Efɛɛzɩ 3:4 - New Testament

⁴ Ɩkalɩɣ mbʋ́ mamawa yɔ lɛ, ɩna mbʋ́ ɛwɩlɩ-m Krɩstʋ tɔm ndʋ́ tɩɩwɛ mɛsaɣ tɛɛ yɔ tɩ-taa yɔ.

Efɛɛzɩ 3:4 ပူးပေါင်းရင်းမြစ်များ

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Luka 8:10

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́ mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, panɩɣ-tʋ lɛ, tɩkɛnɩ-wɛ aduwa. Pɩlakɩ ḿbʋ́ se: ‹Pɔcɔnɩ camɩyɛ, ɛlɛ́, pataana nɛ pewelesi camɩyɛ, ɛlɛ́, pataanɩɩ pʋ-tɔbʋʋ.› »

Room 11:25

Man-taabalaa, mancaɣ se mawɩlɩ-mɩ mbʋ́ pɩɩwɛ mɛsaɣ tɛɛ yɔ nɛ ɩtaakpaɣ mɩ-tɩ se ɩkɛ lɔŋsɩnɖaa: Izrɛɛlɩ ñɩma lɛlaa tamaa, paapɩzɩɣ panɩɩ. Ɛlɛ́, pɛwɛɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ mbá Ɛsɔ lɩzɩ mbá pɛtɛkɛ Yuda ñɩma yɔ pa-taa yɔ patɩŋa payɩ pehiɣ ñʋʋ yabʋ yɔ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

1 Kɔrɛntɩ 13:2

Paa pɩɩha-m se monsusi tɔm ndʋ́ tɩlɩnɩ Ɛsɔ cɔlɔ yɔ nɛ mɛwɛnɩ lɛɣtʋ tɩŋa nɛ manpɩzɩɣ manɩɣ tɔm ndʋ́ tɩwɛ mɛsaɣ tɛɛ yɔ tɩtɩŋa yaa paa maawɛnɩ lidaʋ siŋŋ se manpɩzɩɣ mɛnkpɛzɩɣnɩ pʋŋ nɛ yee maasɔɔlʋʋ ɛyáa yɔ, mɛntɛkɛ pʋyʋ.

1 Kɔrɛntɩ 4:1

Pʋwɛɛ se ɛyáa ɛtɩlɩ se Krɩstʋ tiyiyaa ɖa, ɖɩkɛ ɛ-tʋmlaɖaa. Ɛsɔ ɖʋzɩ e-toovenim mbʋ́ pɩɩwɛ mɛsaɣ tɛɛ yɔ ɖe-nesi taa se ɖɩwɩlɩ ɛyáa.

2 Kɔrɛntɩ 11:6

Paa mɛnfɛyɩ nɔɔ leleŋ yɔ, mansɩm nabʋyʋ. Ḿbʋ́ ɖɩwɩlɩ-mɩ kpayɩ alɩwaatʋ kpeekpe pɩtɩŋa pɩ-taa.

Efɛɛzɩ 1:9

Pɩkɛdɩnɩ-ɩ nɛ eyele nɛ ɖɩtɩlɩ mbʋ́ ɛɛɖʋwa se ɛlakɩ nɛ pʋwɛɛ mɛsaɣ tɛɛ yɔ. Ɛ nɛ Krɩstʋ pɛ-kpɛndʋʋ taa ɛɛɖʋwa se ɛlakɩ-pʋ.

Efɛɛzɩ 3:3

Ńdʋ́ lɛ se ɛwɩlɩ-m mbʋ́ pɩɩwɛ mɛsaɣ tɛɛ yɔ nɛ mansɩm-pʋ ɛzɩ mamaʋ tɔm pee ana lɛɛlɛɛyɔ yɔ.

Efɛɛzɩ 3:9

Ɛɖʋ-m ɖɔɖɔ se meyele nɛ ɛyáa na ɛzɩma mbʋ́ pʋwɛɛ se mbʋ́ ɛɛɖʋwa nɛ pʋwɛɛ mɛsaɣ tɛɛ ɖooo lɔŋ yɔ, pɩla yɔ. Ɛnʋ labɩnɩ pɩtɩŋa payɩ.

Efɛɛzɩ 5:32

Tɔm tʋnɛ, tɩkɛ mɛsaɣ tɛɛ tɔm, tɩ-taa wɛ cukaŋ. Krɩstʋ nɛ ɛ-ŋgbɛyɛ taa ñɩma mamaɣzɩnaa nɛ mɔyɔɔdɩ ḿbʋ́.

Efɛɛzɩ 6:19

Itendi-i ɖɔɖɔ mɔ-yɔɔ se eyele nɛ monkuli mɔ-nɔɔ lɛ, mantɩlɩ ndʋ́ maawɩlɩnɩ kaalɛyɩtʋ mbʋ́ pʋwɛ mɛsaɣ tɛɛ Laŋhɛzɩyɛ Tɔm taa yɔ.

Koloosi 1:26

Đooo lɛ, tɩɩwɛ kpaɖɩŋ tɩŋa taa ɛyáa mɛsaɣ tɛɛ, ɛlɛ́ lɛɛlɛɛyɔ, ekuli tɩ-yɔɔ nɛ ɛwɩlɩ ɛ-ñɩma.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

Koloosi 4:3

Itendi-i ɖɔɖɔ ɖɔ-yɔɔ nɛ ɛha-ɖʋ nʋmɔʋ nɛ ɖisusi ɛ-tɔm nɛ ɖɩpɩzɩ ɖɩlɩzɩ Krɩstʋ tɔm ndʋ́ tɩwɛ ɛyáa tɩŋa mɛsaɣ tɛɛ yɔ tɩ-tɔbʋʋ. Tɩ-yɔɔ mɛwɛ salaka taa lɛɛlɛɛyɔ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Timootee 3:9

Pʋwɛɛ se pɔ́ɖɔ́kɩ lidaʋ tɔm ndʋ́ Ɛsɔ lɩzaa ɛwɩlɩ ɛ-ñɩma yɔ. Ɛlɛ́, pa-lɩmaɣza ɛtaacɛyɩ-wɛ pe-wezuu caɣʋ taa.