Efɛɛzɩ 4:5 - New Testament

⁵ Kɩpaɣlʋ kʋɖʋm koŋ nɛ lidaʋ kʋɖʋmʋʋ koŋ nɛ lɩm sɔʋ sɔnzɩ kʋɖʋmsɩ koŋ pɛwɛna.

Efɛɛzɩ 4:5 ပူးပေါင်းရင်းမြစ်များ

Maatiyee 28:19

Iwolo ajɛya kpeekpe taa ɛyáa cɔlɔ nɛ ɩla nɛ papɩsɩ mɔn-tɔmkpɛlɩkɩyaa nɛ ɩlabɩ-wɛ lɩm sɔʋ sɔnzɩ Caa Ɛsɔ nɛ ɛ-Pɩyalʋ nɛ e-Fezuu Kiɖeɖeu pa-hɩɖɛ taa.

Tʋma Labʋ 10:36

Ɩtɩlɩ se Ɛsɔ tiyini Yesu Krɩstʋ se ɛkɔɔ eheyi Izrɛɛlɩ ñɩma Laŋhɛzɩyɛ Tɔm. Yesu Krɩstʋ ɛnʋ lɛ ɛyáa tɩŋa payɩ Kɩpaɣlʋ.

Tʋma Labʋ 2:36

Pʋ-yɔɔ lɛ, pʋwɛɛ se Izrɛɛlɩ ñɩma mɩ mɩtɩŋa, ɩnɩɩ ɖeu se: Yesu weyi ɩkam-ɩ kaamaŋkaɣ yɔɔ yɔ, ɛnʋ lɛ Weyi Ɛsɔ Lɩzaa nɛ ɛkɛ Kɩpaɣlʋ yɔ!»

Room 3:30

Mbʋ́ pʋyɔɔ yɔ, Ɛsɔ kʋɖʋm koŋ wɛna. Ɛpɩsɩɣ Yuda ñɩma kʋtʋʋzaa lidaʋ ŋgʋ́ pɛwɛna yɔ kʋ-yɔɔ. Ḿbʋ́ ɖɔɖɔ ɛpɩsɩɣ mbá pɛtɛkɛ Yuda ñɩma yɔ kʋtʋʋzaa lidaʋ kʋɖʋmʋʋ ŋ́gʋ́ kʋ-yɔɔ.

1 Kɔrɛntɩ 1:13

Krɩstʋ ɛnʋ patayɩ-ɩ yaa we? Ma Pɔɔlɩ pakam kaamaŋkaɣ yɔɔ mɩ-yɔɔ, yaa mɔ-nɔɔ palabɩnɩ-mɩ lɩm sɔʋ sɔnzɩ?

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 12:13

Mbʋ́ pʋyɔɔ yɔ, Fezuu Kiɖeɖeu kʋɖʋmʋʋ ŋ́gʋ́ kɩ-yɔɔ pɩtɩŋnaa nɛ pala ɖatɩŋa payɩ lɩm sɔʋ sɔnzɩ nɛ ɖɩpɩsɩ tomnaɣ kʋɖʋmaɣ. Paa ɖɩkɛ Yuda ñɩma yaa mbá pɛtɛkɛ Yuda ñɩma yɔ, yaa yomaa yaa mbá pɛwɛ pa-tɩ yɔɔ yɔ, ɖatɩŋa payɩ Fezuu kʋɖʋmʋʋ ŋ́gʋ́ kɩ-lɩm ɖɩñɔwa.

1 Kɔrɛntɩ 12:5

Paa tʋma wena ɖɩlakɩ yɔ awɛ ndɩ ndɩ yɔ, Kɩpaɣlʋ kʋɖʋm ɖeke ɖɩlakɩ-yɛ.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

2 Kɔrɛntɩ 11:4

Mbʋ́ pʋyɔɔ yɔ, yee nɔɔyʋ ɛkɔm esusi-mɩ Yesu tɔm nɛ tɩwɛnɩ ndɩ nɛ ndʋ́ ɖiisusi-mɩ yɔ yaa ɛkɛdɩ-mɩ Fezuu ŋgʋ́ kɩwɛnɩ ndɩ nɛ ŋgʋ́ ɩɩmʋwa yɔ kʋ-tɔm yaa ɛkɛdɩ-mɩ Laŋhɛzɩyɛ Tɔm ndʋ́ tɩwɛnɩ ndɩ nɛ ndʋ́ paaheyi-mɩ nɛ itisi yɔ yɔ, itisiɣ yem kitisu.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Efɛɛzɩ 4:13

nɛ pʋkɔɔ pɩsɩɩnɩ alɩwaatʋ ndʋ́ ɖatɩŋa payɩ ɖɩlabɩ nɔɔ kʋɖʋmaɣ ɖe-lidaʋ wɛnaʋ taa nɛ ɖɩtɩlɩ Ɛsɔ Pɩyalʋ siŋŋ nɛ ɖɩpɩsɩ ɛyáa sʋtʋyaa nɛ ɖɩwɛɛ ɛzɩ Krɩstʋ wɛʋ kpem yɔ.

