Efɛɛzɩ 4:1 - New Testament

¹ Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 4:1 ပူးပေါင်းရင်းမြစ်များ

Tʋma Labʋ 9:31

Krɩstʋ ŋgbɛyɛ taa ñɩma kɛwɛ laŋhɛzɩyɛ taa Yudee nɛ Galilee nɛ Samaarɩɩ pa-ageeta hɔɔlɩŋ tɩŋa taa. Pɛtɛzaɣ pɩʋ nɛ pañaŋ Kɩpaɣlʋ nɛ Fezuu Kiɖeɖeu sɩŋnɩ-wɛ nɛ pɛtɛzɩɣ ɖɔʋ.

Room 11:29

Mbʋ́ pʋyɔɔ yɔ, Ɛsɔ ɛɛmʋʋ mbʋ́ ɛhawa yɔ kaʋ. Ɛɛlɛɣzɩɣ ɖɔɖɔ lɩmaɣza mbá ɛya-wɛ yɔ pɔ-tɔm taa.

Room 12:1

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

1 Kɔrɛntɩ 4:16

Pʋ-yɔɔ mentendiɣ-mɩ se ɩtɩŋ ma-nʋmɔʋ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

2 Kɔrɛntɩ 5:20

Pʋ-yɔɔ lɛ, ɖɩkɛ Krɩstʋ tiyiyaa. Ɛsɔ tɩŋɩɣnɩ ɖɔ-yɔɔ nɛ etendiɣ ɛyáa alɩwaatʋ ndʋ́ ɖiheyiɣ-wɛ se: «Đitendiɣ-mɩ, itisi nɛ mɩ nɛ Ɛsɔ iceɣ Krɩstʋ yɔɔ.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

Galaatɩ 4:12

Taabalaa! Mentendiɣ-mɩ se mɩ-wɛtʋ ɛwɛɛ ɛzɩ ma-ñɩndʋ yɔ, mbʋ́ pʋyɔɔ yɔ, ma ɖɔɖɔ mɛwɛ ɛzɩ mɩ yɔ. Ɩtalabɩ-m kɩdɛkɛdɩm nabʋyʋ.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Efɛɛzɩ 4:17

Iwelesi tɔm ndʋ́ mankaɖɩɣ-mɩ nɛ Kɩpaɣlʋ nɔɔ yɔ. Ńdʋ́ lɛ se: pɩfɛyɩ se ɩtasɩ caɣʋ wezuu ɛzɩ mbá pɛtɛkɛ Yuda ñɩma yɔ. Palakɩ mbʋ́ pamaɣzɩɣ nɛ pɩɩtalɩɣnɩ-wɛ ɖoli yɔ.

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Filiipu 1:27

Mbʋ́ pʋwɛɛ yɔ lɛ se: ɩɖɔ camɩyɛ ɛzɩ Krɩstʋ Laŋhɛzɩyɛ Tɔm pɔzʋʋ yɔ. Yee ḿbʋ́, paa mɔnkɔm se mana-mɩ yaa mɔntɔkɔɔ yɔ, manɩɩ se ɩɖɔkɩ mɩ-tɩ kpam ḿbʋ́ nɛ ɩwɛnɩ lɩmaɣza kʋɖʋmɛɛ nɛ laŋɩyɛ kʋɖʋmɖɩyɛ, tʋmɩyɛ nɖɩ́ ɩlakɩ se ɛyáa etisi Laŋhɛzɩyɛ Tɔm ńdʋ́ yɔ ɖɩ-taa.

Filiipu 3:14

Pʋ-yɔɔ malʋkɩ se mantalɩ tɩnaɣ yɔɔ nɛ mamʋ kɩhɛyʋʋ ŋgʋ́ Ɛsɔ tɩŋnɩ Krɩstʋ Yesu yɔɔ nɛ ɛ́yáa-ɖʋ nɛ ɛsɔdaa se ɖɩmʋ yɔ.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

Koloosi 2:6

Pʋ-yɔɔ lɛ, ɖenɖe itisaa se Krɩstʋ Yesu lɛ Kɩpaɣlʋ yɔ, ɩcaɣ wezuu mɩ nɛ ɩ mɩ-kpɛndʋʋ taa.

