Efɛɛzɩ 2:18 - New Testament

¹⁸ Mbʋ́ pʋyɔɔ yɔ, ɛ-yɔɔ pɩtɩŋnaa nɛ pɩha Yuda ñɩma nɛ mbá pɛtɛkɛ Yuda ñɩma yɔ waɖɛ se paa weyi ɛtɩŋnɩ Fezuu Kiɖeɖeu yɔɔ nɛ ewolo Caa cɔlɔ. Fezuu Kiɖeɖeu kʋɖʋmʋʋ kɔŋ wɛna.

Efɛɛzɩ 2:18 ပူးပေါင်းရင်းမြစ်များ

Maatiyee 28:19

Iwolo ajɛya kpeekpe taa ɛyáa cɔlɔ nɛ ɩla nɛ papɩsɩ mɔn-tɔmkpɛlɩkɩyaa nɛ ɩlabɩ-wɛ lɩm sɔʋ sɔnzɩ Caa Ɛsɔ nɛ ɛ-Pɩyalʋ nɛ e-Fezuu Kiɖeɖeu pa-hɩɖɛ taa.

Yohanɛɛsɩ 10:7

Yesu tasɩ yɔɔdʋʋ se: «Toovenim lɛ, mankaɖɩɣ-mɩ se ma lɛ heŋ kaɖaɣ nɔnɔɔ.

Yohanɛɛsɩ 10:9

Ma lɛ nɔnɔɔ. Weyi ɛtɩŋɩɣnɩ mɔ-yɔɔ nɛ ɛsʋʋ yɔ, pɩyakɩ ɛ-ñʋʋ. Ɛpɩzɩɣ ɛsʋʋ nɛ ɛlɩɩ nɛ ehiɣ tɔɔnaɣ.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Room 5:2

Ɛ-yɔɔ pɩtɩŋnaa nɛ ɖɩpɩzɩ ɖɩwɛnɩ lidaʋ Ɛsɔ yɔɔ nɛ pɩha-ɖʋ waɖɛ se ɖɩtɩlɩ lootiye nɖɩ́ ɛlabɩ-ɖʋ nɛ ɖɩhaɣ-ɖʋ ɖoŋ yɔ. Pʋ-yɔɔ ɖɩkʋndʋʋ nɛ ɖɩtaɣ liu se ɖa nɛ Ɛsɔ ɛnʋ ɖɩkɔŋ wɛʋ e-koboyaɣ taa.

Room 8:15

Mbʋ́ pʋyɔɔ yɔ, Fezuu ŋgʋ́ Ɛsɔ ha-mɩ yɔ, kɩtɛkɛ ŋgʋ́ kɩpɩsɩɣ-mɩ yomaa nɛ kiyeki se sɔɔndʋ ɛtasɩ-mɩ kpaʋ yɔ. Ɛlɛ́, ŋ́gʋ́ lɛ e-Fezuu ŋgʋ́ kɩpɩsɩɣ-mɩ e-piya nɛ kɩhaɣ paa ɖa-taa weyi waɖɛ se ɛ́yáa-ɩ se: «Man-Caa!» yɔ.

1 Kɔrɛntɩ 12:13

Mbʋ́ pʋyɔɔ yɔ, Fezuu Kiɖeɖeu kʋɖʋmʋʋ ŋ́gʋ́ kɩ-yɔɔ pɩtɩŋnaa nɛ pala ɖatɩŋa payɩ lɩm sɔʋ sɔnzɩ nɛ ɖɩpɩsɩ tomnaɣ kʋɖʋmaɣ. Paa ɖɩkɛ Yuda ñɩma yaa mbá pɛtɛkɛ Yuda ñɩma yɔ, yaa yomaa yaa mbá pɛwɛ pa-tɩ yɔɔ yɔ, ɖatɩŋa payɩ Fezuu kʋɖʋmʋʋ ŋ́gʋ́ kɩ-lɩm ɖɩñɔwa.

