Efɛɛzɩ 2:3 - New Testament

³ Đa ɖɔɖɔ ɖatɩŋa payɩ ɖɩɩwɛ pa-taa. Đɩɖɔŋaɣ ɛzɩ ɖa-maɣmaɣ ɖe-liu wɛʋ yɔ nɛ ɖɩlakɩ mbʋ́ pɩkɛdɩnɩ-ɖʋ yɔ nɛ mbʋ́ ɖɩmaɣzɩɣ yɔ. Pɩɩwɛɛ se Ɛsɔ ɛhʋʋnɩ-ɖʋ ɖɔɖɔ ɛzɩ lɛlaa yɔ wɛtʋ ndʋ́ tɩ-taa ɖɩwɛɛ yɔ tɩ-yɔɔ.

Efɛɛzɩ 2:3 ပူးပေါင်းရင်းမြစ်များ

Maarkɩ 4:19

kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩcɛtɩɣ ɛyáa yɔ pɩ-lɩmaɣza nɛ mbʋ́ mbʋ́ ɛyáa liu wɛɛ se pɛwɛna kpem yɔ pɩ-lɩmaɣza sʋʋ pa-taa nɛ pɩɖɩɣ-tʋ nʋmɔʋ nɛ paawɛɣnɩ kɛzɛɣa.

Yohanɛɛsɩ 1:13

Patalʋlɩ-wɛ ɛzɩ ɛyáa sɔɔlʋʋ nɛ palʋlʋʋ pe-piya yɔ. Ɛlɛ́, Ɛsɔ hanɩ-wɛ wezuu kɩfalʋʋ.

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Tʋma Labʋ 14:16

Đooo lɛ, Ɛsɔ kaayebi ajɛya kpeekpe taa ɛyáa yem nɛ palakɩ mbʋ́ pe-liu wɛɛ yɔ.

Room 1:24

Pʋ-yɔɔ Ɛsɔ yebi-wɛ nɛ palakɩ kɩdɛkɛdɩm ɛzɩ paɖʋʋ pa-taa yɔ nɛ paɖʋʋ ɖama tomnasɩ fɛyɛ.

Room 11:30

Toovenim lɛ, ɩtaña Ɛsɔ ɖooo lɔŋ. Ɛlɛ́, lɛɛlɛɛyɔ pɩtɩŋnɩ pa-kaañamtʋ yɔɔ nɛ Ɛsɔ na mɩ-pʋtɔdɩyɛ.

Room 13:14

Ɩkpaɣ Kɩpaɣlʋ Yesu Krɩstʋ wɛtʋ ɛzɩ mi-you wondu yɔ. Ɩtaatasɩ yebu nɛ mɩ-maɣmaɣ mɩ-wɛtʋ hɔm-mɩ nɛ ɩla mbʋ́ mi-liu wɛɛ yɔ.

Room 2:14

Yee mbá pɛtɛkɛ Yuda ñɩma nɛ paasɩŋ Mooyiizi paɣtʋ yɔ, pɔɖɔŋ mbʋ́ paɖʋ tɩ-taa yɔ pʋ-yɔɔ yɔ, pɩwɩlɩɣ se pa-maɣmaɣ pasɩm mbʋ́ paɖʋ tɩ-taa se pala yɔ. Ŋgʋ́, patasɩm-tʋ.

Room 5:10

Đɩɩkɛ Ɛsɔ koyindinaa. Ɛlɛ́, eyele nɛ pɩtɩŋnɩ ɛ-Pɩyalʋ sɩm yɔɔ nɛ ɖa nɛ ɩ ɖɛ-hɛkʋ taa ñɔɔzɩ. Yee ɖa nɛ ɩ ɖɛ-hɛkʋ taa ɛñɔɔzaa lɛ, ɛzɩma ɛɛpɩzɩɣ ɛtɩŋnɩ ɛ-Pɩyalʋ wezuu yɔɔ nɛ ɛya ɖa-ñʋʋ yɔ?