Koloosi 4:12

Epafraasɩ weyi ɛ-tɛ mɩ-tɛ ɖɔɖɔ yɔ, ɛsɛ-mɩ. Ɛkɛ Krɩstʋ Yesu tʋmlaɖʋ, ɛwɛɛ ɛlʋkɩ mɩ-yɔɔ ɛ-Ɛsɔ sɛtʋ taa se ɩsɩŋ mi-ɖeɖe ḿbʋ́ mi-lidaʋ wɛnaʋ taa nɛ ɩtɛzɩ pɩʋ nɛ ɩtɩlɩ mbʋ́ Ɛsɔ liu wɛɛ yɔ siŋŋ.

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

2 Tesalooniki 1:11

Pʋ-yɔɔ ɖɩwɛɛ ɖɩsɛɣ ɖɛ-Ɛsɔ mɩ-yɔɔ se eyele nɛ ɩmʋnɩ mbʋ́ pʋ-yɔɔ ɛya-mɩ yɔ. Đɩsɛɣ-ɩ ɖɔɖɔ se ɛtɩŋnɩ e-ɖoŋ yɔɔ nɛ eyele ɩla camɩyɛ lakasɩ nzɩ́ sɩtɩŋa payɩ ɩɖʋwa yɔ nɛ ɩtɛzɩ wɛʋ kpekpeka mi-lidaʋ wɛnaʋ taa.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

Tiiti 2:10

Pɩfɛyɩ ɖɔɖɔ se pesezi pa-ñɩm yɔɔ. Ɛlɛ́, pʋwɛɛ se pawɩlɩ pa-tɩ tam se pɛkɛ ɛyáa kɩbama nɛ toovenim tɩnaa. Peeɖe ɛyáa ɖʋʋ ɖa-ñʋʋ yaɖʋ Ɛsɔ tɔm ndʋ́ pawɩlɩɣ yɔ hɩɖɛ.

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

1 Pɩyɛ 3:9

Ɩtaakpa ɖama kɩmɩyɛ. Nɔɔyʋ ɛtʋ-mɩ lɛ, ɩtaatʋʋ-ɩ. Ɛlɛ́, itendi Ɛsɔ se ɛ́wazɩ pʋdʋ yɔɔ. Mbʋ́ pʋyɔɔ yɔ, ɛya-mɩ se ɩla ḿbʋ́ nɛ ɛ́wazɩ mɩ-yɔɔ ɛzɩ ɛɖʋʋ yɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.

2 Pɩyɛ 1:3

Yesu Krɩstʋ wɛnɩ Ɛsɔ ɖoŋ nɛ ɛha-ɖʋ pɩtɩŋa payɩ se ɖɩwɛɛ wezuu nɛ ɖɩla mbʋ́ Ɛsɔ liu wɛɛ yɔ. E-koboyaɣ nɛ ɛzɩma mbʋ́ ɛkɩlɩ pɩtɩŋa yɔ, pɔ-yɔɔ eyebi se ɖɩtɩlɩ Ɛsɔ weyi ɛya-ɖʋ se ɖɩkɛ ɛ-ñɩma yɔ.

2 Yohanɛɛsɩ 1:5

Lɛɛlɛɛyɔ lɛ, mentendiɣ-ŋ se ɖɩsɔɔlɩ ɖama. Pɩtɛkɛ paɣtʋ kɩfatʋ natʋyʋ manɖʋʋ-ŋ ḿbʋ́, ɛlɛ́, ndʋ́ ɖɩɩnɩ ɖooo kiɖe tɛɛ yɔ manɖʋʋ-ŋ.