Efɛɛzɩ 2:8 - New Testament

⁸ E-lootiye ńɖɩ́ ɖɩ-yɔɔ ɛtɩŋnɩ lidaʋ ŋgʋ́ ɩwɛnɩ Krɩstʋ yɔɔ yɔ kʋ-yɔɔ nɛ ɛya mɩ-ñʋʋ. Pɩtɛkɛ mɩ-cɔlɔ pɩlɩnaa, Ɛsɔ kʋjɔʋ pɩkɛnaa.

Efɛɛzɩ 2:8 ပူးပေါင်းရင်းမြစ်များ

Maatiyee 16:17

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.

Maatiyee 20:9

Mbá powobi hayɩm taa ɖanaɣ ñɩɣtʋ kagbaanzɩ yɔɔ yɔ, ɛhɛyɩ paa pa-taa weyi liidiye pɔɔyaɣ.

Maarkɩ 16:16

Yee nɔɔyʋ etisaa lɛ, ɩlabɩ-ɩ lɩm sɔʋ sɔnzɩ nɛ Ɛsɔ ya ɛ-ñʋʋ. Ɛlɛ́, yee nɔɔyʋ ekizaa yɔ, Ɛsɔ kʋʋ ɛ-tɔm.

Luka 7:50

Ɛlɛ́, Yesu heyi halʋ ɛnʋ se: «Lidaʋ ŋgʋ́ ŋwɛna yɔ, kɩyabɩ ña-ñʋʋ. Kpemni laŋhɛzɩyɛ.»

Yohanɛɛsɩ 3:36

Weyi ɛwɛnɩ lidaʋ Ɛsɔ Pɩyalʋ yɔɔ yɔ, ehiɣ wezuu maatɛŋ. Weyi ɛ́lɛ́ ɛɛñaŋ-ɩ yɔ, eehikiɣ-kʋ. Ɛlɛ́, Ɛsɔ pana wɛɣ-ɩ kpanaʋ yɔɔ.»

Yohanɛɛsɩ 4:10

Ɛlɛ́, Yesu heyi-i se: «Yee ŋŋsɩm mbʋ́ Ɛsɔ haɣ yɔ nɛ ŋtɩlɩ ɖɔɖɔ weyi ɛsʋlʋmʋʋ-ŋ lɩm yɔ yɔ, ñaasʋlʋmɩnɩ-ɩ, pʋbʋ ɛɛha-ŋ lɩm mbʋ́ pɩhaɣ wezuu yɔ.»

Yohanɛɛsɩ 5:24

Toovenim lɛ, meheyiɣ-mɩ se weyi ewelesiɣ mɔn-tɔm nɛ ɛwɛnɩ lidaʋ weyi etiyi-m yɔ ɛ-yɔɔ yɔ, ehiɣ wezuu maatɛŋ. Paahʋʋnɩ-ɩ. Ɛtɛm lɩʋ sɩm taa nɛ ehiɣ wezuu maatɛŋ.

Yohanɛɛsɩ 6:35

Peeɖe Yesu kaɖɩ-wɛ se: «Ma lɛ tɔɔnaɣ ŋgá kahaɣ wezuu yɔ. Weyi ɛkɔŋ mɔn-cɔlɔ yɔ, ñɔɔsɩ ɛɛwɩɣ-ɩ wiɖiyi kaʋ, weyi ɛ́lɛ́ wɛɣnɩ lidaʋ mɔ-yɔɔ yɔ, lɔkɔtʋ ɛɛɖɔkʋʋ-ɩ ɖɔɖɔ kaʋ.

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Yohanɛɛsɩ 6:40

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

Yohanɛɛsɩ 6:44

Man-Caa weyi etiyi-m yɔ, yee ɛtɔkɔnɩ nɔɔyʋ mɔn-cɔlɔ yɔ, pʋdʋ ɛɛpɩzɩɣ ɛkɔɔ. Weyi ɛkɔŋ mɔn-cɔlɔ yɔ, menfeziɣ-i kɛtɛzaɣ kɩyakʋ wiye nɛ sɩm taa.

