Efɛɛzɩ 2:20 - New Testament

²⁰ Mɩ lɛ ɖɩɣa ŋgá Yesu tiyiyaa nɛ náyaa pɛkɛ ke-kiɖe yɔ ko-kolonzi. Krɩstʋ Yesu maɣmaɣ lɛ pɩyɛ nɖɩ́ ɖɩkɩlɩ wazaɣ yɔ.

Efɛɛzɩ 2:20 ပူးပေါင်းရင်းမြစ်များ

Maatiyee 16:18

Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Maatiyee 21:42

Peeɖe ɛpɔzɩ-wɛ se: «Ɩtakalɩ tɔm ndʋ́ pama Ɛsɔtɔm Takayaɣ taa yɔ kaʋ yaa we? Ńdʋ́ lɛ se: ‹Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ atɩŋa payɩ lɛɛlɛɛyɔ. Kɩpaɣlʋ labɩna ḿbʋ́. Asaaa! Pʋwɛ ɖeu kpem!›

1 Kɔrɛntɩ 12:28

Krɩstʋ tiyiyaa Ɛsɔ calɩnɩ lɩzʋʋ Yesu ŋgbɛyɛ taa. Pa-wayɩ lɛ, náyaa, paba wayɩ lɛ, wɩlɩyaa. Pʋwayɩ lɛ, ɛla lɛlaa kʋjɔŋ ndɩ ndɩ: ḿbá lɛ mbá palakɩ hama lakasɩ nɛ mbá peyeki se kʋdɔndɩnaa yɔɔ ɛcɛ yɔ nɛ mbá pasɩŋnɩ lɛlaa nɛ mbá pɔcɔŋnɩ lɛlaa yɔɔ yɔ nɛ mbá pɔyɔɔdʋʋ kʋnʋmɩŋ ndɩ ndɩ yɔ.

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

Efɛɛzɩ 3:5

Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

Koloosi 2:7

Ɩka lila ɛ-yɔɔ nɛ ɩpaɣlɩ nɛ ɩtɛzɩ pɩʋ mi-lidaʋ wɛnaʋ taa ɛzɩ pawɩlʋʋ-mɩ yɔ. Đɔɖɔ lɛ, ɩsam-ɩ siŋŋ.

1 Pɩyɛ 2:6

Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Ɩnaɣ! Malɩzɩ pɩyɛ nɖɩ́ ɖɩkɩlɩ wazaɣ yɔ nɛ mansɩɩ-ɖɩ Siiyɔɔ tɛtʋ taa se ɖɩkɛ pɩyɛ sɔsɔɖɛ. Weyi ɛwɛɣnɩ lidaʋ ɖɩ-yɔɔ yɔ, ɛɛkaɣ fɛyɛ tɔɔʋ.»

Wɩlʋʋ 21:14

Tɛtʋ ńdʋ́, ti-koloŋa kɛwɛnɩ tigila hiu nɛ naalɛ, pama a-yɔɔ Heɣa tiyiyaa hiu nɛ naalɛ hɩla.