Efɛɛzɩ 4:6 - New Testament

⁶ Ɛsɔ kʋɖʋm koŋ wɛna: ɛnʋ lɛ Krɩstʋ ñɩma tɩŋa payɩ Caa. Ɛnʋ cɔŋnɩnɩ patɩŋa pɔ-yɔɔ nɛ ɛwɛɛ patɩŋa pa-taa nɛ ɛlakɩ tʋmɩyɛ patɩŋa pa-taa.

Efɛɛzɩ 4:6 ပူးပေါင်းရင်းမြစ်များ

Maatiyee 6:13

Taayele nɛ pɩtakɩ-ɖʋ, ɛlɛ́, lɩzɩ-ɖʋ Satanɩ nesi taa. [ Mbʋ́ pʋyɔɔ yɔ, ñatɩnɩ kewiyaɣ nɛ ɖoŋ nɛ koboyaɣ patɩŋa payɩ tam. Pɩla ḿbʋ́!]›

Maatiyee 6:9

Mɩ lɛ, ɩsɛɛ Ɛsɔ se: ‹Đa-Caa weyi ña ŋwɛ ɛsɔdaa yɔ, ña-hɩɖɛ ɛsɛɛ paa le.

Yohanɛɛsɩ 14:23

Yesu cosi-i se: «Weyi ɛsɔɔlɩ-m yɔ, ɛɖɔŋ mɔn-tɔm yɔɔ. Man-Caa sɔɔlʋʋ-ɩ nɛ ma nɛ ɩ ɖiwolo ɖɩwɛɛ pʋdʋ tɛ.

Yohanɛɛsɩ 17:26

Meyeba nɛ pasɩm-ŋ, mɛwɛɣ pʋ-yɔɔ tam. Peeɖe pɔsɔɔlʋʋ ɖama ɛzɩ ŋsɔɔlʋʋ-m yɔ nɛ ma nɛ wɛ ɖɩwɛɛ ɖama taa.»

Yohanɛɛsɩ 20:17

Yesu heyi-i se: «Taalaɣzɩ-m, mbʋ́ pʋyɔɔ yɔ, mantakpadɩ man-Caa cɔlɔ. Ɛlɛ́, wolo ŋheyi mɛ-ɛgbaɣdɩnaa se mankpaɣ weyi ɛkɛ man-Caa nɛ ɛtɛ ɛkɛ mɛ-Ɛsɔ yɔ ɛ-cɔlɔ. Ɛnʋ ɖɔɖɔ lɛ mɩ-Caa nɛ mɩ-Ɛsɔ.»

Room 11:36

Mbʋ́ pʋyɔɔ yɔ, ɛ-cɔlɔ pɩtɩŋa pɩlɩɣna. Ɛnʋ yebina nɛ pɩtɩŋa pʋwɛɛ se pɩkɛ ɛ-ñɩm. Ɛsɔ hɩɖɛ ɛsɛɛ paa ɖooye! Pɩla ḿbʋ́!

1 Kɔrɛntɩ 12:6

Paa ɖa-tʋma labʋ ɛwɛ ndɩ ndɩ yɔ, Ɛsɔ kʋɖʋm ɛnʋ ɛhaɣnɩ ɖatɩŋa payɩ ɖoŋ se ɖɩla atɩŋa.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

2 Kɔrɛntɩ 6:16

Ɛbɛ Ɛsɔ ɖɩɣa nɛ kumola pakawa? Ŋgʋ́, ɖɩkɛ Ɛsɔ wezuu tʋ ɖɩɣa. Pʋwɛ ɛzɩ Ɛsɔ yɔɔdʋʋ se: «Mɛwɛɣ pɔ-cɔlɔ nɛ ma nɛ wɛ ɖɩɖɔ. Mɛnkɛɣ pɛ-Ɛsɔ nɛ pɛkɛ mɛ-ɛyáa» yɔ.

Efɛɛzɩ 1:21

Ḿbʋ́ yebina nɛ ɛkɛ ɛsɔdaa ɖoŋ tɩŋa nɛ kewiyisi tɩŋa nɛ mbʋ́ pɩtɩŋa payɩ pɩpaɣlaa nɛ pɩ-hɩɖɛ sɛɛ kedeŋa yɔɔ cɩnɛ yɔ pʋ-ñʋʋdʋ. Pɩtɛkɛ mbʋ́ pʋwɛ alɩwaatʋ tʋnɛ tɩ-taa yɔ pi-ɖeke pʋ-ñʋʋdʋ ɛkɛnaa, ɛlɛ́, pɩkpɛndɩnɩ mbʋ́ pʋkɔŋ wɛʋ cee wayɩ yɔ.

Efɛɛzɩ 2:22

Ɛ-yɔɔ mɩ ɖɔɖɔ ɩwɛ mbá pamanɩ-kɛ se Ɛsɔ ɛtɩŋnɩ e-Fezuu Kiɖeɖeu yɔɔ nɛ ɛwɛɛ ka-taa yɔ pa-taa.

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Efɛɛzɩ 6:23

Caa Ɛsɔ nɛ Kɩpaɣlʋ Yesu Krɩstʋ pɛhɛzɩ taabalaa tɩŋa laŋa nɛ peyele pɔsɔɔlɩ ɖama nɛ pɛwɛnɩ lidaʋ.

1 Yohanɛɛsɩ 3:24

Weyi ɛɖɔŋ Ɛsɔ paɣtʋ yɔɔ yɔ, ɛ nɛ ɩ pɛwɛ ɖama taa. E-Fezuu Kiɖeɖeu ŋgʋ́ ɛha-ɖʋ yɔ, ŋ́gʋ́ wɩlɩɣnɩ-ɖʋ se ɖa nɛ ɩ ɖɩwɛ ɖama taa.