Efɛɛzɩ 3:10 - New Testament

¹⁰ Yee ḿbʋ́, pɩkpaɣʋnɩ lɛɛlɛɛyɔ yɔ, pɩtɩŋɩɣnɩ Krɩstʋ ŋgbɛyɛ taa ñɩma yɔɔ nɛ ñʋndɩnaa nɛ ɛsɔdaa ɖoŋ tɩŋa patɩlɩ ɛzɩma mbʋ́ Ɛsɔ lɔŋsɩnɖɛ paɣlaa pɩtɩɩfɛyɩ yɔ.

Efɛɛzɩ 3:10 ပူးပေါင်းရင်းမြစ်များ

Room 11:33

Ɛsɔ camɩyɛ lakasɩ ɖɔwa siŋŋ! Ɛ-lɔŋsɩnɖɛ nɛ ɛ-lɛɣtʋ pɛfɛyɩ kámaɣ́! Apɩzɩɣ ɛlɩzɩ mbʋ́ Ɛsɔ ɖʋ ɛ-taa yɔ pʋ-tɔbʋʋ? Apɩzɩɣ ɛnɩɩ mbʋ́ ɛlakɩ yɔ pʋ-tɔbʋʋ?

Room 8:38

Mbʋ́ pʋyɔɔ yɔ, manawa siŋŋ se: paa sɩm yaa wezuu yaa Ɛsɔ tiyiyaa yaa ɛsɔdaa awiya yaa ɛsɔdaa ɖoŋ yaa mbʋ́ pʋwɛ lɛɛlɛɛyɔ yaa pɩkaɣ kɔm yɔ yaa mbʋ́ pʋwɛ ɛsɔdaa yaa tɛtɛɛ yɔ yaa mbʋ́ Ɛsɔ laba yɔ, pɩ-taa nabʋyʋ ɛɛpɩzɩɣ pɩyasɩ-ɖʋ nɛ Ɛsɔ sɔɔlɩm mbʋ́ ɛtɩŋnɩ ɖa-Kɩpaɣlʋ Krɩstʋ Yesu yɔɔ nɛ ɛwɩlɩ-ɖʋ yɔ.

1 Kɔrɛntɩ 1:24

Ɛlɛ́, mbá Ɛsɔ yawa yɔ, paa pɛkɛ Yuda ñɩma yaa pɛtɛkɛ Yuda ñɩma yɔ, Krɩstʋ ɛnʋ, ɛkɛnɩ-wɛ Ɛsɔ ɖoŋ nɛ Ɛsɔ lɔŋsɩnɖɛ.

1 Kɔrɛntɩ 2:7

Ɛsɔ lɔŋsɩnɖɛ nɖɩ́ ɖɩɩwɛ ɛyáa mɛsaɣ tɛɛ yɔ, ɖɩ-tɔm ɖisusuu. Tɩ-taa wɛ cukaŋ. Pʋcɔ Ɛsɔ la kedeŋa lɛ, ɛɛɖʋwa se pɩtɩŋnɩ ɖɩ-yɔɔ nɛ ɖɩwɛɛ e-koboyaɣ taa.

Efɛɛzɩ 1:21

Ḿbʋ́ yebina nɛ ɛkɛ ɛsɔdaa ɖoŋ tɩŋa nɛ kewiyisi tɩŋa nɛ mbʋ́ pɩtɩŋa payɩ pɩpaɣlaa nɛ pɩ-hɩɖɛ sɛɛ kedeŋa yɔɔ cɩnɛ yɔ pʋ-ñʋʋdʋ. Pɩtɛkɛ mbʋ́ pʋwɛ alɩwaatʋ tʋnɛ tɩ-taa yɔ pi-ɖeke pʋ-ñʋʋdʋ ɛkɛnaa, ɛlɛ́, pɩkpɛndɩnɩ mbʋ́ pʋkɔŋ wɛʋ cee wayɩ yɔ.

Efɛɛzɩ 1:23

Ńɖɩ́ lɛ e-tomnaɣ. Đɩ-taa Krɩstʋ ɛnʋ ɛwɛɛ pilim: ɛlakɩ ɖɩ-taa ñɩma tɩŋa pɩtɩŋa payɩ. Ɛwɛ kedeŋa kpeekpe yɔɔ nɛ pɩtɩŋa payɩ pʋwɛɛ e-nesi taa.

Efɛɛzɩ 1:3

Đɩsa Ɛsɔ! Ɛnʋ lɛ ɖa-Kɩpaɣlʋ Yesu Krɩstʋ Caa. Ɛtɩŋnɩ e-Fezuu Kiɖeɖeu yɔɔ nɛ ɛwazɩ ɖɔ-yɔɔ ɖa nɛ Krɩstʋ ɖɛ-kpɛndʋʋ taa. Wazʋʋ ḿbʋ́, pʋ-yɔɔ ɛtɩŋnaa nɛ ɛha-ɖʋ mbʋ́ pɩtɩŋa payɩ pʋwɛ Fezuu Kiɖeɖeu taa nɛ pɩlɩɩnɩ ɛsɔdaa yɔ.

Efɛɛzɩ 1:8

Ɛtɩŋnɩ ɛ-lɔŋsɩnɖɛ nɛ ɛ-lɛɣtʋ pɔ-yɔɔ nɛ ɛlabɩ-ɖʋ-ɖɩ pɩtɩɩfɛyɩ.

Efɛɛzɩ 6:12

Pɩtɛkɛ ɛyáa pʋwɛɛ se ɖiyoona. Ɛlɛ́, ɛsɔdaa ɖoŋ tɩŋa payɩ nɛ kedeŋa yɔɔ cɩnɛ cɩkpɛndʋʋ tɛɛ awiya nɛ feziŋ kɩdɛkɛdɩŋ pʋwɛɛ se ɖiyoona.

Koloosi 1:16

Ɛ-yɔɔ ɛ́lɛ́ tɩŋnaa nɛ ɛla pɩtɩŋa payɩ. Ɛlabɩ mbʋ́ pʋwɛ ɛsɔdaa nɛ tataa yɔ, mbʋ́ panaɣ yɔ nɛ mbʋ́ paanaɣ yɔ. Ɛnʋ labɩnɩ awiya sɔsɔna nɛ cikpena nɛ ɖoŋ ndɩ ndɩ. Ɛ-yɔɔ Ɛsɔ tɩŋnaa nɛ ɛla pɩtɩŋa payɩ nɛ ɛtɩɣyɩ-pʋ.

Koloosi 2:10

nɛ mɩ nɛ ɩ mɩ-kpɛndʋʋ taa lɛ, ihiɣ pɩtɩŋa. Ɛnʋ kɩlɩnɩ awiya nɛ ɖoŋ tɩŋa payɩ.

Koloosi 2:15

Ḿbʋ́ Ɛsɔ lɩzɩ mbʋ́ pɩtɩŋa payɩ pʋwɛ ɛsɔdaa nɛ tataa yɔ pu-ɖoŋ nɛ eyele nɛ ɛyáa tɩŋa na-pʋ nɛ pɩwɩlɩ se ɛtɩŋnɩ kaamaŋkaɣ yɔɔ nɛ ɛwabɩ-pʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.