Yohanɛɛsɩ 6:65

Ɛtasɩ yɔɔdʋʋ se: «Pʋ-yɔɔ meheyi-mɩ se nɔɔyʋ fɛyɩ se ɛkɔŋ mɔn-cɔlɔ nɛ man-Caa taha-ɩ nʋmɔʋ.»

Tʋma Labʋ 13:39

Weyi ɛwɛnɩ lidaʋ ɛ-yɔɔ yɔ, peɖeziɣ-i Ɛsɔ ɛsɩndaa mbʋ́ pɩtɩŋa pɩ-taa Mooyiizi paɣtʋ ñaapɩzɩɣ tiɖezi-i yɔ.

Tʋma Labʋ 14:27

Patalaa lɛ, pekpeɣli Krɩstʋ ŋgbɛyɛ taa ñɩma nɛ pɛkɛdɩ-wɛ mbʋ́ pɩtɩŋa Ɛsɔ tɩŋnɩ pɔ-yɔɔ nɛ ɛla yɔ nɛ ɛzɩma mbʋ́ ɛha mbá pɛtɛkɛ Yuda ñɩma yɔ waɖɛ nɛ pɛwɛnɩ lidaʋ Yesu yɔɔ yɔ.

Tʋma Labʋ 15:11

Đa lɛ, Kɩpaɣlʋ Yesu lootiye yɔɔ pɩtɩŋnaa nɛ ɖɩwɛnɩ lidaʋ nɛ ɖihiɣ ñʋʋ yabʋ ɛzɩ ḿbá yɔ.»

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

Tʋma Labʋ 16:31

Paba cosi-i se: «Wɛnɩ lidaʋ Kɩpaɣlʋ Yesu yɔɔ nɛ ɛya ña-ñʋʋ nɛ pɩkpɛndɩnɩ ñɔ-hɔʋ taa ñɩma.»

Room 10:14

Ɛlɛ́, ɛzɩma papɩzɩɣ payaa-ɩ se ɛsɩnɩ-wɛ nɛ pɛfɛyɩnɩ lidaʋ ɛ-yɔɔ? Ɛzɩma papɩzɩɣ pɛwɛnɩ lidaʋ ɛ-yɔɔ nɛ patanɩɩ ɛ-tɔm nɔɔyʋ cɔlɔ? Ɛzɩma papɩzɩɣ panɩɩ ɛ-tɔm nɛ nɔɔyʋ tosusi-tʋ?

Room 10:17

Pʋ-yɔɔ lɛ, lidaʋ lɩɣnɩ tɔm ndʋ́ ɛyʋ welesiɣ yɔ tɩ-cɔlɔ. Tɔm ndʋ́ ewelesiɣ yɔ lɛ Krɩstʋ tɔm ndʋ́ posusuu yɔ.

Room 4:16

Pʋ-yɔɔ lɛ, lidaʋ ŋgʋ́ ɖɩwɛnɩ Ɛsɔ yɔɔ yɔ, kʋ-yɔɔ ɛɖʋwa se ɛlakɩ-ɖʋ pʋyʋ. Ɛlakɩ-ɖʋ-pʋ falaa se pʋwazɩ Abraham sayɩnaa tɩŋa payɩ. Pɩtɛkɛ mbá pɛcɛlɩ-wɛ paɣtʋ yɔ, pe-ɖeke pʋwazɩɣ. Ɛlɛ́, pɩkpɛndɩnɩ mbá pɛwɛnɩ lidaʋ ɖɔɖɔ ɛzɩ ɖɔ-cɔzɔ Abraham yɔ, mbʋ́ pʋyɔɔ yɔ, ɛnʋ lɛ ɖatɩŋa payɩ ɖɔ-cɔzɔ.

Room 4:5

Weyi ɛ́lɛ́ ñaalakɩ naɖɩyɛ se papɩsɩ-ɩ kʋtʋʋzʋ, ɛlɛ́, ɛwɛnɩ lidaʋ Ɛsɔ yɔɔ yɔ, ɛpɩsɩɣ kʋtʋʋzʋ ɛ-ɛsɩndaa. Mbʋ́ pʋyɔɔ yɔ, Ɛsɔ pɩsɩɣnɩ kɩwɛɛkɩm laɖaa kʋtʋʋzaa.

