Efɛɛzɩ 4:10 - New Testament

¹⁰ Weyi eetiba yɔ, kʋɖʋm ɛnʋ ɛkpanɩ ɖooo ɛsɔdaa se ɛwɛɛ pɩtɩŋa payɩ pʋ-cɔlɔ.

Efɛɛzɩ 4:10 ပူးပေါင်းရင်းမြစ်များ

Maatiyee 24:34

Toovenim lɛ, meheyiɣ-mɩ se: ɛyáa mbá pɛwɛnɩ pɛ-ɛsɛ ɛzʋnɔ yɔ, paasɩkɩ patɩŋa nɛ pʋcɔ pɩtɩŋa payɩ pɩla ḿbʋ́.

Luka 24:44

Ɛlɛ́, eheyi-wɛ se: «Mbʋ́ pʋ-tɔm maaheyi-mɩ alɩwaatʋ ndʋ́ ma nɛ mɩ ɖɩɩwɛɛ yɔ, ḿbʋ́ labɩnɩ ɛzʋnɔ yɔ. Mbʋ́ pʋyɔɔ yɔ, pɩɩwɛɛ se mɔn-tɔm ndʋ́ tɩtɩŋa paama Mooyiizi nɛ náyaa nɛ keɣsi maɖaa pa-takayɩsɩ taa yɔ, tɩla.»

Yohanɛɛsɩ 1:16

Meheyiɣ-mɩ se ɛha ɖatɩŋa payɩ mbʋ́ ɛwɛna yɔ pʋ-hɔɔlʋʋ nakʋyʋ, ɛlaba ɖatɩŋa lootiye siŋŋ, nɛ ɛwɛɛ pʋ-yɔɔ paa ɖooye.

Yohanɛɛsɩ 19:24

Paaheyi ɖama se: «Đɩtaacɩyɩ-kʋ, ɛlɛ́, ɖɩɖʋ miika nɛ ɖɩna weyi ɛkpakɩɣ-kʋ yɔ.» Ḿbʋ́ tɔm ndʋ́ pama Ɛsɔtɔm Takayaɣ taa yɔ, tɩlaba. Ńdʋ́ lɛ se: «Patayɩ ɖama mon-wondu nɛ paɖʋ miika mon-toko yɔɔ se pana se akpakɩɣ-kʋ.» Ḿbʋ́ ɖɔɖɔ sɔɔjanaa laba yɔ.

Yohanɛɛsɩ 19:28

Yesu nawa se mbʋ́ pɩtɩŋa payɩ pɩɩwɛɛ se pɩla yɔ, pɩlaba lɛ, ɛtɔ se lɔkɔtʋ ɖɛ-m. Ɛyɔɔdɩ ḿbʋ́ se pɩla ɛzɩ pamaʋ Ɛsɔtɔm Takayaɣ taa yɔ.

Yohanɛɛsɩ 19:36

Pɩlabɩ ḿbʋ́ se tɔm ndʋ́ pama Ɛsɔtɔm Takayaɣ taa yɔ, tɩla. Ńdʋ́ lɛ se: «Paakaɣ pɛlʋʋ ɛ-mɔɔyɛ naɖɩyɛ kaʋ.»

Tʋma Labʋ 1:11

nɛ pɔpɔzʋʋ-wɛ se: «Galilee ñɩma mɩ! Pɩlabɩ ɛzɩma nɛ ɩwɛɛ ɩcɔŋnɩ ɛsɔdaa ḿbʋ́? Yesu ɛnʋ, ɛzɩma mbʋ́ pɩlɩzɩ-ɩ mɩ-hɛkʋ taa nɛ pɩkpazɩ-ɩ ɛsɔdaa nɛ ɩna yɔ, ḿbʋ́ ɖɔɖɔ ɛkɔŋ pɩsʋʋ ɛkɔɔ mɩ-hɛkʋ taa.»

Tʋma Labʋ 1:9

Yesu tɛm yɔɔdʋʋ ḿbʋ́ lɛ, pɩkpazɩ-ɩ ɛsɔdaa yem nɛ pɔcɔŋnɩ-ɩ ḿbʋ́ nɛ ɛsɔmɩnʋʋ nakʋyʋ wolo kuhuuzi ɛ-yɔɔ nɛ patatasɩ-ɩ naʋ.

Tʋma Labʋ 2:33

Caa Ɛsɔ kpazɩ-ɩ ɛ-cɔlɔ lone kɩbanɖɛ taa nɛ ɛcɛlɩ-ɩ e-Fezuu Kiɖeɖeu ŋgʋ́ ɛɖʋwa se ɛhaɣ ɛyáa yɔ: etisi-kʋ ɖɔ-yɔɔ. Ḿbʋ́ ɩnaɣ nɛ ɩnɩɣ lɛɛlɛɛyɔ.

Tʋma Labʋ 3:18

Tɔm ndʋ́ Ɛsɔ keheyi náyaa tɩŋa ɖooo lɔŋ yɔ, ńdʋ́ labɩnɩ ɛzʋnɔ yɔ. Ńdʋ́ lɛ se pʋwɛɛ se Weyi Ɛsɔ Lɩzaa Yɔ ɛtɔɔ kʋñɔŋ.

2 Kɔrɛntɩ 12:2

Mansɩm Krɩstʋ tʋ nɔɔyʋ, pɩtalɩ pɩnzɩ hiu nɛ naanza yɔ Ɛsɔ kpazʋʋ-ɩ ɛ-cɔlɔ ɖooo ɛsɔdaa yɔ. Mantatɩlɩ se toovenim pɩkpazɩ-ɩ yaa ɛ-kalɩzaɣ ɖeke kpana. Ɛsɔ ɖeke sɩmna.

Efɛɛzɩ 3:19

Ḿbʋ́ yekina nɛ ɩtɩlɩ se sɔɔlɩm ḿbʋ́, pɩkɩlɩ lɔŋsɩnɖɛ tɩŋa payɩ. Ḿbʋ́ yekina ɖɔɖɔ nɛ Ɛsɔ tɛzɩ mɩ-taa wɛʋ pilim.

Koloosi 1:19

Mbʋ́ pʋyɔɔ yɔ, pɩkɛdɩnɩ Ɛsɔ nɛ eyele ɛ-maɣmaɣ ɛwɛɛ ɛ-Pɩyalʋ ɛnʋ ɛ-taa pilim.

Koloosi 2:9

Toovenim lɛ, Krɩstʋ wɛʋ yɔ, Ɛsɔ wɛ e-tomnaɣ taa pilim

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Ebree 7:26

Toovenim lɛ, Yesu lɛ cɔjɔ sɔsɔ weyi pʋmʋnaa se ɖɩwɛna yɔ: ɛwɛ cɩɖɩcɩɖɩ, paanaɣ ndʋ́ paawanɩ-ɩ yɔ, ɛtala kɩwɛɛkɩm nabʋyʋ. Ɛ nɛ kɩwɛɛkɩm laɖaa pɛfɛyɩ ɖoli kʋɖʋm, ɛwɛ ɖooo ɛsɔdaa.

Ebree 8:1

Tɔm ndʋ́ meheyiɣ-mɩ yɔ, tɩ-taa ndʋ́ tɩkɩlɩ wazaɣ yɔ lɛ se: ɖɩwɛnɩ cɔjɔ sɔsɔ nɔɔyʋ. Ɛcaɣ Ɛsɔ Đoŋ Tɩŋa Tʋ kewiyaɣ kpelaɣ cɔlɔ lone kɩbanɖɛ taa ɛsɔdaa.