Efɛɛzɩ 4:16 - New Testament

¹⁶ Ɛ-yɔɔ pɩtɩŋɩɣna nɛ e-tomnaɣ hɔɔlɩŋ tɩŋa kpɛndɩ camɩyɛ nɛ paa hɔɔlʋʋ ŋgʋ́ kɩpaɣlɩɣ ɛzɩ pʋpɔzʋʋ yɔ. Nɛ yee tomnaɣ ŋ́gá, kɔ-hɔɔlɩŋ tɩŋa ɩlakɩ a-tʋmɩyɛ ɛzɩ pʋpɔzʋʋ yɔ yɔ, kɛwɛɣ kɛtɛzɩɣ kpaʋ ɖoŋ sɔɔlɩm taa.

Efɛɛzɩ 4:16 ပူးပေါင်းရင်းမြစ်များ

Yohanɛɛsɩ 15:5

Ma lɛ tɩʋ ŋgʋ́ popuu ki-pee sʋlʋm yɔ nɛ mɩ lɛ pilinzi. Weyi ma nɛ ɩ ɖɩkpɛndɩ ɖama tam yɔ, ɛwɛɣ wazaɣ siŋŋ. Mbʋ́ pʋyɔɔ yɔ, pɩtɛkɛ mɔ-yɔɔ yɔ, ɩɩpɩzɩɣ ɩla pʋyʋ.

Room 12:4

Ɛyʋ wɛnɩ tomnaɣ kʋɖʋmaɣ, ɛlɛ́, kɛwɛnɩ hɔɔlɩŋ ndɩ ndɩ. Paa ŋ́gʋ́ nɛ kʋ-tʋmɩyɛ.

1 Kɔrɛntɩ 10:17

Ɛzɩma mbʋ́ tindine kʋɖʋmɖɩyɛ koŋ ɖɩtɔkɩ yɔ, ḿbʋ́ ɖɔɖɔ paa ɖɩɖɔwa yɔ, ɖɩkɛ tomnaɣ kʋɖʋmaɣ. Mbʋ́ pʋyɔɔ yɔ, ɖatɩŋa payɩ ɖɩtɔkɩ tindine kʋɖʋmɖɩyɛ ńɖɩ́.

1 Kɔrɛntɩ 13:13

Yee ḿbʋ́ lɛɛlɛɛyɔ lidaʋ nɛ ɖaŋʋʋ nɛ sɔɔlɩm pa-naadozo pɛwɛɣna tam. Ɛlɛ́, pa-taa lɛ, sɔɔlɩm kɩlɩna.

1 Kɔrɛntɩ 8:1

Lɛɛlɛɛyɔ, pʋcɔ ɖɩyɔɔdɩ kɩlaʋ nandʋ tɔm lɛ, meheyiɣ-mɩ se pɩkɛ toovenim se: «Đatɩŋa payɩ ɖɩsɩm lɛɣtʋ.» Ɛlɛ́, lɛɣtʋ ńdʋ́ tiyeki nɛ ɛyʋ kpazɩ ɛ-tɩ. Ŋgʋ́, sɔɔlɩm ñeyeki nɛ ɛyʋ tɛzɩ pɩʋ e-lidaʋ wɛnaʋ taa.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Efɛɛzɩ 1:4

Kpɛndʋʋ ḿbʋ́, pɩ-taa Ɛsɔ lɩzɩ-ɖʋ se ɖɩkɛ ɛ-ñɩma nɛ pataana kɩwɛɛkɩm nabʋyʋ ɖɔ-yɔɔ. Ɛɛlɩzɩ-ɖʋ nɛ pʋcɔ ɛla kedeŋa. Ɛsɔɔlɩ-ɖʋ yɔɔ

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Efɛɛzɩ 3:7

Laŋhɛzɩyɛ Tɔm ńdʋ́, manpɩsɩ tɩ-tʋmlaɖʋ. Ɛsɔ tɩŋnɩnɩ e-ɖoŋ yɔɔ nɛ ɛlabɩ-m lootiye se manpɩzɩ malabɩ-ɖɩ.

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Efɛɛzɩ 4:15

Ɛlɛ́, ɖɩyɔɔdʋʋ toovenim nɛ ɖɩsɔɔlʋʋ ɖama nɛ ɖɩpaɣlɩɣ pɩtɩŋa pɩ-taa nɛ ɖɩñɔtʋʋnɩ weyi ɛkɛ ñʋʋdʋ yɔ, ɛnʋ lɛ Krɩstʋ.

Filiipu 1:9

Mentendiɣ Ɛsɔ se eyele nɛ ɩtɛzɩ ɖama sɔɔlʋʋ nɛ ɩpɩzɩ ɩtɩlɩ toovenim nɛ ɩtɛzɩ nɩʋ pɩtɩŋa pɩ-taa

Koloosi 2:19

Weyi ɛlakɩ ḿbʋ́ yɔ, ɛ nɛ Krɩstʋ pɛfɛyɩ ɖama taa. Ŋgʋ́, ɛ́lɛ́ lɛ tomnaɣ ñʋʋ. Ñʋʋ ŋ́gʋ́ kiyekina nɛ hola nɛ ɖɩtanɛ pɛkpɛndɩ ɖama nɛ papaɣlɩ ɛzɩ Ɛsɔ liu wɛʋ yɔ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

1 Tesalooniki 1:3

Đɩtɔzʋʋ tam ɖa-Caa Ɛsɔ ɛsɩndaa ɛzɩma mbʋ́ ɩwɛnɩ lidaʋ siŋŋ nɛ ɩlakɩ tʋmɩyɛ yɔ nɛ ɛzɩma mbʋ́ mɩ-sɔɔlɩm yeba nɛ ɩwɛɛ kpekpeka yɔ pʋ-yɔɔ. Đɩtɔzʋʋ ɖɔɖɔ ɛzɩma mbʋ́ ɩɖaŋ Kɩpaɣlʋ Yesu Krɩstʋ kpam yɔ pʋ-yɔɔ.

1 Tesalooniki 2:13

Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.

1 Tesalooniki 3:12

Kɩpaɣlʋ eyele nɛ ɩtɛzɩ ɖama sɔɔlʋʋ nɛ ɩtɛzɩ ɖɔɖɔ lɛlaa tɩŋa payɩ sɔɔlʋʋ ɛzɩ ɖɩsɔɔlʋʋ-mɩ yɔ.

2 Tesalooniki 1:3

Taabalaa! Pʋwɛɛ se ɖɩsa Ɛsɔ mɩ-yɔɔ tam. Pʋmʋna ḿbʋ́, mbʋ́ pʋyɔɔ yɔ, ɩwɛɛ ɩtɛzɩɣ lidaʋ wɛnaʋ nɛ mɩtɩŋa payɩ ɩtɛzɩɣ ɖama sɔɔlʋʋ.

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Yohanɛɛsɩ 4:16

Đa lɛ, ɖɩna ɛzɩma mbʋ́ Ɛsɔ sɔɔlɩ-ɖʋ yɔ nɛ ɖitisi-pʋ. Ɛsɔ lɛ sɔɔlɩm tʋ, weyi ɛwɛɛ ɛsɔɔlʋʋ Ɛsɔ nɛ ɛyáa lɛlaa yɔ, pɩwɩlɩɣ se ɛ nɛ Ɛsɔ pɛwɛ ɖama taa.