Efɛɛzɩ 2:14 - New Testament

¹⁴ Mbʋ́ pʋyɔɔ yɔ, ɛ-yɔɔ ɖɩwɛ laŋhɛzɩyɛ taa. Ɛnʋ yɔkɩnɩ koloŋa ŋgá kaawɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele pala nɔɔ kʋɖʋmaɣ. Koloŋa ŋ́gá lɛ koyindiye.

Efɛɛzɩ 2:14 ပူးပေါင်းရင်းမြစ်များ

Luka 1:79

Ñalɩmɩyɛ ńɖɩ́ ɖɩñalɩɣ mbá pɛwɛ cɩkpɛndʋʋ taa se pɛtɛŋnɩ sɩm yɔ pɔ-yɔɔ. Đɩhɔŋ-ɖʋ ɖɔɖɔ nɛ ɖiwoni laŋhɛzɩyɛ nʋmɔʋ taa.»

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Yohanɛɛsɩ 10:16

Mɛwɛnɩ ɖɔɖɔ heŋ lɛɛŋ, ɩfɛyɩ kaɖaɣ kanɛ ka-taa. Pʋwɛɛ se menɖiyi-i ɖɔɖɔ. Ɩkɔŋ nɩʋ mɔ-nɔɔ nɛ ɩkpɛndɩ ɩnɛ ɩ-yɔɔ nɛ ɩpɩsɩ tikaɣ kʋɖʋmaɣ nɛ ninɖiɣyu kʋɖʋm ɖiyi-i.

Yohanɛɛsɩ 11:52

Ɛlɛ́, pɩtɛkɛ pe-ɖeke pɔ-yɔɔ ɛsɩkɩ. Pɩɩwɛɛ se ɛsɩ ḿbʋ́ nɛ ɛkpɛndɩ Ɛsɔ piya mbá pamɩzɩ ɖama paa le yɔ nɛ papɩsɩ ɛyʋ kʋɖʋm.

Yohanɛɛsɩ 16:33

Meheyi-mɩ tɔm ńdʋ́ tɩtɩŋa payɩ se ɩwɛɛ laŋhɛzɩyɛ taa ma nɛ mɩ ɖɛ-kpɛndʋʋ taa. Ɩkɔŋ nɩʋ siziŋ kedeŋa yɔɔ cɩnɛ. Ɛlɛ́, ɩɖɔkɩ mɩ-tɩ kpam! Mbʋ́ pʋyɔɔ yɔ, mɛntɛm kɔ-yɔɔ ɖoŋ tɩŋa wabʋ!»

Tʋma Labʋ 10:28

Peeɖe Pɩyɛ heyi-wɛ se: «Ɩtɛm sɩm se pɩtaha Yuda tʋ nʋmɔʋ se ɛ nɛ ɛgɔm nɔɔyʋ paɖʋ taabalɩyɛ yaa ɛsʋʋ pʋdʋ tɛ. Ɛlɛ́, Ɛsɔ ñeheyi-m se mantaakpaɣ nɔɔyʋ se ɛtɛkɛ kɩbanʋ yaa ɛfɛyɩ cɩɖɩcɩɖɩ se powolo ɛ-tɛ.

Tʋma Labʋ 10:36

Ɩtɩlɩ se Ɛsɔ tiyini Yesu Krɩstʋ se ɛkɔɔ eheyi Izrɛɛlɩ ñɩma Laŋhɛzɩyɛ Tɔm. Yesu Krɩstʋ ɛnʋ lɛ ɛyáa tɩŋa payɩ Kɩpaɣlʋ.

Room 5:1

Đe-lidaʋ yɔɔ pɩtɩŋnaa nɛ Ɛsɔ pɩsɩ-ɖʋ kʋtʋʋzaa. Pʋ-yɔɔ pɩtɩŋnɩ ɖa nɛ ɖa-Kɩpaɣlʋ Yesu Krɩstʋ ɖɛ-kpɛndʋʋ yɔɔ nɛ ɖa nɛ ɩ pʋwɛɛ leleŋ.

Galaatɩ 3:28

Tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, yomaa nɛ mbá pɛtɛkɛ yomaa yɔ, nɛ halaa nɛ abalaa, pɛ-hɛkʋ taa. Mbʋ́ pʋyɔɔ yɔ, mɩtɩŋa payɩ ɩpɩsɩ kʋɖʋm, mɩ nɛ Krɩstʋ Yesu mɩ-kpɛndʋʋ taa.

