Efɛɛzɩ 2:12 - New Testament

¹² Alɩwaatʋ ńdʋ́ tɩ-taa lɛ, ɩtaakɛ Krɩstʋ ñɩma. Pɩtaaha-mɩ waɖɛ nɖɩ́ Izrɛɛlɩ ñɩma wɛna yɔ. Ɩtaatɩlɩ nɔsɩ haʋ mbʋ́ Ɛsɔ ɖʋ ɛ nɛ wɛ pɛ-hɛkʋ taa yɔ. Đɔɖɔ lɛ, ɩɩwɛ kedeŋa yɔɔ yem: ɩtaaɖaŋ pʋyʋ, Ɛsɔ taawɛɛ mɩ-cɔlɔ.

Efɛɛzɩ 2:12 ပူးပေါင်းရင်းမြစ်များ

Luka 1:72

Ḿbʋ́ ɛlakɩ ɖɔ-cɔzɔnaa ɛ-camɩyɛ lakasɩ nɛ ɛtɔzɩ ɛ-nɔɔ haʋ yɔɔ.

Yohanɛɛsɩ 10:16

Mɛwɛnɩ ɖɔɖɔ heŋ lɛɛŋ, ɩfɛyɩ kaɖaɣ kanɛ ka-taa. Pʋwɛɛ se menɖiyi-i ɖɔɖɔ. Ɩkɔŋ nɩʋ mɔ-nɔɔ nɛ ɩkpɛndɩ ɩnɛ ɩ-yɔɔ nɛ ɩpɩsɩ tikaɣ kʋɖʋmaɣ nɛ ninɖiɣyu kʋɖʋm ɖiyi-i.

Yohanɛɛsɩ 15:5

Ma lɛ tɩʋ ŋgʋ́ popuu ki-pee sʋlʋm yɔ nɛ mɩ lɛ pilinzi. Weyi ma nɛ ɩ ɖɩkpɛndɩ ɖama tam yɔ, ɛwɛɣ wazaɣ siŋŋ. Mbʋ́ pʋyɔɔ yɔ, pɩtɛkɛ mɔ-yɔɔ yɔ, ɩɩpɩzɩɣ ɩla pʋyʋ.

Yohanɛɛsɩ 4:22

Samaarɩɩ ñɩma mɩ! Ɩɩsɩŋ Ɛsɔ weyi ɛ-tɛɛ iluŋuu yɔ. Đa Yuda ñɩma lɛ, ɖɩsɩm weyi ɛ-tɛɛ ɖiluŋuu yɔ: ɖɛ-hɛkʋ taa ñʋʋ yaɖʋ lɩɣna.

Tʋma Labʋ 2:39

Mbʋ́ pʋyɔɔ yɔ, mɩ nɛ mi-piya nɛ mbá patɩŋa pɛwɛ poliŋ yɔ: mɩtɩŋa payɩ mbá Kɩpaɣlʋ Ɛsɔ kɔŋ yaʋ yɔ, ɛɖʋwa se ɛlakɩ kʋjɔʋ ŋ́gʋ́.»

Tʋma Labʋ 28:20

Pʋ-yɔɔ maya-mɩ se mɔyɔɔdɩnɩ-mɩ, mbʋ́ pʋyɔɔ yɔ, mbʋ́ Izrɛɛlɩ ñɩma taɣ liu yɔ, pʋ-yɔɔ paɖɩ-m yoŋgbasɩ sɩnɛ.»

Tʋma Labʋ 3:25

Mbʋ́ Ɛsɔ ɖʋwa se ɛtɩŋɩɣnɩ náyaa yɔɔ nɛ ɛla yɔ, mɩtɩnɩ-pʋ. Mbʋ́ ɛɖʋwa se ɛlakɩ mɩ-cɔzɔnaa alɩwaatʋ ndʋ́ ɛha-wɛ nɔɔ yɔ, mɩtɩnɩ-pʋ ɖɔɖɔ. Mbʋ́ pʋyɔɔ yɔ, eeheyi Abraham se: ‹Matɩŋɩɣnɩ ñe-liɖe taa ñɩma yɔɔ nɛ mawazɩ kedeŋa yɔɔ ɛyáa kpeekpe yɔɔ.›

Room 9:8

Pʋ-tɔbʋʋ se pɩtɛkɛ Abraham piya tɩŋa lɛ Ɛsɔ piya, mbʋ́ pʋyɔɔ yɔ, Ɛsɔ tɔm se e-piya maɣmaɣ lɛ nzɩ́ palʋlɩ-sɩ ɛzɩ ɛɖʋʋ yɔ.

Galaatɩ 4:8

Đooo lɛ, ɩtaasɩ Ɛsɔ nɛ ɩkɛ agɔlɩma yomaa. Ŋgʋ́, atɛkɛ Ɛsɔ.

