Efɛɛzɩ 4:11 - New Testament

¹¹ Krɩstʋ ɛnʋ ɛhanɩ nabɛyɛ se pɛkɛ e-tiyiyaa nɛ lɛlaa náyaa nɛ lɛlaa Laŋhɛzɩyɛ Tɔm susiyaa nɛ lɛlaa ɖiyiyaa nɛ lɛlaa Ɛsɔtɔm wɩlɩyaa.

Efɛɛzɩ 4:11 ပူးပေါင်းရင်းမြစ်များ

Maatiyee 28:20

Ɩkpɛlɩkɩ-wɛ nɛ pɔɖɔ mbʋ́ pɩtɩŋa payɩ maaɖʋ-mɩ yɔ pʋ-yɔɔ. Ɩtɩlɩ se mɛwɛɣ mɩ-cɔlɔ kɩyakɩŋ tɩŋa nɛ pʋkɔɔ pɩsɩɩnɩ kedeŋa tɛm wiye.»

Tʋma Labʋ 13:1

Náyaa nɛ wɩlɩyaa paawɛ Antɩyɔɔsɩ Krɩstʋ ŋgbɛyɛ taa. Ḿbá yɔ: Barnaabaasɩ nɛ Siimeyɔɔ weyi payaɣ se Kɩkpɛdʋ yɔ nɛ Siirɛɛnɩ tʋ Lusiyuusi nɛ Manayɛɛnɩ weyi paaɖɔkɩ ɛ nɛ wiyaʋ Eroodi pa-pɩcatʋ taa yɔ nɛ Sɔɔlɩ.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 21:8

Kifema lɛ, ɖɩkpaɣ nʋmɔʋ nɛ ɖɩkɔɔ ɖɩtalɩ Sezaaree. Peeɖe ɖiwoba ɖɩwɛɛ Laŋhɛzɩyɛ Tɔm susiyu Filiipu tɛ. Abalʋ ɛnʋ, ɛɛkɛ ɛyáa lʋbɛ mbá palɩzɩ Yeruusalɛm se pɛkɛ Krɩstʋ ŋgbɛyɛ taa tayɩyaa yɔ pa-taa lɛlʋ.

Room 12:7

Yee Ɛsɔ ɛha nɔɔyʋ se ɛla tʋmɩyɛ Yesu ŋgbɛyɛ taa yɔ, pʋwɛɛ se ɛlabɩ-ɖɩ. Weyi ɛha-ɩ se ɛwɩlɩ yɔ, pʋwɛɛ se ɛwɩlɩ.

1 Kɔrɛntɩ 12:4

Paa Fezuu Kiɖeɖeu kʋjɔŋ ɩwɛ ndɩ ndɩ yɔ, ki-ɖeke koŋ kɩhaɣnɩ-ɩ.

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 3:5

Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

Efɛɛzɩ 4:8

Ḿbʋ́ pama Ɛsɔtɔm Takayaɣ taa se: «Ɛkpa ɖooo ɛsɔdaa, ɛkpɛndɩnɩ yomaa, ɛlabɩ ɛyáa kʋjɔŋ.»

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

Ebree 5:12

Ŋgʋ́, pɩtalʋʋ nɛ sɔnɔ yɔ, pɩɩwɛɛ se ɩkɛ wɩlɩyaa. Ɛlɛ́, pʋpɔzʋʋ se paɖaɣnɩ-mɩ wɩlʋʋ Ɛsɔtɔm kajalaɣ ñɩndʋ ndʋ́ tɩfɛyɩ kaɖɛ yɔ. Pʋ-yɔɔ lɛ, ɩwɛ ɛzɩ mbá pɩɩwɛɛ se pɔtɔɔ tɔɔnaɣ yuŋ ñɩŋga yɔ, ɛlɛ́, iyele ɩnɩɣnɩ hɩlɩm mʋzʋʋ.

Yuudi 1:17

Mɛ-ɛgbaɣdɩnaa! Mɩ lɛ, ɩtɔzɩ tɔm ndʋ́ ɖa-Kɩpaɣlʋ Yesu Krɩstʋ tiyiyaa keheyi-mɩ se tɩkɔŋ labʋ yɔ tɩ-yɔɔ. Paaheyi-mɩ se: «Kɛtɛzaɣ alɩwaatʋ taa lɛ, nabɛyɛ wɛɣ nɛ powoŋuu-mɩ. Ḿbá ɛɛñaŋnɩ Ɛsɔ, palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ.»

Wɩlʋʋ 18:20

Mbá mɩ ɩwɛ ɛsɔdaa yɔ, mɩ-taa ɛhʋlʋmɩ! Pɔyɔkɩ tɛtʋ ńdʋ́! Mɩ Ɛsɔ ñɩma nɛ Yesu tiyiyaa nɛ náyaa mɩ-taa ɛhʋlʋmɩnɩ tɩ-yɔkʋʋ! Mbʋ́ pʋyɔɔ yɔ, Ɛsɔ hʋnɩ-tʋ tɔm kɩdɛkɛdɩm mbʋ́ tɩlabɩ-mɩ yɔ tɩ-yɔɔ.

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.