Efɛɛzɩ 4:22 - New Testament

²² Yee ḿbʋ́, pʋwɛɛ se iyele mɩ-wɛtʋ kɩbɩndʋ nɛ mi-wezuu caɣʋ kɩbɩm, mbʋ́ pʋyɔɔ yɔ, ḿbá cɛtɩɣnɩ-mɩ nɛ paɖʋzʋʋ-mɩ.

Efɛɛzɩ 4:22 ပူးပေါင်းရင်းမြစ်များ

Room 6:6

Đɩsɩm ɖeu se: wɛtʋ ndʋ́ ɖɩɩwɛna ɖooo lɔŋ yɔ, alɩwaatʋ ndʋ́ pakam Krɩstʋ kaamaŋkaɣ yɔɔ yɔ, pɛkpɛndɩnɩ-tʋ nɛ paka. Pɩlabɩ ḿbʋ́ se ɖɛ-wɛtʋ ńdʋ́, tɩtaatasɩ wɛnaʋ ɖoŋ ɖɔ-yɔɔ nɛ ɖɩtasɩ kɛʋ kɩwɛɛkɩm yomaa.

Room 7:11

Mbʋ́ pʋyɔɔ yɔ, waɖɛ ńɖɩ́ ɖɩ-yɔɔ pɩtɩŋnaa nɛ kɩwɛɛkɩm tɩŋnɩ mbʋ́ paɖʋ paɣtʋ taa yɔ pʋ-yɔɔ nɛ pɩcɛtɩ-m nɛ pʋkʋ-m.

2 Kɔrɛntɩ 11:3

Ɛlɛ́, sɔɔndʋ kpaɣ-m se ɛzɩma mbʋ́ ɖʋm kowobi ɛcɛtɩ Ɛɛvɩ nɛ ɛ-lɛɣtʋ yɔ, nɔɔyʋ ɛɛtaakɔɔ eliɣti mɩ-lɩmaɣza nɛ iyele Krɩstʋ weyi ɩsɔɔlɩ-ɩ nɛ mɩ-laŋɩyɛ tɩŋa yem fɛɛɛ yɔ.

Galaatɩ 1:13

Pɔyɔɔdaa nɛ ɩnɩɩ mbʋ́ malakaɣ alɩwaatʋ ndʋ́ malakaɣ Yuda ñɩma sɔnzɩ yɔ. Tɩ-taa lɛ, maawɛ Ɛsɔ ŋgbɛyɛ taa ñɩma wayɩ kaŋ kaŋ nɛ mañɩnɩɣ se mankʋ patɩŋa.

Efɛɛzɩ 2:3

Đa ɖɔɖɔ ɖatɩŋa payɩ ɖɩɩwɛ pa-taa. Đɩɖɔŋaɣ ɛzɩ ɖa-maɣmaɣ ɖe-liu wɛʋ yɔ nɛ ɖɩlakɩ mbʋ́ pɩkɛdɩnɩ-ɖʋ yɔ nɛ mbʋ́ ɖɩmaɣzɩɣ yɔ. Pɩɩwɛɛ se Ɛsɔ ɛhʋʋnɩ-ɖʋ ɖɔɖɔ ɛzɩ lɛlaa yɔ wɛtʋ ndʋ́ tɩ-taa ɖɩwɛɛ yɔ tɩ-yɔɔ.

Efɛɛzɩ 4:17

Iwelesi tɔm ndʋ́ mankaɖɩɣ-mɩ nɛ Kɩpaɣlʋ nɔɔ yɔ. Ńdʋ́ lɛ se: pɩfɛyɩ se ɩtasɩ caɣʋ wezuu ɛzɩ mbá pɛtɛkɛ Yuda ñɩma yɔ. Palakɩ mbʋ́ pamaɣzɩɣ nɛ pɩɩtalɩɣnɩ-wɛ ɖoli yɔ.

Efɛɛzɩ 4:25

Pʋ-yɔɔ lɛ, pʋwɛɛ se iyele cɛtʋʋ: paa mɩ-taa weyi eheyi lɛlʋ toovenim. Mbʋ́ pʋyɔɔ yɔ, ɖatɩŋa payɩ ɖɩkɛ Krɩstʋ tomnaɣ pilinzi.

Efɛɛzɩ 4:31

Iyele ɛsɛñɩŋɩyɛ nɛ tɔm ñasʋʋ nɛ pana nɛ holuu nɛ ɛyáa hɩla wɛɛkʋʋ nɛ pɩkpɛndɩnɩ kañatʋ tɩŋa payɩ.

Koloosi 2:11

Mɩ nɛ ɩ mɩ-kpɛndʋʋ ḿbʋ́ pɩ-taa pɛpɛlɩ-mɩ. Pɛtɛpɛlɩ-mɩ ɛzɩ ɛyáa pɛlʋʋ yɔ, ɛlɛ́, pɛpɛlɩ-mɩ ɛzɩ Krɩstʋ ɖʋʋ yɔ. Ḿbʋ́ lɛ se ɩsɛtɩ mɩ-kɩwɛɛkɩm nɛ ɩlɔ.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

Ebree 12:1

Đa lɛ, ḿbʋ́ aseɣɖe tɩnaa samaɣ sɔsɔɔ ŋgá kɛwɛnɩ lidaʋ yɔ, kɔcɔ-ɖʋ kata. Pʋ-yɔɔ lɛ, ɖɩlɔ ɖa-sʋʋtʋ nɛ ɖa-kɩwɛɛkɩm patɩŋa payɩ nɛ ɖɩpɩzɩ ɖise seya wena paɖʋ-ɖʋ yɔ siŋŋ. Mbʋ́ pʋyɔɔ yɔ, ḿbá yekina se ɖɩtaala mbʋ́ pʋpɔzʋʋ-ɖʋ yɔ.

