɔlɩ-ɖʋ yɔ ɛ-yɔɔ nɛ ɖɩwa kpaagbaa kpem.

1 Kɔrɛntɩ 16:14

Pʋwɛɛ se ɩla pɩtɩŋa payɩ nɛ sɔɔlɩm.

1 Kɔrɛntɩ 5:7

Pʋwɛɛ se ɩlɩzɩ kɩwɛɛkɩm mbʋ́ pʋwɛ mɩ-hɛkʋ taa yɔ, mbʋ́ pʋyɔɔ yɔ, pʋwɛ ɛzɩ sɔsɔɔna yɔ. Peeɖe ɩwɛɣ cɩɖɩcɩɖɩ ɛzɩ somtu ndʋ́ tɩ-taa fɛyɩ sɔsɔɔna yɔ. Toovenim lɛ, ɩtɛm wɛʋ ḿbʋ́. Mbʋ́ pʋyɔɔ yɔ, pala Krɩstʋ ɖɔ-yɔɔ ɛzɩ ɖe-heɣa ŋgá ɖʋkʋʋ se ɖɩtɔɔnɩ Paska Kazandʋ yɔ.

2 Kɔrɛntɩ 2:14

Pʋwɛɛ se ɖɩsa Ɛsɔ se eyeba pɩtɩŋna ɖa nɛ Krɩstʋ ɖɛ-kpɛndʋʋ yɔɔ nɛ ɖɩwakɩ tam. Mbʋ́ pʋyɔɔ yɔ, eyeki se pɩtɩŋnɩ ɖɔ-yɔɔ nɛ ɛyáa sɩm-ɩ paa le ɛzɩ tɩlaaɖɩ sɔzɩŋ ñɛyʋʋ yɔ.

2 Kɔrɛntɩ 2:15

Toovenim lɛ, ɖɩwɛ ɛzɩ tɩlaaɖɩ kɩbaŋgʋ ŋgʋ́ Krɩstʋ ha Ɛsɔ yɔ. Kʋ-sɔzɩŋ ñɛyɩɣ mbá Ɛsɔ yakɩ pa-ñʋʋ yɔ nɛ mbá peleki yɔ pɛ-hɛkʋ taa.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

Galaatɩ 1:4

Krɩstʋ ɛnʋ ɛhanɩ ɛ-maɣmaɣ ɛ-tɩ ɖa-kɩwɛɛkɩm yɔɔ se ɛlɩzɩ-ɖʋ lɛɛlɛɛyɔ kedeŋa kɩdɛkɛdɩm nesi taa. Ɛlabɩ ḿbʋ́ ɛzɩ ɖa-Caa Ɛsɔ liu wɛʋ yɔ.

Galaatɩ 2:20

Paa ḿbʋ́ yɔ, mɛwɛ wezuu. Pɩtɛkɛ mɔn-cɔlɔ pɩlɩnaa, ɛlɛ́, Krɩstʋ wezuu wɛnɩ man-taa. Alɩwaatʋ ndʋ́ mɛwɛ wezuu kedeŋa yɔɔ cɩnɛ yɔ, Ɛsɔ Pɩyalʋ weyi ɛsɔɔlɩ-m nɛ ɛsɩ mɔ-yɔɔ yɔ, ɛ-yɔɔ mɛwɛnɩ lidaʋ.

Efɛɛzɩ 1:4

Kpɛndʋʋ ḿbʋ́, pɩ-taa Ɛsɔ lɩzɩ-ɖʋ se ɖɩkɛ ɛ-ñɩma nɛ pataana kɩwɛɛkɩm nabʋyʋ ɖɔ-yɔɔ. Ɛɛlɩzɩ-ɖʋ nɛ pʋcɔ ɛla kedeŋa. Ɛsɔɔlɩ-ɖʋ yɔɔ

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Efɛɛzɩ 3:19

Ḿbʋ́ yekina nɛ ɩtɩlɩ se sɔɔlɩm ḿbʋ́, pɩkɩlɩ lɔŋsɩnɖɛ tɩŋa payɩ. Ḿbʋ́ yekina ɖɔɖɔ nɛ Ɛsɔ tɛzɩ mɩ-taa wɛʋ pilim.