Efɛɛzɩ 2:19

Pʋ-yɔɔ lɛ, ɩtatasɩ kɛʋ agɔmaa yaa nʋmɔɖɔnaa. Ɛlɛ́, mɩ nɛ Ɛsɔ ñɩma ɩwɛ ɛjaɖɛ kʋɖʋmɖɩyɛ taa, ɩkɛ ɛ-hɔʋ taa ñɩma.

Efɛɛzɩ 4:18

Pɛwɛ cɩkpɛndʋʋ tɛɛ, paasɩŋ wezuu ŋgʋ́ Ɛsɔ haɣ yɔ, pa-laŋkpɩzɩyɛ yɔɔ lɛ, pɛwɛ kaatɩlɩtʋ taa.

Koloosi 1:21

Đooo lɛ, mɩ ɖɔɖɔ mɩ nɛ Ɛsɔ mɩ-hɛkʋ taa katayaa nɛ ɩkɛ e-koyindinaa mɩ-lɩmaɣza kɩdɛkɛdɛɛ nɛ mɩ-ɛzaɣ́tʋ lakasɩ pɔ-yɔɔ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

1 Tesalooniki 4:13

Taabalaa! Sɩɖaa tɔm taa lɛ, ɖe-liu fɛyɩ se ɩwɛɛ kaatɩlɩtʋ taa nɛ piyele mɩ-ɛsɛ kɔɔ añɩŋ ɛzɩ lɛlaa mbá paataɣ pʋyʋ liu yɔ.

1 Tesalooniki 4:5

Ɛtaayele ɛ-tɩ nɛ pɩɖɛnɩ-ɩ lɩmaɣza kɩdɛkɛdɛɛ taa ɛzɩ mbá paañaŋ Ɛsɔ yɔ.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

1 Timootee 1:1

Ma Pɔɔlɩ, ɖa-ñʋʋ yaɖʋ Ɛsɔ nɛ Krɩstʋ Yesu weyi ɖɩtaɣ liu yɔ pahanɩ-m nɔɔ se mɛnkɛ Krɩstʋ Yesu tiyiyu.

Ebree 11:34

nɛ peɖezi miŋ sɔsɔŋ. Pesewa nɛ patʋlɩ, patakʋ-wɛ nɛ sɩɣa. Paakɛ ajamaa nɛ pʋwayɩ lɛ, pakpa ɖoŋ. Paawɛ abalɩtʋ you taa nɛ pawa sɔɔjanaa agɔmaa nɛ pɔɖɔɔnɩ-wɛ.

Ebree 6:18

Paapɩzɩɣ pɛlɛɣzɩ lakasɩ ńzɩ́ sɩ-naalɛ kaʋ. Ɛsɔ ɛɛpɩzɩɣ ɛcɛtɩnɩ sɩ-taa. Pʋ-yɔɔ lɛ, mbá ɖa ɖihiɣ ɖɩcɔzɩyɛ Ɛsɔ cɔlɔ yɔ, pɩlakɩ-ɖʋ hʋnʋm siŋŋ se ɖɩtaa liu mbʋ́ ɛɖʋwa se ɛhaɣ-ɖʋ yɔ.

Ebree 8:6

Ɛlɛ́ lɛɛlɛɛyɔ, paɖʋ Krɩstʋ tʋmɩyɛ nɖɩ́ ɖɩkɩlɩ pa-ñɩna yɔ. Mbʋ́ pʋyɔɔ yɔ, ɛnʋ lɛ ceyiyu nɔɔ haʋ mbʋ́ pɩkɩlɩ ɖeu nɛ pʋwɛɛ Ɛsɔ nɛ ɛyáa pɛ-hɛkʋ taa yɔ pɩ-taa. Halɩ mbʋ́ Ɛsɔ ɖʋwa se ɛlakɩ nɔɔ haʋ ḿbʋ́ pɩ-taa yɔ, pɩkɩlɩ ɖeu.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Pɩyɛ 1:3

Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.

1 Pɩyɛ 3:15

Ɛlɛ́, ɩɖʋ mɩ-taa se Krɩstʋ lɛ Kɩpaɣlʋ nɛ ɩɖʋ-ɩ hɩɖɛ. Ɩɖaŋ kpam nɛ yee nabɛyɛ ɩpɔzɩ-mɩ se pɩlabɩ ɛzɩma nɛ ɩtaɣ-ɩ liu lɛ,

1 Yohanɛɛsɩ 3:3

Weyi ɛtaɣ-ɩ liu ḿbʋ́ yɔ, ɛñɔɔzʋʋ ɛ-tɩ nɛ ɛwɛɛ cɩɖɩcɩɖɩ ɛzɩ Yesu Krɩstʋ ɛnʋ ɛwɛʋ yɔ.