17 Pʋ-yɔɔ lɛ, ɩtaawɛɛ kaatɩlɩtʋ taa, ɛlɛ́, ɩñaɣ pana nɛ ɩtɩlɩ mbʋ́ Kɩpaɣlʋ liu wɛɛ yɔ.
Weyi ɛcaɣ se ɛla mbʋ́ Ɛsɔ liu wɛɛ yɔ, ɛkɔŋ naʋ se mbʋ́ mawɩlɩɣ yɔ, Ɛsɔ cɔlɔ pɩlɩnaa yaa ma-maɣmaɣ mɔn-cɔlɔ pɩlɩnaa.
Ɩtaawɛɛ ɩlakɩ ɛzɩ mbá paañaŋ Krɩstʋ yɔ. Ɛlɛ́, ɩha Ɛsɔ waɖɛ nɛ ɛha-mɩ lɩmaɣza kɩfana kpem nɛ pɩlɛɣzɩ-mɩ. Peeɖe ɩpɩzɩɣ ɩtɩlɩ mbʋ́ Ɛsɔ liu wɛɛ yɔ: ḿbʋ́ lɛ mbʋ́ pʋwɛ ɖeu nɛ pɩkɛdɩnɩ-ɩ nɛ pʋmʋna yɔ.
Yee ḿbʋ́, ɩɖɔkɩ mɩ-tɩ camɩyɛ mɩ-ɖɔnɛ taa. Ɩtaaɖɔ ɛzɩ kɩmɛlɛmɩŋ yɔ, ɛlɛ́, ɩɖɔ ɛzɩ lɔŋsɩnɖaa yɔ.
Ḿbʋ́ yebina nɛ kpaɣ ɖooo kɩyakʋ ŋgʋ́ ɖɩnɩ tɔm ńdʋ́ yɔ, ɖɩwɛɛ ɖitendiɣ Ɛsɔ mɩ-yɔɔ se ɛha-mɩ e-Fezuu Kiɖeɖeu lɔŋsɩnɖɛ nɛ kɩ-lɛɣtʋ nɛ ɩtɩlɩ mbʋ́ e-liu wɛɛ yɔ camɩyɛ.
Ɩɖɔmnɩ lɔŋsɩnɖɛ mbá pɛtɛkɛ Krɩstʋ ñɩma yɔ pɔ-cɔlɔ. Ɩtaayele alɩwaatʋ nɛ tɩɖɛɛ yem.
Ɩsam-ɩ pɩtɩŋa pɩ-taa, ḿbʋ́ e-liu wɛɛ se ɩla mɩ nɛ Krɩstʋ Yesu mɩ-kpɛndʋʋ yɔɔ.
se ɛtaatasɩ wezuu caɣʋ ɛzɩ ɛyáa liu wɛʋ yɔ. Ɛlɛ́, ɛcaɣ-kʋ ɛzɩ Ɛsɔ liu wɛʋ yɔ nɛ pʋkɔɔ pɩsɩɩnɩ kɩyakʋ ŋgʋ́ ɛkʋyaa yɔ.