Filiipu 2:11

pʋtɔ se Yesu Krɩstʋ lɛ Kɩpaɣlʋ se Caa Ɛsɔ hɩɖɛ ɛsɛɛ.

Filiipu 3:8

Halɩ mankpakɩɣ pɩtɩŋa payɩ se pʋɖʋzɩ-m, mbʋ́ pʋyɔɔ yɔ, mansɩm man-Kɩpaɣlʋ Krɩstʋ Yesu yɔ, pɩkɩlɩ-m wazaɣ pɩtɩŋa payɩ. Ɛ-yɔɔ lɛ, mentisaa se melesi pɩtɩŋa payɩ. Mankpakɩɣ pɩtɩŋa ɛzɩ azuluma pʋyʋ yɔ se manpɩzɩ mehiɣ Krɩstʋ ɛnʋ. Malakɩ ḿbʋ́ se ma nɛ ɩ ɖɩwɛɛ ɖama taa. Yee ḿbʋ́ pɩtɛkɛ paɣtʋ yɔɔ ɖɔm yebina nɛ manpɩsɩ ɛyʋ kʋtʋʋzʋ. Ɛlɛ́, mɛwɛnɩ lidaʋ Krɩstʋ yɔɔ yɔɔ manpɩsɩ ɛyʋ kʋtʋʋzʋ. Ɛsɔ cɔlɔ pɩlɩnaa se pɩtɩŋnɩ lidaʋ yɔɔ nɛ ɛyʋ pɩsɩ kʋtʋʋzʋ ḿbʋ́.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Tiiti 1:4

Tiiti weyi ña ŋkɛ man-pɩɣa mbʋ́ pʋyɔɔ yɔ ŋwɛnɩ lidaʋ ɛzɩ ma yɔ, ña mamaɣ takayaɣ kanɛ, mɛnsɛ-ŋ: Caa Ɛsɔ nɛ ɖa-ñʋʋ yaɖʋ Krɩstʋ Yesu palabɩ-ŋ lootiye nɛ pɛhɛzɩ ña-laŋɩyɛ.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

Ebree 6:6

Ɛlɛ́, paha Ɛsɔ siɣ́ye. Paakaɣ patasɩ tɩlʋʋ pa-kɩwɛɛkɩm nɛ pɛlɛɣzɩ wɛtʋ. Mbʋ́ pʋyɔɔ yɔ, paɖaɣnɩɣ Ɛsɔ Pɩyalʋ kam kaamaŋkaɣ yɔɔ nɛ patʋʋ-ɩ ɛyáa ɛsɩndaa.

Yakubu 2:18

Ɛlɛ́, yee nɔɔyʋ ɛtɔm se: «ɛwɛnɩ lidaʋ Ɛsɔ yɔɔ nɛ ma malakɩ lakasɩ kɩbanzɩ yɔ» mɔnpɔzʋʋ pʋdʋ se: «Wɩlɩ-m ɛzɩma mbʋ́ ŋwɛnɩ lidaʋ Ɛsɔ yɔɔ nɛ ŋŋlakɩ lakasɩ kɩbanzɩ yɔ nɛ ma mawɩlɩ-ŋ ɛzɩma mbʋ́ mɛwɛnɩ lidaʋ ɛ-yɔɔ yɔ nɛ ma-lakasɩ kɩbanzɩ yɔ.»

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

Yuudi 1:20

Mɛ-ɛgbaɣdɩnaa! Mɩ lɛ, ɩñaɣ pana nɛ ɩtɛzɩ pɩʋ lidaʋ kɩbaŋgʋ ŋgʋ́ Ɛsɔ yeba se ɩwɛnɩ ɛ-yɔɔ yɔ kɩ-taa. Ɩsɛɛ Ɛsɔ nɛ e-Fezuu Kiɖeɖeu ɖoŋ.

Yuudi 1:3

Mɛ-ɛgbaɣdɩnaa! Me-liu kɛwɛɛ kpem se mama-mɩ takayaɣ ɛzɩma mbʋ́ Ɛsɔ yabɩ ɖatɩŋa payɩ ɖa-ñʋʋ yɔ pʋ-tɔm taa. Peeɖe manawa se pɩkɛnɩ-m kɩcɛyʋʋ se mama-mɩ kanɛ nɛ pɩlabɩ-mɩ hʋnʋm nɛ ɩlʋ lidaʋ yɔɔ. Lidaʋ ŋ́gʋ́, kʋ-tɔm pɛkɛdɩ Ɛsɔ ñɩma mɩ kpaagbaa kɛdʋʋ.