Room 5:9

Lɛɛlɛɛyɔ, yee Ɛsɔ ɛtɩŋnɩ ɛ́lɛ́ calɩm kpɛndʋʋ yɔɔ nɛ ɛpɩsɩ-ɖʋ kʋtʋʋzaa lɛ, ɛzɩma ɛɛyakɩ ɖa-ñʋʋ se ɛ-pana ɛtaatasɩ-ɖʋ kpanaʋ yɔ?

Room 6:12

Yee ḿbʋ́ pɩfɛyɩ se mi-tomnasɩ ɛtasɩ wɛʋ kɩwɛɛkɩm nesi taa nɛ piyele nɛ ɩla mbʋ́ sɩsɔɔlaa yɔ. Mbʋ́ pʋyɔɔ yɔ, sɩsɩkɩ.

Room 7:18

Mbʋ́ pʋyɔɔ yɔ, manawa se mbʋ́ pʋwɛ ɖeu yɔ, pɩfɛyɩ man-taa: pʋ-tɔbʋʋ se wɛtʋ ndʋ́ tɩ-taa mɛwɛɛ yɔ, mɛnfɛyɩ ɖoŋ lidaʋ nʋmɔʋ taa. Toovenim lɛ, me-liu wɛɛ se mala mbʋ́ pʋwɛ ɖeu yɔ. Ɛlɛ́, maapɩzɩɣ.

Room 9:22

Ḿbʋ́ ɖɔɖɔ pʋwɛnɩ Ɛsɔ, ɛcaɣaɣ se ɛwɩlɩ ɛzɩma mbʋ́ ɛ-pana kpawa yɔ. Ɛcaɣaɣ ɖɔɖɔ se patɩlɩ e-ɖoŋ. Ɛlɛ́, ɛɖɔkɩ ɛ-hɔyɛ siŋŋ nɛ ɛ́ɖɔ́kɩ mbá pɩɩwɛɛ se ɛ-pana ɛkpanɩ-wɛ nɛ pasʋʋ asayʋʋ taa yɔ.

1 Kɔrɛntɩ 4:7

Mbʋ́ pʋyɔɔ yɔ, aheyi-ŋ se ŋkɩlɩ lɛlaa? Pɩtɛkɛ Ɛsɔ hanɩ-ŋ mbʋ́ pɩtɩŋa payɩ ŋwɛna yɔ yaa we? Yee toovenim se ɛnʋ ɛhanɩ-ŋ-pʋ lɛ, pɩlabɩ ɛzɩma ŋkʋndʋʋnɩ-pʋ ɛzɩ pataha-ŋ-pʋ kɩhaʋ yɔ?

2 Kɔrɛntɩ 7:1

Man-taabalaa kʋsɔɔlaa, mbʋ́ Ɛsɔ heyi-ɖʋ se ɛlakɩ-ɖʋ yɔ pʋ-yɔɔ lɛ, pɩwɛɛ se ɖiyele ɛzaɣ́tʋ ndʋ́ tipisiɣ tomnaɣ yɔ nɛ ndʋ́ tipisiɣ kalɩzaɣ yɔ tɩtɩŋa payɩ nɛ ɖɩwɛɛ cɩɖɩcɩɖɩ. Pʋwɛɛ se ɖɩtɛzɩ kɛʋ ɛ-ñɩma siŋŋ ɖe-wezuu caɣʋ taa. Mbʋ́ pʋyɔɔ yɔ, ɖɩñaŋ-ɩ.

Galaatɩ 3:22

Ɛlɛ́, Ɛsɔtɔm wɩlɩ kpayɩ se kedeŋa yɔɔ ɛyáa kpeekpe wɛ kɩwɛɛkɩm nesi taa se pɩtɩŋnɩ Yesu Krɩstʋ yɔɔ lidaʋ wɛnaʋ yɔɔ nɛ Ɛsɔ la mbá pɛwɛnɩ-kʋ yɔ mbʋ́ ɛɖʋwa se ɛlakɩ yɔ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 4:22

Yee ḿbʋ́, pʋwɛɛ se iyele mɩ-wɛtʋ kɩbɩndʋ nɛ mi-wezuu caɣʋ kɩbɩm, mbʋ́ pʋyɔɔ yɔ, ḿbá cɛtɩɣnɩ-mɩ nɛ paɖʋzʋʋ-mɩ.