Room 9:16

Pʋ-yɔɔ lɛ, pɩtalɩɩnɩ mbʋ́ ɛyʋ liu wɛɛ yɔ pʋ-cɔlɔ yaa pana wena ɛñakɩ yɔ a-cɔlɔ. Ɛlɛ́, Ɛsɔ weyi ɛnaɣ ɛyáa pʋtɔdɩyɛ yɔ, e-ɖeke koŋ ɛ-cɔlɔ pɩlɩnaa.

Galaatɩ 3:14

Ɛsɔ labɩ ḿbʋ́ se pɩtɩŋnɩ Yesu Krɩstʋ yɔɔ nɛ ɛha ñɩm kɩbam mbʋ́ ɛɖʋwa se ɛhaɣ Abraham yɔ mbá pɛtɛkɛ Yuda ñɩma yɔ ɖɔɖɔ. Ḿbʋ́ ɛtɩŋnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ ɛha-ɖʋ e-Fezuu Kiɖeɖeu ŋgʋ́ ɛɖʋwa se ɛhaɣ-ɖʋ yɔ.

Galaatɩ 3:22

Ɛlɛ́, Ɛsɔtɔm wɩlɩ kpayɩ se kedeŋa yɔɔ ɛyáa kpeekpe wɛ kɩwɛɛkɩm nesi taa se pɩtɩŋnɩ Yesu Krɩstʋ yɔɔ lidaʋ wɛnaʋ yɔɔ nɛ Ɛsɔ la mbá pɛwɛnɩ-kʋ yɔ mbʋ́ ɛɖʋwa se ɛlakɩ yɔ.

Efɛɛzɩ 1:19

Mentendiɣ-i ɖɔɖɔ se eyele nɛ ɩtɩlɩ ɛzɩma mbʋ́ e-ɖoŋ sɔsɔŋ weyi ɛfɛyɩ tɩnaɣ yɔ, ɛlakɩ mbá ɖa ɖɩwɛnɩ lidaʋ ɛ-yɔɔ yɔ tʋmɩyɛ yɔ.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Filiipu 1:29

Ɛsɔ ha-mɩ se ɩwɛnɩ lidaʋ Krɩstʋ yɔɔ nɛ ɩtɛ ɩtɔɔ kʋñɔŋ ɛ-yɔɔ ɖɔɖɔ

Koloosi 2:12

Palabʋ-mɩ lɩm sɔʋ sɔnzɩ yɔ, mɩ nɛ Krɩstʋ pepima. Mɩ nɛ ɩ ifemna ɖɔɖɔ, mbʋ́ pʋyɔɔ yɔ, ɩwɛnɩ lidaʋ ɖoŋ weyi Ɛsɔ fezini-i nɛ sɩɖaa taa yɔ ɛ-yɔɔ.

2 Tesalooniki 1:9

Kɩmɩyɛ nɖɩ́ ɛkpaɣ-wɛ yɔ lɛ se ewokini-wɛ asayʋʋ maatɛŋ taa, puposuuni Kɩpaɣlʋ nɛ e-ɖoŋ koboyaɣ.

Ebree 6:4

Nabɛyɛ wɛɛ, Ɛsɔ ñalɩmɩyɛ kɛtɛm pɔ-yɔɔ ñalʋʋ nɛ paɖɩŋ ɛsɔdaa kʋjɔʋ nɛ Fezuu Kiɖeɖeu wɛɛ pɔ-cɔlɔ

1 Pɩyɛ 1:5

Mbá mɩ ɩwɛnɩ lidaʋ Krɩstʋ yɔɔ yɔ, Ɛsɔ huuzi mɩ-yɔɔ nɛ e-ɖoŋ se ihiɣ ñʋʋ yabʋ. Ɛtɛm ɖaŋʋʋ kpam se ɛwɩlɩ-pʋ ɛyáa kɛtɛzaɣ alɩwaatʋ taa.