Efɛɛzɩ 4:15

Ɛlɛ́, ɖɩyɔɔdʋʋ toovenim nɛ ɖɩsɔɔlʋʋ ɖama nɛ ɖɩpaɣlɩɣ pɩtɩŋa pɩ-taa nɛ ɖɩñɔtʋʋnɩ weyi ɛkɛ ñʋʋdʋ yɔ, ɛnʋ lɛ Krɩstʋ.

Efɛɛzɩ 4:2

iluzi mɩ-tɩ kpem nɛ ɩwɛɛ leleŋ nɛ ɩɖɔkɩ mɩ-hɔ. Ɩɖɔkɩ ɖama camɩyɛ nɛ sɔɔlɩm.

Efɛɛzɩ 5:15

Yee ḿbʋ́, ɩɖɔkɩ mɩ-tɩ camɩyɛ mɩ-ɖɔnɛ taa. Ɩtaaɖɔ ɛzɩ kɩmɛlɛmɩŋ yɔ, ɛlɛ́, ɩɖɔ ɛzɩ lɔŋsɩnɖaa yɔ.

Efɛɛzɩ 5:25

Mɩ walaa lɛ, paa weyi ɛsɔɔlɩ ɛ-halʋ ɛzɩ Krɩstʋ sɔɔlʋʋ ɛ-ŋgbɛyɛ nɛ ɛkpaɣ ɛ-maɣmaɣ ɛ-tɩ nɛ ɛha ɖɩ-taa ñɩma yɔɔ yɔ.

Filiipu 4:18

Meheyiɣ-mɩ se mbʋ́ ɩcɛlɩ Epafroditi se ɛkɔnɩ-m yɔ, mamʋ pɩtɩŋa payɩ. Pʋɖɔwa pɩtɩɩfɛyɩ. Lɛɛlɛɛyɔ, mɛwɛnɩ mbʋ́ pɩtɩŋa payɩ pɩtɛɖaɣ-m yɔ nɛ halɩ pɩɖɛɛ pʋ-yɔɔ. Mɩ-haɖɛ ńɖɩ́ ɖɩwɛ ɛzɩ kɩlaʋ ŋgʋ́ kɩlɩɣ sɔzɩŋ camɩyɛ nɛ kɩkɛdɩnɩ Ɛsɔ siŋŋ yɔ.

Koloosi 3:14

Ɩtɛm-tʋ suu payɩ lɛ, sɔɔlɩm ɛkɛnɩ-mɩ tambaɖɛ nɛ ɩtam-ɖɩ: ḿbʋ́ kpɛndɩɣnɩ pɩtɩŋa payɩ nɛ pɩtɛzɩ wɛʋ ɛzɩ pʋmʋnaʋ yɔ.

1 Tesalooniki 4:9

Ɛsɔ tɛm mɩ-maɣmaɣ kpɛlɩkʋʋ ɖama sɔɔlʋʋ tɔm. Ḿbʋ́ ɩɖɔŋ labʋ yɔ. Pʋ-yɔɔ lɛ, pɩtacazɩ pɔzʋʋ se ɖɩma pʋ-tɔm nɛ ɖiheyi-mɩ.