Koloosi 1:21

Đooo lɛ, mɩ ɖɔɖɔ mɩ nɛ Ɛsɔ mɩ-hɛkʋ taa katayaa nɛ ɩkɛ e-koyindinaa mɩ-lɩmaɣza kɩdɛkɛdɛɛ nɛ mɩ-ɛzaɣ́tʋ lakasɩ pɔ-yɔɔ.

1 Tesalooniki 4:13

Taabalaa! Sɩɖaa tɔm taa lɛ, ɖe-liu fɛyɩ se ɩwɛɛ kaatɩlɩtʋ taa nɛ piyele mɩ-ɛsɛ kɔɔ añɩŋ ɛzɩ lɛlaa mbá paataɣ pʋyʋ liu yɔ.

1 Tesalooniki 5:6

Pʋ-yɔɔ lɛ, ɖitaaɖoo ɛzɩ lɛlaa yɔ. Ɛlɛ́, pʋwɛɛ se ɖɩcaɣ ɖɛ-ɛsɛ yɔɔ nɛ ɖɩwɛnɩ ɖɛ-ɛsɛ camɩyɛ.

1 Timootee 6:9

Ɛlɛ́, mbá pacaɣ se pɛkɛ ñɩm tɩnaa yɔ, pasʋʋ takʋʋ taa nɛ kaamʋʋ kpa-wɛ. Pe-liu wɛ kɩmɛlɛndʋ ndʋ́ tɩwɛɛkɩɣ-wɛ yɔ. Ńdʋ́ sʋzʋʋnɩ-wɛ asayʋʋ taa.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

1 Pɩyɛ 1:14

Ɩña Ɛsɔ ɛzɩ piya nzɩ́ sɩñaŋ sɩ-caa yɔ. Iyele mbʋ́ mi-liu kɛwɛ alɩwaatʋ ndʋ́ ɩtasɩmdɩ-ɩ yɔ.

2 Pɩyɛ 2:14

Halaa acɛyɛ tɩnaa yɔɔ ɖeke pa-lɩmaɣza wɛɛ. Paañɩɣzɩɣ kɩwɛɛkɩm labʋ kpem. Pepeɣziɣ mbá pɛfɛyɩ ɖoŋ Ɛsɔ nʋmɔʋ taa yɔ nɛ pasʋzʋʋ-wɛ kɩwɛɛkɩm taa. Liidiye cazʋʋ lɩmaɣza suni pa-taa. Ɛsɔ wɩlɩ-wɛ kpalʋʋ.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

1 Yohanɛɛsɩ 2:16

Mbʋ́ pɩtɩŋa pʋwɛ kɔ-yɔɔ yɔ, ḿbʋ́ yɔ: kɩdɛkɛdɩm mbʋ́ ɛyáa sɔɔlɩ labʋ yɔ, ɛsɛ naɣnaɣ nɛ ñɩm yɔɔ tɩ kpazʋʋ. Pɩtɩŋa payɩ pɩlɩnɩ kedeŋa yɔɔ, pɩtɛkɛ Caa Ɛsɔ cɔlɔ pɩlɩnaa.

1 Yohanɛɛsɩ 2:8

Paa ḿbʋ́, tɔm ndʋ́ mamaɣ-mɩ yɔ, tɩkɛ paɣtʋ kɩfatʋ. Mbʋ́ pʋyɔɔ yɔ, cɩkpɛndʋʋ ɖɔŋ ɖɛʋ nɛ ñalɩmɩyɛ ñapazɩ ñalʋʋ: ńɖɩ́ lɛ toovenim mbʋ́ pʋwɛ mɩ nɛ Yesu Krɩstʋ mɩ-taa yɔ.