Efɛɛzɩ 4:12 - New Testament

¹² Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Efɛɛzɩ 4:12 ပူးပေါင်းရင်းမြစ်များ

Luka 22:32

Ɛlɛ́, mɛnsɛ Ɛsɔ ñɔ-yɔɔ se ŋtaalesi lidaʋ ŋgʋ́ ŋwɛnɩ mɔ-yɔɔ yɔ. Ŋkɔm ŋpɩsɩnɩ mɔ-yɔɔ lɛ, ŋla nɛ ña-taabalaa kpa ɖoŋ.»

Tʋma Labʋ 1:17

Ŋgʋ́, Yudaasɩ ɛnʋ ɛkɛ ɖa-taa lɛlʋ, ɖa nɛ ɩ ɖɩlakaɣnɩ tʋmɩyɛ.

Tʋma Labʋ 1:25

se ɛkɛ tiyiyu nɛ ɛlɛɣzɩ Yudaasɩ lone taa nɛ ɛla tʋmɩyɛ nɖɩ́ ɛ́lɛ́ yeba nɛ ɛɖɛɛ e-ɖeɖe yɔ.»

Tʋma Labʋ 11:23

Ɛtalaa lɛ, ɛna ɛzɩma mbʋ́ Ɛsɔ labɩ lootiye mbá pɛwɛnɩ lidaʋ Krɩstʋ yɔɔ yɔ nɛ ɛ-taa hʋlʋmɩ nɛ ɛsazɩ patɩŋa payɩ se pɔ́ɖɔ́kɩ Kɩpaɣlʋ nɛ laŋɩyɛ kʋɖʋmɖɩyɛ kpam.

Tʋma Labʋ 20:24

Ɛlɛ́, mañɩtaa mɛntɛ man-tʋmɩyɛ nɖɩ́ Kɩpaɣlʋ Yesu ɖʋ-m yɔ yɔ, me-wezuu tɛkɛnɩ-m pʋyʋ. Ńɖɩ́ lɛ se: monsusi Ɛsɔ lootiye Laŋhɛzɩyɛ Tɔm.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 9:31

Krɩstʋ ŋgbɛyɛ taa ñɩma kɛwɛ laŋhɛzɩyɛ taa Yudee nɛ Galilee nɛ Samaarɩɩ pa-ageeta hɔɔlɩŋ tɩŋa taa. Pɛtɛzaɣ pɩʋ nɛ pañaŋ Kɩpaɣlʋ nɛ Fezuu Kiɖeɖeu sɩŋnɩ-wɛ nɛ pɛtɛzɩɣ ɖɔʋ.

Room 12:5

Ḿbʋ́ ɖɔɖɔ paa ɖɩɖɔwa yɔ, ɖɩwɛ ɛzɩ tomnaɣ kʋɖʋmaɣ ɖa nɛ Krɩstʋ ɖɛ-kpɛndʋʋ taa nɛ ɖatɩŋa payɩ ɖɩɖɔkɩ ɖama ɛzɩ ɛyʋ tomnaɣ hɔɔlɩŋ ɖɔkʋʋnɩ ɖama yɔ.

Room 12:7

Yee Ɛsɔ ɛha nɔɔyʋ se ɛla tʋmɩyɛ Yesu ŋgbɛyɛ taa yɔ, pʋwɛɛ se ɛlabɩ-ɖɩ. Weyi ɛha-ɩ se ɛwɩlɩ yɔ, pʋwɛɛ se ɛwɩlɩ.

Room 14:19

Pʋ-yɔɔ lɛ, ɖɩñɩnɩ mbʋ́ pɩhɛzɩɣ ɖa-laŋa nɛ ɛzɩma mbʋ́ ɖɩsɩnɩ ɖama nɛ ɖɩtɛzɩ pɩʋ Ɛsɔ nʋmɔʋ taa yɔ.

Room 15:14

Man-taabalaa mɩ, ma-maɣmaɣ mana siŋŋ se ɩlakɩ ɖeu pɩtɩŋa pɩ-taa nɛ ɩtɩlɩ mbʋ́ pʋpɔzʋʋ Ɛsɔ nʋmɔʋ taa yɔ pɩtɩŋa payɩ. Ɩpɩzɩɣ ɩtasɩ ɖama lɛɣtʋ.

Room 15:2

Paa ɖa-taa weyi, ɛcɛyɩ ɛ-tɩ nɛ ɛla mbʋ́ pɩkɛdɩnɩ ɛ-taabalʋ yɔ, mbʋ́ pʋwɛ ɖeu yɔ pɩ-taa nɛ ɛ-taabalʋ ɛnʋ, ɛpɩɩ Ɛsɔ nʋmɔʋ taa.

