Efɛɛzɩ 5:10 - New Testament

¹⁰ Pʋ-yɔɔ lɛ, ɩñaɣ pana nɛ ɩtɩlɩ mbʋ́ pɩkɛdɩnɩ Kɩpaɣlʋ yɔ.

Efɛɛzɩ 5:10 ပူးပေါင်းရင်းမြစ်များ

Room 14:18

Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Filiipu 1:10

nɛ ɩpɩzɩ ɩlɩzɩ mbʋ́ pɩkɩlɩ ɖeu yɔ. Ḿbʋ́ yekina nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ

Filiipu 4:18

Meheyiɣ-mɩ se mbʋ́ ɩcɛlɩ Epafroditi se ɛkɔnɩ-m yɔ, mamʋ pɩtɩŋa payɩ. Pʋɖɔwa pɩtɩɩfɛyɩ. Lɛɛlɛɛyɔ, mɛwɛnɩ mbʋ́ pɩtɩŋa payɩ pɩtɛɖaɣ-m yɔ nɛ halɩ pɩɖɛɛ pʋ-yɔɔ. Mɩ-haɖɛ ńɖɩ́ ɖɩwɛ ɛzɩ kɩlaʋ ŋgʋ́ kɩlɩɣ sɔzɩŋ camɩyɛ nɛ kɩkɛdɩnɩ Ɛsɔ siŋŋ yɔ.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

1 Tesalooniki 5:21

Ɛlɛ́, ɩtakɩ pɩtɩŋa pɩ-taa camɩyɛ nɛ ɩɖɔkɩ mbʋ́ pʋwɛ ɖeu yɔ nesi naalɛ.

1 Timootee 2:3

Ḿbʋ́ wɛnɩ ɖeu nɛ pɩkɛdɩnɩ ɖa-ñʋʋ yaɖʋ Ɛsɔ.

1 Timootee 5:4

Ɛlɛ́, yee lelu nɔɔyʋ ɛwɛnɩ piya yaa sayɩnaa yɔ, pʋwɛɛ se ḿbá ɛcalɩnɩ kpɛlɩkʋʋ mbʋ́ pʋmʋnaa se pala pɔ-hɔʋ taa ñɩma yɔ. Pʋ-tɔbʋʋ se ḿbá pɩtalɩnaa se pɔcɔnɩ pa-ñɩma yɔɔ ɛzɩ paba kɔcɔnaʋ pɔ-yɔɔ yɔ. Mbʋ́ pʋyɔɔ yɔ, ḿbʋ́ kɛdɩnɩnɩ Ɛsɔ.

Ebree 12:28

Pʋ-yɔɔ lɛ, ɖɩwɛnɩ Ɛsɔ yɔɔ ɛsɩmɩyɛ, mbʋ́ pʋyɔɔ yɔ, ɛha-ɖʋ kewiyaɣ ŋgá kɛfɛyɩ ñamsʋʋ yɔ: ɖiluŋ ɛ-tɛɛ ɛzɩ pɩkɛdɩnaʋ-ɩ yɔ nɛ ñamtʋ nɛ sɔɔndʋ.

1 Pɩyɛ 2:20

Yee ɩlabɩ kɩdɛkɛdɩm nɛ pamakɩ-mɩ lɛ, ɛbɛ pɩsɛɣ-mɩ? Ɛlɛ́, yee ɩlakɩ mbʋ́ Ɛsɔ liu wɛɛ yɔ nɛ pamakɩ-mɩ ɖulum nɛ iikiziɣ yɔ, pɩkɛdɩɣnɩ-ɩ.

1 Pɩyɛ 2:5

Pʋwɛɛ se ɩwɛɛ ɛzɩ pɛɛ wena awɛ wezuu yɔ. Ana Ɛsɔ kpakɩɣ nɛ ɛtɩŋnɩ e-Fezuu Kiɖeɖeu yɔɔ nɛ ɛmanɩ ɛ-ɖɩɣa. Peeɖe ɩkɛɣ cɔjɔnaa mbá ɛlɩzɩ-wɛ nɛ patɩŋɩɣnɩ Yesu Krɩstʋ yɔɔ nɛ palaɣ-ɩ kɩlaŋ weyi paanaɣ nɛ e-liu wɛɛ-ɩ yɔ.