Efɛɛzɩ 4:14 - New Testament

¹⁴ Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Efɛɛzɩ 4:14 ပူးပေါင်းရင်းမြစ်များ

Maatiyee 11:7

Eheyi Yohanɛɛsɩ tɔmkpɛlɩkɩyaa ḿbʋ́ lɛ, pacaŋ pɛɖɛɛ. Peeɖe ɛpazɩ ɛyáa samaɣ kɛdʋʋ Yohanɛɛsɩ ɛnʋ ɛ-tɔm nɛ ɛpɔzɩ-wɛ se: «Ɛbɛ iwobi naʋ lakʋ taa? Kañɩŋ́gbayaɣ́ ŋgá heɣlim ciɣdaɣ yɔ yaa we?

Maatiyee 24:11

Ɛyáa sakɩyɛ kɔŋ lɩʋ se pɛkɛ náyaa nɛ peyili ɛyáa sakɩyɛ.

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Tʋma Labʋ 23:21

Pɔkɔma lɛ, taanɩɩnɩ-wɛ, mbʋ́ pʋyɔɔ yɔ, pa-taa nabɛyɛ mɛlɩɣ nʋmɔʋ taa se pakʋ-ɩ. Pɛɖɛ ɛyáa nɩɩnaza yɔɔ. Poɖuuni Ɛsɔ se yee patakʋ-ɩ yɔ, pʋyʋ nɔɔyʋ ɛɛkpaɣ pɔ-nɔɔ taa kaʋ. Đajaa, lɛɛlɛɛyɔ ñɔ-nɔɔ taa tɔm ɖeke paɖaŋaa. Pɛtɛm pa-tɩ ñɔɔzʋʋ nɛ paɖaŋ kpam.»

1 Kɔrɛntɩ 12:2

Ɩtɛm sɩm ɛzɩma mbʋ́ pʋhɔŋaɣ-mɩ nɛ ɩtɩŋɩɣ sɩʋ kpelisi nzɩ́ sɩɩyɔɔdʋʋ yɔ sɩ-wayɩ yem ɖimɖim alɩwaatʋ ndʋ́ ɩtaañaŋ Krɩstʋ yɔ.

1 Kɔrɛntɩ 14:20

Taabalaa, ɩtaawɛnɩ pɩcatʋ lɩmaɣza. Kɩdɛkɛdɩm ɖeɖe lɛ, ɩwɛɛ ɛzɩ piya yɔ. Ɛlɛ́, ɩmaɣzɩ ɛzɩ sɔsaa yɔ.

1 Kɔrɛntɩ 3:19

Mbʋ́ pʋyɔɔ yɔ, kedeŋa lɔŋsɩnɖɛ kɛ kɩmɛlɛndʋ Ɛsɔ ɛsɩndaa. Pʋwɛ ɛzɩ pamaʋ Ɛsɔtɔm Takayaɣ taa se: «Ɛsɔ kpaɣ lɔŋsɩnɖaa nɛ pa-maɣmaɣ pɛ-cɛtɩm» yɔ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

Galaatɩ 3:1

Galaatɩ ñɩma kɩmɛlɛmɩŋ mɩ! Ahɔkɩ-mɩ fadɩŋ nɛ ɩwɛɛ ḿbʋ́? Ŋgʋ́, palɩzɩ-mɩ mbʋ́ pʋ-yɔɔ Yesu Krɩstʋ sɩbɩ kaamaŋkaɣ yɔɔ yɔ pʋ-tɔm taa kpayɩ kpayɩ.

Efɛɛzɩ 6:11

Ɩkpaɣ you wondu ndʋ́ Ɛsɔ ha-mɩ yɔ tɩtɩŋa payɩ nɛ ɩpɩzɩ ɩkaɖɩnɩ eleeu alɩwaatʋ ndʋ́ ɛñɩkɩ-mɩ ɛ-kpacanaa yɔ.

1 Timootee 3:6

Pɩtamʋnɩ se ɛkɛ ɛyʋ weyi ɛpɩsɩ Krɩstʋ tʋ nɛ piteleɖida yɔ. Pɩtɛkɛ ḿbʋ́, nabʋyʋ taa ɛkɔŋ ɛkpazɩ ɛ-tɩ nɛ Ɛsɔ hʋʋnɩ-ɩ nɛ ɛkʋ ɛ-tɔm ɛzɩ ɛkʋʋ Satanɩ ñɩndʋ yɔ.

2 Timootee 1:15

Ɛzɩ ŋtɛm naʋ yɔ, Aazii egeetiye taa ñɩma tɩŋa payɩ ha-m siɣ́ye, pa-taa yɔ: Fiijɛɛlɩ nɛ Ɛrmoojɛɛnɩ.

2 Timootee 3:13

Ɛlɛ́, kañadɩnaa nɛ cɛtɩyaa pɛtɛzɩɣ labʋ kɩdɛkɛdɩm nɛ pɛcɛtɩ lɛlaa, ɛlɛ́ pɔkɔŋ pa-maɣmaɣ cɛtʋʋ.