Room 15:29

Manawa se mɔnkɔŋʋʋ mɩ-tɛ yɔ, Krɩstʋ tɩŋɩɣnɩ mɔ-yɔɔ nɛ ɛwazɩ mɩ-yɔɔ siŋŋ.

1 Kɔrɛntɩ 12:27

Mɩtɩŋa payɩ ɩkɛ Krɩstʋ tomnaɣ nɛ paa mɩ-taa weyi ɛkɛ tomnaɣ ŋ́gá ke-piliŋa.

1 Kɔrɛntɩ 12:7

Ŋgʋ́, kʋjɔʋ ŋgʋ́ Fezuu Kiɖeɖeu lakɩ paa weyi se pʋwazɩ ɖatɩŋa payɩ yɔ, ŋ́gʋ́ wɩlɩɣna se kɩwɛ ɛ-cɔlɔ.

1 Kɔrɛntɩ 14:12

Ḿbʋ́ ɖɔɖɔ pʋwɛnɩ-mɩ. Ɛzɩma mbʋ́ ɩsɔɔlɩ Fezuu Kiɖeɖeu kʋjɔŋ siŋŋ yɔ, ɩñaɣ pana nɛ ihiɣ-i camɩyɛ. Ɩkpaɣ-ɩ nɛ ɩsɩnɩnɩ Yesu ŋgbɛyɛ taa ñɩma nɛ papɩɩ pe-lidaʋ wɛnaʋ taa.

1 Kɔrɛntɩ 14:14

Mbʋ́ pʋyɔɔ yɔ, yee mɛnsɛɣ Ɛsɔ nɛ kʋnʋmɩŋ ɩnʋ yɔ, man-kalɩzaɣ wɛ Ɛsɔ sɛʋ yɔɔ. Ɛlɛ́, mɛ-lɛɣtʋ eehikiɣ kɛzɛɣa nakɛyɛ.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

2 Kɔrɛntɩ 12:19

Pʋtɔma ɩmaɣzaɣ mɩ-taa ɖooo lɔŋ se ɖɩcaɣ se ɖiɖezi ɖa-tɩ mɩ-cɔlɔ. Taabalaa kʋsɔɔlaa, ɖa nɛ Krɩstʋ ɖɩkpɛndaa yɔɔ ɖɩyɔɔdʋʋ ḿbʋ́ Ɛsɔ ɛsɩndaa. Điheyiɣ-mɩ pɩtɩŋa payɩ ḿbʋ́ se ɩtɛzɩ pɩʋ Ɛsɔ nʋmɔʋ taa.

2 Kɔrɛntɩ 13:11

Taabalaa, pɩlabɩ wiɖiyi! Ɩñaɣ pana nɛ ɩtɛzɩ pɩʋ Ɛsɔ nʋmɔʋ taa. Ɩhɛzɩ ɖama laŋa. Ɩla nɔɔ kʋɖʋmaɣ. Ɩwɛɛ laŋhɛzɩyɛ taa nɛ Ɛsɔ weyi ɛsɔɔlɩ ɛyáa nɛ ɛhɛzɩɣ pa-laŋa yɔ, ɛwɛɛ mɩ-cɔlɔ.

2 Kɔrɛntɩ 13:9

Paa ɖɩwɛ ɛjandʋ nɛ mɩ mɩwɛɛ ɖoŋ yɔ, pɩlakɩ-ɖʋ leleŋ. Ḿbʋ́ ɖɩsɛɣ Ɛsɔ se eyele nɛ ɩtɛzɩ kpaʋ ɖoŋ ɛ-nʋmɔʋ taa.

2 Kɔrɛntɩ 3:8

ɛzɩma Fezuu Kiɖeɖeu tʋmɩyɛ ñaawɩlɩɣ koboyaɣ ŋ́gá ka-paɣlɩka kpem nɛ pɩkɩlɩ ḿbʋ́ yɔ?

2 Kɔrɛntɩ 4:1

Ɛsɔ labɩnɩ-ɖʋ ɖeu nɛ ɛɖʋ-ɖʋ nɔɔ haʋ kɩfam tʋmɩyɛ ńɖɩ́. Pʋ-yɔɔ piitisiɣ ɖo-toma taa.

2 Kɔrɛntɩ 5:18

Ɛsɔ weyi ɛtɩŋnɩ Krɩstʋ yɔɔ nɛ ɖa nɛ ɩ ɖiceɣ yɔ, ɛ-cɔlɔ pɩtɩŋa payɩ pɩlɩnaa. Ɛnʋ ɖʋnɩ-ɖʋ se ɖiwoni ɛyáa lɛlaa ɛ-cɔlɔ nɛ pa nɛ ɩ peceɣ ɖɔɖɔ.