Ebree 3:13

Ɛlɛ́, ɩsazɩ ɖama kɩyakɩŋ tɩŋa nɛ kɩwɛɛkɩm ɛtaacɛzɩ mɩ-taa nɔɔyʋ nɛ ɛla laŋɩyɛ ɖoŋ. Mbʋ́ pʋyɔɔ yɔ, pɔtɔŋʋʋ se: «Sɔnɔ» yɔ, pʋ-tɔbʋʋ se lootiye alɩwaatʋ ndʋ́ tɩ-taa ɖɩwɛɛ yɔ.

Yakubu 1:21

Pʋ-yɔɔ lɛ, iyele mbʋ́ pɩtɩŋa payɩ pipisiɣ ɛyáa yɔ nɛ mbʋ́ pɩtɩŋa payɩ pɩfɛyɩ ɖeu yɔ. Itisi tɔm ndʋ́ Ɛsɔ ɖu mɩ-laŋa taa yɔ nɛ ñamtʋ, mbʋ́ pʋyɔɔ yɔ, tɩpɩzɩɣ tɩya mɩ-ñʋʋ.

Yakubu 1:26

Yee nɔɔyʋ ɛmaɣzɩɣ se ɛkɛ Ɛsɔ wayɩ tɩŋɩyʋ nɛ ɛɛɖɔkʋʋ ɛ-tɩ ɛ-yɔɔdaɣ taa nɛ ɛcɛtɩɣ ɛ-tɩ kɩcɛtʋ yɔ, ɛ-Ɛsɔ wayɩ tɩŋʋʋ ɛɛwazɩɣ pʋyʋ.

1 Pɩyɛ 1:18

Ɩtɛm naʋ se pɩtɛkɛ mbʋ́ pʋwɛɛkɩɣ ɛzɩ liidiye yaa sika yɔ pʋ-yɔɔ patɩŋnaa nɛ paya mɩ-ñʋʋ nɛ palɩzɩ-mɩ mɩ-cɔzɔnaa lakasɩ nzɩ́ sɩɩwazɩɣ pʋyʋ yɔ sɩ-taa.

1 Pɩyɛ 4:3

Đooo lɔŋ, ɩɩkpaɣ alɩwaatʋ siŋŋ nɛ ɩla ɛzɩ mbá paañaŋ Ɛsɔ yɔ palakʋʋ mbʋ́ pe-liu wɛɛ yɔ. Pɩmaɣ ḿbʋ́. Ɩɖɔŋaɣ ɛzaɣ́tʋ nʋmɔʋ taa nɛ ɩɖʋʋ ɛsɛ lɛlaa ñɩm yɔɔ nɛ ɩkpaŋɩɣ sʋlʋm nɛ ɩɖɛlɛsɩɣ niye tɔkɩyɛ nɛ ñɔtʋ pa-taa nɛ mɩ nɛ mɩ-taabalaa ɩñɔʋ nɛ pɩɖɛlɛsɩɣ niye nɛ iluŋuu agɔlɩma tɛɛ.

2 Pɩyɛ 2:13

Pɔkɔŋ-wɛ labʋ mbʋ́ pɩtatʋʋzɩ yɔ ɛzɩ pa-maɣmaɣ palabʋ lɛlaa yɔ. Pɔsɔɔlɩ kpem se pɔtɔɔ nɛ pɔñɔɔ nɛ pɩɖɛlɛsɩ niye nɛ pɩkpɛndɩnɩ wɩsɩ taa. Alɩwaatʋ ndʋ́ mɩ nɛ wɛ ɩkpɛndɩɣ ɩtɔkɩ kazandʋ yɔ, pa-lakasɩ kpaɣ-mɩ fɛyɛ. Pɛcɛtɩɣ-mɩ nɛ pɩkɛdɩɣnɩ-wɛ siŋŋ.

2 Pɩyɛ 2:7

Ɛlɛ́, ɛyabɩ Looti weyi ɛkɛ ɛyʋ kʋtʋʋzʋ yɔ ɛ-ñʋʋ. Ɛyáa azaɣ́a mbá paawɛ ɛ-alɩwaatʋ taa yɔ, pe-yem yem lakasɩ cɛyaɣ Looti ɛnʋ siŋŋ. Mbʋ́ pʋyɔɔ yɔ, kʋtʋʋzʋ ɛnʋ, ɛɛwɛ pɛ-hɛkʋ taa nɛ pɩɖɛɛ-ɩ nɛ pɛ-ɛzaɣ́tʋ lakasɩ naʋ. Pɩɩɖɛ-ɩ ɖɔɖɔ nɛ tɔm ɛzaɣ́tʋ ndʋ́ pɔyɔɔdaɣ yɔ tɩ-nɩʋ.