Efɛɛzɩ 4:21 - New Testament

²¹ Paa pɩlabɩ ɛzɩma, pɔyɔɔdɩ ɛ-tɔm nɛ ɩnɩɩ nɛ pɛkpɛlɩkɩ Yesu ñɩma mɩ toovenim mbʋ́ pʋwɛ ɛ-cɔlɔ yɔ.

Efɛɛzɩ 4:21 ပူးပေါင်းရင်းမြစ်များ

Maatiyee 17:5

Ɛyɔɔdaɣ ḿbʋ́ lɛ, ɛsɔmɩnʋʋ kɩñɩlɩsʋʋ nakʋyʋ kɔɔ kuhuuzi pɔ-yɔɔ nɛ panɩɣ pʋyɔɔdʋʋnɩ-wɛ nɛ kɩ-tɛɛ se: «Ɛnɛ lɛ man-Pɩyalʋ kʋsɔɔlʋ, maahʋʋ ɛ-yɔɔ kaʋ. Ɩnɩɩnɩ-ɩ!»

Luka 10:16

Pʋwayɩ lɛ, ɛtasɩ ɛ-tɔmkpɛlɩkɩyaa heyuu se: «Weyi ɛnɩɣnɩ-mɩ yɔ, ɛnɩnɩ-m. Weyi ɛlɔʋ-mɩ yɔ, ɛlɔ-m. Weyi ɛ́lɛ́ lɔʋ-m yɔ, ɛlɔ weyi etiyi-m yɔ.»

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.

Yohanɛɛsɩ 10:27

Me-heŋ nɩɣ mɔ-nɔɔ. Ma mansɩm-ɩ nɛ ɛ́lɛ́ ñatɩŋɩɣ-m.

Yohanɛɛsɩ 14:17

ɛnʋ lɛ toovenim Fezuu. Mbá paañaŋ Ɛsɔ yɔ, paapɩzɩɣ pamʋ-ɩ, mbʋ́ pʋyɔɔ yɔ, paapɩzɩɣ pana-ɩ yaa pasɩm-ɩ. Ɛlɛ́ mɩ yɔ, mɩsɩŋ-ɩ, mbʋ́ pʋyɔɔ yɔ, ɛwɛɣ mɩ-cɔlɔ nɛ mɩ nɛ ɩ ɩwɛɛ ɖama taa.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Room 10:14

Ɛlɛ́, ɛzɩma papɩzɩɣ payaa-ɩ se ɛsɩnɩ-wɛ nɛ pɛfɛyɩnɩ lidaʋ ɛ-yɔɔ? Ɛzɩma papɩzɩɣ pɛwɛnɩ lidaʋ ɛ-yɔɔ nɛ patanɩɩ ɛ-tɔm nɔɔyʋ cɔlɔ? Ɛzɩma papɩzɩɣ panɩɩ ɛ-tɔm nɛ nɔɔyʋ tosusi-tʋ?

2 Kɔrɛntɩ 1:20

Ɛnʋ wɩlɩɣnɩ-ɖʋ kaŋŋ se mbʋ́ pɩtɩŋa payɩ Ɛsɔ heyi-ɖʋ se ɛlakɩ-ɖʋ yɔ, ɛlakɩ pɩtɩŋa payɩ nɛ pɩtɩŋnɩ Krɩstʋ yɔɔ. Đɔɖɔ lɛ, ɛ-yɔɔ ɖɩtɩŋɩɣna nɛ ɖiheyi Ɛsɔ se: «Pɩla ḿbʋ́!» Nɛ pɩkɛnɩ Ɛsɔ ɛnʋ koboyaɣ.

2 Kɔrɛntɩ 11:10

Ɛzɩma mbʋ́ Krɩstʋ toovenim wɛ man-taa yɔ, mankaɖɩɣ-mɩ se: nɔɔyʋ fɛyɩ Akayɩ hɔɔlʋʋ nakʋyʋ taa se ɛɖaŋɩɣ-m se mantaakʋndɩnɩ tɔm ńdʋ́.

Efɛɛzɩ 1:13

Mɩ nɛ ɩ mɩ-kpɛndʋʋ taa ɖɔɖɔ ɩnɩ toovenim tɔm. Ńdʋ́ lɛ Laŋhɛzɩyɛ Tɔm ndʋ́ tɩyakɩ mɩ-ñʋʋ yɔ. Pɩ-taa ɖɔɖɔ Ɛsɔ ha-mɩ e-Fezuu Kiɖeɖeu alɩwaatʋ ndʋ́ ɩwɛnɩ lidaʋ ɛ-yɔɔ yɔ. Ŋ́gʋ́ ɛɖʋwa se ɛhaɣ ɛ-ñɩma. Ŋ́gʋ́ lɛ mayaɣ ŋgá ɛñɩɣ mɩ-yɔɔ yɔ.

Efɛɛzɩ 2:17

Ɛkɔm kedeŋa yɔɔ nɛ esusi Laŋhɛzɩyɛ Tɔm mbá mɩ iiposini Ɛsɔ yɔ nɛ Yuda ñɩma mbá paba kɔñɔtɩnɩ-ɩ yɔ ɖɔɖɔ.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

Koloosi 1:6

Laŋhɛzɩyɛ Tɔm ńdʋ́, tɩtalɩ mɩ-tɛ ɛzɩ tɩcɔʋ kedeŋa kpeekpe yɔɔ ɛyáa cɔlɔ nɛ tɩlabɩ-wɛ tʋmɩyɛ siŋŋ yɔ. Ḿbʋ́ ɖɔɖɔ tɩlabɩ-mɩ tʋmɩyɛ kpaɣ ɖooo kɩyakʋ ŋgʋ́ ɩnɩ Ɛsɔ lootiye tɔm nɛ ɩtɩlɩ-ɖɩ kpem yɔ.

Koloosi 2:7

Ɩka lila ɛ-yɔɔ nɛ ɩpaɣlɩ nɛ ɩtɛzɩ pɩʋ mi-lidaʋ wɛnaʋ taa ɛzɩ pawɩlʋʋ-mɩ yɔ. Đɔɖɔ lɛ, ɩsam-ɩ siŋŋ.

1 Yohanɛɛsɩ 5:20

Đɩnawa ɖɔɖɔ se Ɛsɔ Pɩyalʋ kɔm kedeŋa yɔɔ nɛ ɛha-ɖʋ lɛɣtʋ se ɖɩpɩzɩ ɖɩtɩlɩ Ɛsɔ. Ɛsɔ ɛnʋ lɛ Ɛsɔ maɣmaɣ kpem. Ɛ-Pɩyalʋ Yesu Krɩstʋ yɔɔ pɩtɩŋnaa nɛ ɖa nɛ ɩ ɖɩwɛɛ ɖama taa. Ɛnʋ lɛ Ɛsɔ maɣmaɣ kpem, ɛnʋ lɛ wezuu maatɛŋ.