2 Kɔrɛntɩ 6:3

Đɩcaɣ se nɔɔyʋ ɛtaapɩzɩ ɛkpɛzɩnɩ-ɖʋ tʋmɩyɛ nɖɩ́ ɖɩlakɩ yɔ ɖɩ-yɔɔ. Pʋ-yɔɔ ɖɩñakɩ pana se nɔɔyʋ ɛtaatɔlɩ Ɛsɔ nʋmɔʋ taa.

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Efɛɛzɩ 1:23

Ńɖɩ́ lɛ e-tomnaɣ. Đɩ-taa Krɩstʋ ɛnʋ ɛwɛɛ pilim: ɛlakɩ ɖɩ-taa ñɩma tɩŋa pɩtɩŋa payɩ. Ɛwɛ kedeŋa kpeekpe yɔɔ nɛ pɩtɩŋa payɩ pʋwɛɛ e-nesi taa.

Efɛɛzɩ 4:16

Ɛ-yɔɔ pɩtɩŋɩɣna nɛ e-tomnaɣ hɔɔlɩŋ tɩŋa kpɛndɩ camɩyɛ nɛ paa hɔɔlʋʋ ŋgʋ́ kɩpaɣlɩɣ ɛzɩ pʋpɔzʋʋ yɔ. Nɛ yee tomnaɣ ŋ́gá, kɔ-hɔɔlɩŋ tɩŋa ɩlakɩ a-tʋmɩyɛ ɛzɩ pʋpɔzʋʋ yɔ yɔ, kɛwɛɣ kɛtɛzɩɣ kpaʋ ɖoŋ sɔɔlɩm taa.

Efɛɛzɩ 4:29

Ɛzaɣ́tʋ tɔm natʋyʋ ɛtaalɩɩ mɩ-nɔɔ taa. Ɛlɛ́, yee pʋwɛɛ se natʋyʋ ɛlɩɩ yɔ, tɩkɛnɩ kɩbandʋ ndʋ́ tiyeki se mbá panɩɣ-tʋ yɔ, pɛtɛzɩ pɩʋ nɛ patɩlɩ mbʋ́ lootiye kɛnaa yɔ.

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 1:28

Ɛ-tɔm ɖisusuu nɛ ɖɩkaŋ paa weyi ɛ-ñʋʋ taa nɛ ɖɩwɩlɩɣ-ɩ nɛ ɖɔ-lɔŋsɩnɖɛ tɩŋa. Đɩlakɩ ḿbʋ́ se pɩtɩŋnɩ ɛ nɛ Krɩstʋ pɛ-kpɛndʋʋ yɔɔ nɛ ɛpɩɩ.

Koloosi 4:17

Iheyi Arciipu se ɛ́ɖɔ́kɩ ɛ-tɩ nɛ tʋmɩyɛ nɖɩ́ etisaa nɛ Kɩpaɣlʋ ɖʋzɩ e-nesi taa yɔ nɛ ɛpɩzɩ ɛlabɩ-ɖɩ.

1 Timootee 1:12

Mansaŋ ɖa-Kɩpaɣlʋ Krɩstʋ Yesu weyi ɛha-m ɖoŋ se malabɩnɩ ɛ-tʋmɩyɛ yɔ. Mansaŋ-ɩ ɛzɩma mbʋ́ ɛnawa se malakɩ mbʋ́ pʋpɔzʋʋ yɔ nɛ ɛlɩzɩ-m se mɛnkɛ ɛ-tʋmlaɖʋ yɔ pʋ-yɔɔ.

2 Timootee 4:11

Luka ɖeke wɛnɩ mɔn-cɔlɔ. Yaa Maarkɩ nɛ ña nɛ ɩ ɩkɔɔ, mbʋ́ pʋyɔɔ yɔ, ɛwɛɣ-m wazaɣ siŋŋ man-tʋmɩyɛ taa.

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

Ebree 6:1

Pʋ-yɔɔ lɛ, ɖɩɖɛɛnɩ ɛsɩndaa nɛ ɖɩkpɛlɩkɩ Krɩstʋ tɔm ɛzɩ mbá papɩ lidaʋ wɛnaʋ taa yɔ. Đɩtaawɛɛ ɖɩnɩɣnɩ ndʋ́ pɛkpɛlɩkɩ-ɖʋ kajalaɣ taa yɔ ti-ɖeke. Pɩtatasɩ pɔzʋʋ se pɛkpɛlɩkɩ-mɩ natʋyʋ ɛzɩ: tʋma wena aawazɩɣ pʋyʋ yɔ a-yebu nɛ Ɛsɔ yɔɔ lidaʋ wɛnaʋ