Efɛɛzɩ 2:15 - New Testament

¹⁵ Ɛtɩŋnɩ ɛ-maɣmaɣ ɛ-yɔɔ nɛ ɛlɩzɩ paɣtʋ nɛ mbʋ́ pʋwɛ tɩ-taa yɔ pu-ɖoŋ. Ḿbʋ́ yebina nɛ laŋhɛzɩyɛ wɛɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa. Ḿbʋ́ ɛpɩsɩ patɩŋa ɛyʋ kʋɖʋm, pʋdʋ kɛ kɩfalʋ.

Efɛɛzɩ 2:15 ပူးပေါင်းရင်းမြစ်များ

2 Kɔrɛntɩ 5:17

Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

Galaatɩ 3:10

Mbá patɩŋa payɩ pamaɣzɩɣ se pehikiɣ ñʋʋ yabʋ se pɔɖɔŋ Yuda ñɩma paɣtʋ yɔɔ yɔ, Ɛsɔ wɩlɩɣ-wɛ kpalʋʋ. Pʋ-yɔɔ pama Ɛsɔtɔm Takayaɣ taa se: «Yee nɔɔyʋ ɛɛɖɔŋ mbʋ́ pɩwɛ paɣtʋ takayaɣ taa yɔ pɩtɩŋa payɩ pʋ-yɔɔ yɔ, Ɛsɔ ɛwɩlɩ pʋdʋ kpalʋʋ.»

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Galaatɩ 6:15

Paa pɛpɛlɩ nɔɔyʋ yaa pɛtɛpɛlɩ-ɩ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ se: ɖɩkɛ ɛyáa kɩfama.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 2:14

Mbʋ́ pʋyɔɔ yɔ, ɛ-yɔɔ ɖɩwɛ laŋhɛzɩyɛ taa. Ɛnʋ yɔkɩnɩ koloŋa ŋgá kaawɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele pala nɔɔ kʋɖʋmaɣ. Koloŋa ŋ́gá lɛ koyindiye.

Efɛɛzɩ 2:16

Đɔɖɔ lɛ, eyeba nɛ pa nɛ Ɛsɔ peceɣ nɛ papɩsɩ kʋɖʋm. Kʋñɔŋ ŋgʋ́ ɛtɔwaa nɛ ɛkɔɔ ɛsɩ kaamaŋkaɣ yɔɔ yɔ, kʋ-yɔɔ ɛtɩŋnaa nɛ eɖezi koyindiye ḿbʋ́.

Efɛɛzɩ 4:16

Ɛ-yɔɔ pɩtɩŋɩɣna nɛ e-tomnaɣ hɔɔlɩŋ tɩŋa kpɛndɩ camɩyɛ nɛ paa hɔɔlʋʋ ŋgʋ́ kɩpaɣlɩɣ ɛzɩ pʋpɔzʋʋ yɔ. Nɛ yee tomnaɣ ŋ́gá, kɔ-hɔɔlɩŋ tɩŋa ɩlakɩ a-tʋmɩyɛ ɛzɩ pʋpɔzʋʋ yɔ yɔ, kɛwɛɣ kɛtɛzɩɣ kpaʋ ɖoŋ sɔɔlɩm taa.

Koloosi 2:14

Ɛkpaɣ takayaɣ ŋgá pama ka-taa kɩwɛɛkɩm mbʋ́ paɣtʋ wɩlaa se ɖɩlaba yɔ nɛ ɛkam-kɛ kaamaŋkaɣ yɔɔ nɛ eɖizini-kɛ.

Koloosi 2:20

Mɩ nɛ Krɩstʋ ɩsɩbɩna nɛ pɩlɩzɩ-mɩ kedeŋa yɔɔ cɩnɛ ɖoŋ nesi taa. Yee ḿbʋ́ lɛ, pɩlabɩ ɛzɩma nɛ ɩɖaɣnɩɣ wezuu caɣʋ ɛzɩ kedeŋa yɔɔ cɩnɛ ñɩma nɛ iyeki mɩ-tɩ nɛ paɖʋʋ-mɩ paɣtʋ se:

Koloosi 3:10

nɛ ɩlɛɣzɩ kɩfatʋ. Ńdʋ́ wɛɣnɩ lɛɣzʋʋ yɔɔ ḿbʋ́ nɛ ɩkɔɔ ɩtɛzɩ tɩlʋʋ pɩtɩŋa payɩ. Ḿbʋ́ weyi ɛma-mɩ yɔ, ɛwɛɛ.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.

Koloosi 3:15

Iyele nɛ Krɩstʋ laŋhɛzɩyɛ la tʋmɩyɛ mɩ-laŋa taa, mbʋ́ pʋyɔɔ yɔ, ɖɩ-tɔm taa Ɛsɔ ya-mɩ nɛ ɩkpɛndɩ ɖama nɛ ɩpɩsɩ ɛyʋ kʋɖʋm. Pʋ-yɔɔ lɛ, ɩwɛnɩ ɛsɩmɩyɛ.

Ebree 7:16

Pɩtɛkɛ paɣtʋ ndʋ́ ɛyáa ɖʋwa yɔ ńdʋ́ hanɩ-ɩ waɖɛ se ɛpɩsɩ cɔjɔ. Ɛlɛ́, wezuu ŋgʋ́ kɩfɛyɩ tɩnaɣ yɔ, ku-ɖoŋ taa ɛkɛ ḿbʋ́.

Ebree 8:13

Ɛsɔ yɔɔdʋʋ nɔɔ haʋ kɩfam tɔm ḿbʋ́ yɔ, pɩwɩlɩɣ se kajalaɣ ñɩmbʋ pɩnaa. Ŋgʋ́, mbʋ́ pɩpɩnaa nɛ pɩkpadɩyɩ yɔ, pɩwɩzɩ mʋʋ́ʋ.

Ebree 9:23

Yee ḿbʋ́, ḿbʋ́ pʋwɛɛ se pañalɩ mbʋ́ pɩwɩlɩɣ ɛzɩma mbʋ́ pɩlakɩ ɛsɔdaa yɔ nɛ pʋwɛɛ cɩɖɩcɩɖɩ. Ɛlɛ́, mbʋ́ pʋwɛ ɛsɔdaa yɔ, pʋpɔzʋʋ-pʋ kɩlaŋ weyi ɩkɩlɩ ḿbʋ́ yɔ.