2 Timootee 4:3

Mbʋ́ pʋyɔɔ yɔ, alɩwaatʋ natʋyʋ kaɣ kɔm nɛ pɩɖɛɛ ɛyáa nɛ tɔm kɩbandʋ ndʋ́ pawɩlɩɣ-wɛ yɔ. Ɛlɛ́, ɛzɩma mbʋ́ pa-nɩŋgbaaŋ taa puu lɛ, pɔkɔŋ ñɩnʋʋ wɩlɩyaa ndɩ ndɩ se paba eheyi-wɛ mbʋ́ pa-maɣmaɣ pe-liu wɛɛ kpem yɔ nɛ pewelesi.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

Yakubu 1:6

Ɛlɛ́, pʋwɛɛ se ɛ-sʋlʋmʋʋ taa lɛ, ɛwɛnɩ lidaʋ se Ɛsɔ haɣ-ɩ, pʋtʋʋ ɛtaawɛɛ. Weyi ɛpʋtʋʋ yɔ, ɛwɛ ɛzɩ teŋgu taa lɩm mbʋ́ heɣlim kpakɩɣ nɛ pɩtaŋgatɩɣ-pʋ yɔ.

Yakubu 3:4

Ɩcɔnɩ ɖɔɖɔ mɛlɛnaa nɛ ɩna: paa paapaɣlɩ pɩtɩɩfɛyɩ nɛ paa heɣlim sɔsɔm ɛmakɩ nɛ pɩɖɛɣnɩ-wɛ yɔ, ɖaʋ cikpeluu kpaagbaa ñɩɩɩ nakʋyʋ wɛ pɛ-tɛɛ. Kʋ-yɔɔ lɛ, weyi ɛsaɣ yɔ, ɛpɩzɩɣ ɛtɩŋnɩ-wɛ nʋmɔʋ ŋgʋ́ ɛsɔɔlaa yɔ.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

1 Yohanɛɛsɩ 2:19

Pɩtɛ ɛyáa ḿbá, ɖɛ-hɛkʋ taa palɩnaa, ɛlɛ́, pataakɛ ɖa-ñɩma siŋŋ. Toovenim lɛ, yee paakɛ ɖa-ñɩma yɔ, paawɛ ɖɛ-hɛkʋ taa. Pɩlabɩ ḿbʋ́ se ɛyáa ɛna se patɩŋa pataakɛ ɖa-ñɩma siŋŋ.

1 Yohanɛɛsɩ 2:26

Ɛyáa mbá pacaɣ se pɛcɛtɩ-mɩ yɔ, pɔ-tɔm mamaɣ se meheyi-mɩ.

1 Yohanɛɛsɩ 4:1

Mɛ-ɛgbaɣdɩnaa! Yee nɔɔyʋ eheyi-mɩ se Fezuu Kiɖeɖeu ɖoŋ ɛyɔɔdʋʋna yɔ, ɩtaatisi kpaagbaa. Ɛlɛ́, ɩmaɣzɩ-ɩ nɛ ɩna se pɩkɛ toovenim na. Meheyiɣ-mɩ ḿbʋ́, mbʋ́ pʋyɔɔ yɔ, mbá pɛcɛtɩɣ se pɛkɛ náyaa yɔ palɩ kedeŋa yɔɔ sakɩyɛ.

Yuudi 1:12

Ɛyáa ḿbá, alɩwaatʋ ndʋ́ ikpeɣliɣ ɖama nɛ ɩkpɛndɩɣ ɩtɔkɩ tɔɔnaɣ se pɩwɩlɩ se ɩsɔɔlɩ ɖama yɔ, pa-lakasɩ kpaɣ-mɩ fɛyɛ. Mbʋ́ pʋyɔɔ yɔ, pɛɖɛlɛsɩɣ niye alɩwaatʋ ndʋ́ pɔtɔkɩ kazandʋ yɔ, fɛyɛ ɛɛkpaɣ-wɛ. Pamaɣzɩɣ pa-maɣmaɣ pa-tɩ yɔɔ ɖeke. Pɛwɛ ɛzɩ mɩndʋ ndʋ́ heɣlim kpakɩɣ nɛ tiiyeki se tɛʋ ɛnɩɩ yɔ. Pɛwɛ ɖɔɖɔ ɛzɩ tɩŋ weyi ɩɩlʋlʋʋ pee nɛ halɩ pɩkpɛndɩnɩ ɩ-lʋlʋʋ alɩwaatʋ yɔ. Pɛwɛ ɛzɩ tɩŋ weyi ɩwɩlaa nɛ pɛkpɛzɩ-ɩ yɔ.

Wɩlʋʋ 19:20

Peeɖe paba kpa kpɩnɛ nɛ weyi ɛcɛtɩɣ se ɛkɛ náyʋ nɛ ɛɛlaba hama lakasɩ ɖɩ-ɛsɩndaa yɔ. Sɩ-yɔɔ ɛtɩŋnaa nɛ ɛcɛtɩ mbá paalabɩ pɔ-yɔɔ kpɩnɛ yʋsaɣ nɛ poluŋuu ɖɩ-sɩʋ kpelaɣ tɛɛ yɔ. Pakpa-wɛ lɛ, pɔlɔ pa-naalɛ nɛ pɛ-ɛsɛ miŋ sɔsɔŋ weyi ɛ-taa wɛ tɩm nɛ ɛmʋʋ siŋŋ yɔ ɛ-taa.