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

1 Timootee 4:12

Taayele se nɔɔyʋ ɛpɛŋ-ŋ tɛtɛ se ŋkɛ evebu. Ɛlɛ́, pʋwɛɛ se ŋwɩlɩ mbá pɛwɛnɩ lidaʋ Krɩstʋ yɔɔ yɔ nʋmɔʋ nɛ ñɔ-yɔɔdaɣ nɛ ñɔ-ɖɔnɛ nɛ ñɔ-sɔɔlɩm nɛ ñe-lidaʋ wɛnaʋ nɛ ña-cɩɖɩcɩɖɩ wɛtʋ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Ebree 8:3

Paa cɔjɔ sɔsɔ weyi lɛ, pasɩ-ɩ se ewoni Ɛsɔ haɖɛ nɛ kpɩna wena palaɣ Ɛsɔ ɛnʋ yɔ. Pʋ-yɔɔ lɛ, pʋwɛɛ se ɖɔ-cɔjɔ sɔsɔ ɖɔɖɔ ehiɣ nabʋyʋ nɛ ewoni ɛha-ɩ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Ebree 9:23

Yee ḿbʋ́, ḿbʋ́ pʋwɛɛ se pañalɩ mbʋ́ pɩwɩlɩɣ ɛzɩma mbʋ́ pɩlakɩ ɛsɔdaa yɔ nɛ pʋwɛɛ cɩɖɩcɩɖɩ. Ɛlɛ́, mbʋ́ pʋwɛ ɛsɔdaa yɔ, pʋpɔzʋʋ-pʋ kɩlaŋ weyi ɩkɩlɩ ḿbʋ́ yɔ.

Ebree 9:26

Yee ḿbʋ́ pɩɩwɛɛ yɔ, ɖooo ɛzɩ palabʋ kedeŋa yɔ, Krɩstʋ kalabɩ kʋñɔŋ tam sakɩyɛ. Toovenim lɛ, lɛɛlɛɛyɔ ɛlɩ kpaagbaa lɩʋ kɛtɛzaɣ alɩwaatʋ tʋnɛ tɩ-taa se ɛha ɛ-tɩ nɛ palaa-ɩ nɛ Ɛsɔ hɛzɩ ɛyáa kɩwɛɛkɩm.

1 Pɩyɛ 4:8

Mbʋ́ pʋwɛɛ kpem se ɩla yɔ lɛ se ɩsɔɔlɩ ɖama siŋŋ. Mbʋ́ pʋyɔɔ yɔ, sɔɔlɩm hɛzɩɣ kɩwɛɛkɩm sakɩyɛ.

1 Yohanɛɛsɩ 3:16

Mbʋ́ pɩwɩlɩɣ-ɖʋ sɔɔlɩm yɔ lɛ se: Yesu Krɩstʋ tisaa nɛ ɛsɩ ɖɔ-yɔɔ. Pʋ-yɔɔ lɛ, pʋwɛɛ se ɖa ɖɔɖɔ ɖɩsɩ ɖa-taabalaa yɔɔ.

1 Yohanɛɛsɩ 3:23

Ɛ-paɣtʋ ńdʋ́ lɛ se: ɖɩwɛnɩ lidaʋ ɛ-Pɩyalʋ Yesu Krɩstʋ yɔɔ nɛ ɖɩsɔɔlɩ ɖama ɛzɩ ɛ́lɛ́ ɖʋʋ-ɖʋ se ɖɩla yɔ.

Wɩlʋʋ 1:5

Yesu Krɩstʋ weyi ɛkɛ aseɣɖe tʋ weyi ɛlakɩ mbʋ́ ɛɖʋwa se ɛlakɩ yɔ, ɛlabɩ-mɩ ḿbʋ́ ɖɔɖɔ. Ɛnʋ pacalɩ fezuu nɛ sɩɖaa taa, ɛkɛ kedeŋa yɔɔ awiya taa Wiyaʋ. Ɛsɔɔlɩ-ɖʋ nɛ ɛtɩŋnɩ ɛ-calɩm mbʋ́ ɛkpɛdɩ ɖɔ-yɔɔ yɔ pʋ-yɔɔ nɛ ɛlɩzɩ-ɖʋ ɖa-kɩwɛɛkɩm taa

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.