Efɛɛzɩ 2:15

Ɛtɩŋnɩ ɛ-maɣmaɣ ɛ-yɔɔ nɛ ɛlɩzɩ paɣtʋ nɛ mbʋ́ pʋwɛ tɩ-taa yɔ pu-ɖoŋ. Ḿbʋ́ yebina nɛ laŋhɛzɩyɛ wɛɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa. Ḿbʋ́ ɛpɩsɩ patɩŋa ɛyʋ kʋɖʋm, pʋdʋ kɛ kɩfalʋ.

Efɛɛzɩ 2:17

Ɛkɔm kedeŋa yɔɔ nɛ esusi Laŋhɛzɩyɛ Tɔm mbá mɩ iiposini Ɛsɔ yɔ nɛ Yuda ñɩma mbá paba kɔñɔtɩnɩ-ɩ yɔ ɖɔɖɔ.

Efɛɛzɩ 3:15

Ɛnʋ ɖɔkɩnɩ ɛsɔdaa ñɩma nɛ tataa ñɩma patɩŋa payɩ.

Efɛɛzɩ 4:16

Ɛ-yɔɔ pɩtɩŋɩɣna nɛ e-tomnaɣ hɔɔlɩŋ tɩŋa kpɛndɩ camɩyɛ nɛ paa hɔɔlʋʋ ŋgʋ́ kɩpaɣlɩɣ ɛzɩ pʋpɔzʋʋ yɔ. Nɛ yee tomnaɣ ŋ́gá, kɔ-hɔɔlɩŋ tɩŋa ɩlakɩ a-tʋmɩyɛ ɛzɩ pʋpɔzʋʋ yɔ yɔ, kɛwɛɣ kɛtɛzɩɣ kpaʋ ɖoŋ sɔɔlɩm taa.

Koloosi 1:20

Ɛ-yɔɔ ɖɔɖɔ Ɛsɔ tɩŋnaa nɛ eyele se ɛ nɛ mbʋ́ pɩtɩŋa pʋwɛ tataa nɛ ɛsɔdaa yɔ, peceɣ. Calɩm mbʋ́ ɛ-Pɩyalʋ ɛnʋ ɛkpɛdɩ kaamaŋkaɣ yɔɔ yɔ, pʋ-yɔɔ ɛtɩŋnaa nɛ ɛla ḿbʋ́ nɛ ɛkɔnɩ laŋhɛzɩyɛ.

Koloosi 2:20

Mɩ nɛ Krɩstʋ ɩsɩbɩna nɛ pɩlɩzɩ-mɩ kedeŋa yɔɔ cɩnɛ ɖoŋ nesi taa. Yee ḿbʋ́ lɛ, pɩlabɩ ɛzɩma nɛ ɩɖaɣnɩɣ wezuu caɣʋ ɛzɩ kedeŋa yɔɔ cɩnɛ ñɩma nɛ iyeki mɩ-tɩ nɛ paɖʋʋ-mɩ paɣtʋ se:

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.

Koloosi 3:15

Iyele nɛ Krɩstʋ laŋhɛzɩyɛ la tʋmɩyɛ mɩ-laŋa taa, mbʋ́ pʋyɔɔ yɔ, ɖɩ-tɔm taa Ɛsɔ ya-mɩ nɛ ɩkpɛndɩ ɖama nɛ ɩpɩsɩ ɛyʋ kʋɖʋm. Pʋ-yɔɔ lɛ, ɩwɛnɩ ɛsɩmɩyɛ.

Ebree 13:20

Ɛsɔ lɛ laŋhɛzɩyɛ tʋ. Mentendiɣ-i se ɛtɩŋnɩ calɩm mbʋ́ ɖa-Kɩpaɣlʋ Yesu kpɛdaa nɛ piyele nɔɔ haʋ wɛɛ tam yɔ pʋ-yɔɔ nɛ efezi-i nɛ sɩɖaa taa. Yesu ɛnʋ lɛ heŋ ɖiyiyu sɔsɔ.

Ebree 7:2

Peeɖe ɛ́lɛ́ tayɩ ɛ-ñɩm tɩŋa tam hiu nɛ ɛcɛlɩ-ɩ pʋ-hɔɔlʋʋ kʋɖʋmʋʋ. Mɛlkisedɛɛkɩ tɔbʋʋ se: «Toovenim wiyaʋ.» Đɔɖɔ lɛ, ɛkɛ Saalɛm wiyaʋ. Pʋbʋ tɔbʋʋ se: «Laŋhɛzɩyɛ wiyaʋ.»