Efɛɛzɩ 3:9 - New Testament

⁹ Ɛɖʋ-m ɖɔɖɔ se meyele nɛ ɛyáa na ɛzɩma mbʋ́ pʋwɛɛ se mbʋ́ ɛɛɖʋwa nɛ pʋwɛɛ mɛsaɣ tɛɛ ɖooo lɔŋ yɔ, pɩla yɔ. Ɛnʋ labɩnɩ pɩtɩŋa payɩ.

Efɛɛzɩ 3:9 ပူးပေါင်းရင်းမြစ်များ

Maatiyee 10:27

Tɔm ndʋ́ meheyiɣ-mɩ mɛsaɣ tɛɛ yɔ, isusi-tʋ ɛyáa tɩŋa nɛ ndʋ́ mɛwɛɛtɩɣ-mɩ yɔ, isusi tʋtʋ paa le nɛ paa weyi ɛnɩɩ.

Maatiyee 13:35

Pɩlabɩ ɛzɩ náyʋ maʋ ɛ-takayaɣ taa se: «Mɔnkɔŋ-wɛ yɔɔdɩnaʋ nɛ aduwa taa nɛ monsusi-wɛ tɔm ndʋ́ tɩwɛ mɛsaɣ tɛɛ ɖooo ɛzɩ Ɛsɔ labʋ kedeŋa yɔ.»

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Maatiyee 28:19

Iwolo ajɛya kpeekpe taa ɛyáa cɔlɔ nɛ ɩla nɛ papɩsɩ mɔn-tɔmkpɛlɩkɩyaa nɛ ɩlabɩ-wɛ lɩm sɔʋ sɔnzɩ Caa Ɛsɔ nɛ ɛ-Pɩyalʋ nɛ e-Fezuu Kiɖeɖeu pa-hɩɖɛ taa.

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Yohanɛɛsɩ 10:30

Ma nɛ man-Caa ɖɩkɛ kʋɖʋm.»

Yohanɛɛsɩ 5:17

Peeɖe Yesu heyi-wɛ se: «Man-Caa Ɛsɔ lakɩ tʋmɩyɛ tam, ma ɖɔɖɔ ḿbʋ́.»

Yohanɛɛsɩ 5:19

Peeɖe Yesu kaɖɩ-wɛ se: «Toovenim lɛ, meheyiɣ-mɩ se ma Ɛsɔ Pɩyalʋ lɛ, maapɩzɩɣ mala nabʋyʋ yem man-tɩ yɔɔ. Mbʋ́ man-Caa Ɛsɔ lakɩ nɛ manaɣ yɔ, pi-ɖeke koŋ malakɩ. Mbʋ́ pɩtɩŋa payɩ man-Caa lakɩ yɔ, ḿbʋ́ ɖɔɖɔ malakɩ.

Tʋma Labʋ 15:18

Kɩpaɣlʋ weyi ma meyeba nɛ ɛyáa tɩlɩ pʋnɛ pɩtɩŋa payɩ ɖooo lɔŋ yɔ, mɔyɔɔdɩnɩ ḿbʋ́.›

Room 11:25

Man-taabalaa, mancaɣ se mawɩlɩ-mɩ mbʋ́ pɩɩwɛ mɛsaɣ tɛɛ yɔ nɛ ɩtaakpaɣ mɩ-tɩ se ɩkɛ lɔŋsɩnɖaa: Izrɛɛlɩ ñɩma lɛlaa tamaa, paapɩzɩɣ panɩɩ. Ɛlɛ́, pɛwɛɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ mbá Ɛsɔ lɩzɩ mbá pɛtɛkɛ Yuda ñɩma yɔ pa-taa yɔ patɩŋa payɩ pehiɣ ñʋʋ yabʋ yɔ.

1 Kɔrɛntɩ 2:7

Ɛsɔ lɔŋsɩnɖɛ nɖɩ́ ɖɩɩwɛ ɛyáa mɛsaɣ tɛɛ yɔ, ɖɩ-tɔm ɖisusuu. Tɩ-taa wɛ cukaŋ. Pʋcɔ Ɛsɔ la kedeŋa lɛ, ɛɛɖʋwa se pɩtɩŋnɩ ɖɩ-yɔɔ nɛ ɖɩwɛɛ e-koboyaɣ taa.