1 Kɔrɛntɩ 8:6

Paa ḿbʋ́ yɔ, ɖa ɖanawa se Ɛsɔ kʋɖʋm koŋ wɛna. Ɛnʋ lɛ ɖa-Caa. Ɛnʋ labɩnɩ pɩtɩŋa payɩ, ɛnʋ tɩnɩ-ɖʋ ɖe-wezuu caɣʋ taa. Kɩpaɣlʋ kʋɖʋm koŋ ɖɔɖɔ ɖɩwɛna. Ɛnʋ lɛ Yesu Krɩstʋ weyi Ɛsɔ tɩŋnɩ ɛ-yɔɔ nɛ ɛla mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ. Ɛnʋ hanɩ-ɖʋ wezuu.

Galaatɩ 4:6

Mbʋ́ pɩwɩlɩɣ se ɖɩkɛ e-piya siŋŋ yɔ lɛ se eyeba nɛ ɛ-Pɩyalʋ Fezuu sʋʋ ɖa-taa nɛ kɩyɔɔdʋʋ se: «Man-Caa!»

Efɛɛzɩ 3:12

Ɛ-yɔɔ pɩtɩŋɩɣnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ pɩhaɣ-ɖʋ waɖɛ se ɖiwolo Ɛsɔ cɔlɔ kaalɛyɩtʋ.

Efɛɛzɩ 3:14

Tɔm ńdʋ́, tɩ-yɔɔ moluŋuu ma-nɩmbɔla yɔɔ Caa Ɛsɔ tɛɛ.

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Efɛɛzɩ 6:18

Đɔɖɔ lɛ, ɩtɩŋnɩ Fezuu Kiɖeɖeu yɔɔ nɛ ɩsɛɛ-ɩ nɛ itendi-i alɩwaatʋ tɩŋa pɩtɩŋa pɩ-taa. Ɩtaaɖoo pʋ-yɔɔ, ɩñaɣ pana nɛ itendi-i ɛ-ñɩma tɩŋa yɔɔ.

Koloosi 1:12

ɩsa Caa nɛ laŋhʋlʋmɩyɛ. Ɛnʋ yebina se mɩ nɛ ɛ-ñɩma ɩtayɩ ñɩm mbʋ́ ɛñɔɔzaa nɛ ɛsɩɩ-wɛ ñalɩmɩyɛ taa yɔ.

Ebree 7:19

Toovenim lɛ, Mooyiizi paɣtʋ teɖezi nabʋyʋ Ɛsɔ ɛsɩndaa. Ɛlɛ́, Ɛsɔ lɛɣzɩ tu-lone taa liu taʋ mbʋ́ pɩkɩlɩ-tʋ ɖeu siŋŋ yɔ. Ḿbʋ́ haɣnɩ-ɖʋ waɖɛ se ɖɩñɔtɩnɩ-ɩ.

Yakubu 3:9

Nzʋlʋmɩyɛ ńɖɩ́ ɖɩsaŋnɩ ɖa-Kɩpaɣlʋ Caa Ɛsɔ. Ńɖɩ́ ɖɔɖɔ ɖɩwɩlɩɣnɩ lɛlaa kpalʋʋ, ŋgʋ́, Ɛsɔ labɩ-wɛ ɛzɩ ɛ-maɣmaɣ ɛwɛʋ yɔ:

1 Pɩyɛ 1:17

Alɩwaatʋ ndʋ́ ɩsɛɣ Ɛsɔ yɔ, ɩyaɣ-ɩ se Caa. Pʋ-yɔɔ lɛ, pʋwɛɛ se ɩñam-ɩ mbʋ́ pɩtɩŋa payɩ ɩlakɩ yɔ pɩ-taa mi-wezuu caɣʋ taa kedeŋa yɔɔ cɩnɛ. Mbʋ́ pʋyɔɔ yɔ, mɩ-Caa Ɛsɔ hʋʋnɩ ɛyáa tɩŋa payɩ mbʋ́ palaba yɔ pʋ-yɔɔ. Ɛɛcɔŋnɩ nɔɔyʋ ɛsɩndaa nɛ pʋcɔ ɛhʋʋnɩ-ɩ.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

Yuudi 1:20

Mɛ-ɛgbaɣdɩnaa! Mɩ lɛ, ɩñaɣ pana nɛ ɩtɛzɩ pɩʋ lidaʋ kɩbaŋgʋ ŋgʋ́ Ɛsɔ yeba se ɩwɛnɩ ɛ-yɔɔ yɔ kɩ-taa. Ɩsɛɛ Ɛsɔ nɛ e-Fezuu Kiɖeɖeu ɖoŋ.