Efɛɛzɩ 3:5 - New Testament

⁵ Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

Efɛɛzɩ 3:5 ပူးပေါင်းရင်းမြစ်များ

Maatiyee 13:17

Toovenim lɛ, meheyiɣ-mɩ se náyaa sakɩyɛ nɛ ɛyáa kʋtʋʋzaa sakɩyɛ pañɩnaa se pana mbʋ́ ɩnaɣ yɔ, ɛlɛ́, patana-pʋ. Pañɩnaa ɖɔɖɔ se panɩɩ ndʋ́ ɩnɩwa yɔ, ɛlɛ́, patanɩɩ-tʋ.»

Maatiyee 20:7

Peeɖe paba cosi-i se: ‹Nɔɔyʋ takpaɣ-ɖʋ se ɖɩlabɩ-ɩ tʋmɩyɛ.› Ɛlɛ́, eheyi-wɛ se: ‹Yee ḿbʋ́ ɩtɩŋ lɛlaa wayɩ ma-hayɩm taa.›

Maatiyee 23:34

Pʋ-yɔɔ meheyiɣ-mɩ se: mentiyiɣni-mɩ náyaa nɛ lɔŋsɩnɖaa nɛ paɣtʋ wɩlɩyaa. Ɩkɔŋ kʋʋ lɛlaa nɛ ɩka lɛlaa kaamaŋkasɩ yɔɔ nɛ ilu lɛlaa agbazɛɛ mɩ-Ɛsɔ ɖɩsɛyɛ ndɩ ndɩ taa nɛ ɩwɛɛ lɛlaa wayɩ kaŋ kaŋ tɛtʋ ndɩ ndɩ taa.

Luka 10:24

Pʋ-yɔɔ mankaɖɩɣ-mɩ se: náyaa sakɩyɛ nɛ awiya sɔsɔna sakɩyɛ pañɩnaɣ se pana mbʋ́ ɩnaɣ ɛzʋnɔ yɔ. Ɛlɛ́, patapɩzɩ. Pañɩnaɣ ɖɔɖɔ se panɩɩ ndʋ́ ɩnɩɣ yɔ. Ɛlɛ́, patapɩzɩ.»

Luka 11:49

Pʋ-yɔɔ Ɛsɔ yɔɔdɩ mɩ-tɔm nɛ lɔŋsɩnɖɛ se: ‹Mentiyiɣni-wɛ ɛyáa nabɛyɛ nɛ náyaa. Ɛlɛ́, pakʋʋ pa-taa lɛlaa nɛ pɛwɛɛ lɛlaa wayɩ kaŋ kaŋ.›

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 16:13

Toovenim Fezuu ŋ́gʋ́, kʋkɔŋ lɛ, kɩwɩlɩ-mɩ toovenim nʋmɔʋ tɩŋa. Pɩtɛkɛ ki-ɖoŋ ɖeke kʋyɔɔdʋʋna. Ɛlɛ́, ndʋ́ tɩtɩŋa payɩ kɩnɩɣ yɔ, kɩkɛdɩɣ-mɩ nɛ kiheyi-mɩ mbʋ́ pʋkɔŋ labʋ yɔ.

Tʋma Labʋ 10:28

Peeɖe Pɩyɛ heyi-wɛ se: «Ɩtɛm sɩm se pɩtaha Yuda tʋ nʋmɔʋ se ɛ nɛ ɛgɔm nɔɔyʋ paɖʋ taabalɩyɛ yaa ɛsʋʋ pʋdʋ tɛ. Ɛlɛ́, Ɛsɔ ñeheyi-m se mantaakpaɣ nɔɔyʋ se ɛtɛkɛ kɩbanʋ yaa ɛfɛyɩ cɩɖɩcɩɖɩ se powolo ɛ-tɛ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

1 Kɔrɛntɩ 2:10

Đa Ɛsɔ tɩŋnɩ e-Fezuu Kiɖeɖeu yɔɔ nɛ ɛwɩlɩ-pʋ. Toovenim lɛ se Fezuu Kiɖeɖeu sɩm pɩtɩŋa payɩ, halɩ pɩkpɛndɩnɩ mbʋ́ pʋwɛ ɖooo Ɛsɔ taa yɔ.

Efɛɛzɩ 2:20

Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 3:9

Ɛɖʋ-m ɖɔɖɔ se meyele nɛ ɛyáa na ɛzɩma mbʋ́ pʋwɛɛ se mbʋ́ ɛɛɖʋwa nɛ pʋwɛɛ mɛsaɣ tɛɛ ɖooo lɔŋ yɔ, pɩla yɔ. Ɛnʋ labɩnɩ pɩtɩŋa payɩ.

2 Pɩyɛ 3:2

Me-liu wɛɛ se ɩtɔzɩ tɔm ndʋ́ náyaa kiɖeɖema yɔɔdɩ ɖooo lɔŋ yɔ tɩ-yɔɔ. Ɩtɔzɩ ɖɔɖɔ paɣtʋ ndʋ́ Kɩpaɣlʋ weyi ɛkɛ ɖa-ñʋʋ yaɖʋ yɔ, ɛtɩŋnɩ e-tiyiyaa yɔɔ nɛ eheyi-mɩ se ɩla yɔ tɩ-yɔɔ.

Yuudi 1:17

Mɛ-ɛgbaɣdɩnaa! Mɩ lɛ, ɩtɔzɩ tɔm ndʋ́ ɖa-Kɩpaɣlʋ Yesu Krɩstʋ tiyiyaa keheyi-mɩ se tɩkɔŋ labʋ yɔ tɩ-yɔɔ. Paaheyi-mɩ se: «Kɛtɛzaɣ alɩwaatʋ taa lɛ, nabɛyɛ wɛɣ nɛ powoŋuu-mɩ. Ḿbá ɛɛñaŋnɩ Ɛsɔ, palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ.»