Efɛɛzɩ 1:4

Kpɛndʋʋ ḿbʋ́, pɩ-taa Ɛsɔ lɩzɩ-ɖʋ se ɖɩkɛ ɛ-ñɩma nɛ pataana kɩwɛɛkɩm nabʋyʋ ɖɔ-yɔɔ. Ɛɛlɩzɩ-ɖʋ nɛ pʋcɔ ɛla kedeŋa. Ɛsɔɔlɩ-ɖʋ yɔɔ

Efɛɛzɩ 3:2

Paa pɩɩla ɛzɩma, ɩnɩ lootiye nɖɩ́ Ɛsɔ labɩ-m nɛ ɛɖʋ-m se mala tʋmɩyɛ mɩ-hɛkʋ taa yɔ ɖɩ-tɔm.

Efɛɛzɩ 6:19

Itendi-i ɖɔɖɔ mɔ-yɔɔ se eyele nɛ monkuli mɔ-nɔɔ lɛ, mantɩlɩ ndʋ́ maawɩlɩnɩ kaalɛyɩtʋ mbʋ́ pʋwɛ mɛsaɣ tɛɛ Laŋhɛzɩyɛ Tɔm taa yɔ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:26

Đooo lɛ, tɩɩwɛ kpaɖɩŋ tɩŋa taa ɛyáa mɛsaɣ tɛɛ, ɛlɛ́ lɛɛlɛɛyɔ, ekuli tɩ-yɔɔ nɛ ɛwɩlɩ ɛ-ñɩma.

Koloosi 3:3

Mbʋ́ pʋyɔɔ yɔ, ɩsɩba nɛ mi-wezuu mɛlɩ Krɩstʋ cɔlɔ ɛ nɛ Ɛsɔ pɛ-kpɛndʋʋ yɔɔ.

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

2 Tesalooniki 2:13

Piyele ɖa lɛ, pʋwɛɛ se ɖɩsa Ɛsɔ tam taabalaa mbá mɩ Kɩpaɣlʋ sɔɔlaa yɔ mɩ-yɔɔ. Mbʋ́ pʋyɔɔ yɔ, mɩ ɛcalɩ lɩzʋʋ se pɩtɩŋnɩ e-Fezuu Kiɖeɖeu ŋgʋ́ kɩpɩsɩɣ-mɩ cɩɖɩcɩɖɩ ñɩma yɔ nɛ lidaʋ ŋgʋ́ ɩwɛnɩ toovenim yɔɔ yɔ pɔ-yɔɔ nɛ ɛya mɩ-ñʋʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

2 Timootee 4:17

Ɛlɛ́, ɛnʋ kɛwɛnɩ mɔn-cɔlɔ nɛ ɛha-m ɖoŋ nɛ piyele manpɩzɩ monsusi mbá pɛtɛkɛ Yuda ñɩma yɔ Ɛsɔtɔm tɩŋa payɩ. Ɛnʋ lɩzɩnɩ-m tɔɔyʋʋ nɔɔ taa.

Tiiti 1:2

Ḿbʋ́ paɖaŋaa se pehiɣ wezuu maatɛŋ. Ɛsɔ weyi ɛɛcɛtɩɣ yɔ, pʋcɔ ɛla kedeŋa lɛ, ɛɛɖʋwa se ɛhaɣ-ɖʋ-kʋ.

1 Pɩyɛ 1:20

Ɛsɔ kalɩzɩ-ɩ ɖooo lɔŋ nɛ pʋcɔ ɛla kedeŋa. Ɛlɩzɩ-ɩ nɛ ɛkɔɔ kɛtɛzaɣ alɩwaatʋ tʋnɛ tɩ-taa nɛ pʋwazɩ-mɩ.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 14:6

Pʋwayɩ lɛ, mana Ɛsɔ tiyiyu lɛlʋ, ɛkʋyaɣ ɖooo ɛsɔdaa. Ɛɛwɛnɩ Laŋhɛzɩyɛ Tɔm ndʋ́ tɩwɛ tam yɔ se esusuu kedeŋa yɔɔ ɛyáa nɛ ajɛya tɩŋa nɛ cejewee tɩŋa nɛ kʋnʋmɩŋ tɩŋa nɛ samaɣ tɩŋa.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.

Wɩlʋʋ 4:11

«Hayɩ Kɩpaɣlʋ yee, ɖɛ-Ɛsɔ, ŋmʋnaa se ña-hɩɖɛ ɛsɛɛ, paɖʋ-ŋ pɩ-taa yee pɛcɛlɩ-ŋ ɖoŋ nee. Ñalabɩna pɩtɩŋa payɩ ñe-liu wɛna nɛ pala pɩtɩŋa nɛ pʋwɛɛ.»