Efɛɛzɩ 2:11 - New Testament

¹¹ Pʋ-yɔɔ lɛ, ɩtɔzɩ se: ɖooo lɛ, mbá mɩ ɩtɛkɛ Yuda ñɩma yɔ, Yuda ñɩma niɣzaɣ-mɩ se ɩkɛ kɩtɛpɛlɩŋ. Ŋgʋ́, pɛlʋʋ wɛʋ yɔ, tomnaɣ yɔɔ yem pɛpɛlɩɣ-pʋ.

Efɛɛzɩ 2:11 ပူးပေါင်းရင်းမြစ်များ

Maatiyee 20:7

Peeɖe paba cosi-i se: ‹Nɔɔyʋ takpaɣ-ɖʋ se ɖɩlabɩ-ɩ tʋmɩyɛ.› Ɛlɛ́, eheyi-wɛ se: ‹Yee ḿbʋ́ ɩtɩŋ lɛlaa wayɩ ma-hayɩm taa.›

Room 11:17

Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.

Room 2:26

Pʋ-yɔɔ lɛ, yee weyi pɛtɛpɛlɩ-ɩ yɔ ɛɖɔŋ paɣtʋ yɔɔ yɔ, Ɛsɔ kpakɩɣ-ɩ ɛzɩ weyi pɛpɛlɩ-ɩ yɔ.

Room 2:27

Weyi pɛtɛpɛlɩ-ɩ tomnaɣ yɔɔ nɛ ɛɖɔŋ paɣtʋ yɔɔ yɔ, ɛkɔŋ wɩlʋʋ weyi ña pɛpɛlɩ-ŋ tomnaɣ yɔɔ nɛ ŋsɩ paɣtʋ camɩyɛ nɛ ŋŋɖɔŋ tɩ-yɔɔ yɔ se ñɔ-tɔm sɩba.

1 Kɔrɛntɩ 12:2

Ɩtɛm sɩm ɛzɩma mbʋ́ pʋhɔŋaɣ-mɩ nɛ ɩtɩŋɩɣ sɩʋ kpelisi nzɩ́ sɩɩyɔɔdʋʋ yɔ sɩ-wayɩ yem ɖimɖim alɩwaatʋ ndʋ́ ɩtaañaŋ Krɩstʋ yɔ.

1 Kɔrɛntɩ 6:11

Ḿbʋ́ mɩ-taa lɛlaa lakaɣ. Ɛlɛ́ lɛɛlɛɛyɔ, Ɛsɔ ñalɩ mɩ-kɩwɛɛkɩm nɛ ɛpɩsɩ-mɩ ɛ-ñɩma nɛ pɩtɩŋnɩ e-Fezuu Kiɖeɖeu yɔɔ nɛ ɩkɛ kʋtʋʋzaa ɛ-ɛsɩndaa Kɩpaɣlʋ Yesu Krɩstʋ yɔɔ.

Galaatɩ 2:15

Đa lɛ, Yuda ñɩma liɖe taa palʋlɩ-ɖʋ. Đɩfɛyɩ ɛzɩ lila lɛɛna taa ñɩma. Paba ñaaɖɔŋ Ɛsɔ paɣtʋ yɔɔ.

Galaatɩ 6:12

Mbá patɩŋa payɩ pe-liu wɛɛ se payaa-wɛ se kɩbama yɔ, ḿbá cɛyɩɣnɩ-mɩ se pʋwɛɛ se pɛpɛlɩ-mɩ. Palakɩ ḿbʋ́ kpem se ɛyáa ɛtaawɛɛ pa-wayɩ kaŋ kaŋ. Yee posusuu Krɩstʋ sɩbʋ kaamaŋkaɣ yɔɔ yɔ pʋ-tɔm yɔ, pʋbʋ, pɛwɛɣ pa-wayɩ kaŋ kaŋ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 5:8

Toovenim lɛ, ɖooo lɛ ɩɩkɛ cɩkpɛndʋʋ tɛɛ ñɩma. Ɛlɛ́, lɛɛlɛɛyɔ ɩkɛ ñalɩmɩyɛ taa ñɩma mɩ nɛ Kɩpaɣlʋ mɩ-kpɛndʋʋ yɔɔ. Pʋ-yɔɔ lɛ, ɩɖɔ ɛzɩ ñalɩmɩyɛ taa ñɩma yɔ.

Filiipu 3:3

Mbʋ́ pʋyɔɔ yɔ, ɖɛkɛnɩ mbá pɛpɛlɩ-wɛ siŋŋ yɔ, pɩtɛkɛ ḿbá. Fezuu Kiɖeɖeu yɔɔ ɖɩtɩŋɩɣna nɛ ɖiluŋuu ɛ-tɛɛ nɛ ɖɩkʋndʋʋnɩ Yesu Krɩstʋ. Đɩɩtaɣ tomnaɣ yɔɔ pɛlʋʋ.

Koloosi 1:21

Đooo lɛ, mɩ ɖɔɖɔ mɩ nɛ Ɛsɔ mɩ-hɛkʋ taa katayaa nɛ ɩkɛ e-koyindinaa mɩ-lɩmaɣza kɩdɛkɛdɛɛ nɛ mɩ-ɛzaɣ́tʋ lakasɩ pɔ-yɔɔ.

Koloosi 2:11

Mɩ nɛ ɩ mɩ-kpɛndʋʋ ḿbʋ́ pɩ-taa pɛpɛlɩ-mɩ. Pɛtɛpɛlɩ-mɩ ɛzɩ ɛyáa pɛlʋʋ yɔ, ɛlɛ́, pɛpɛlɩ-mɩ ɛzɩ Krɩstʋ ɖʋʋ yɔ. Ḿbʋ́ lɛ se ɩsɛtɩ mɩ-kɩwɛɛkɩm nɛ ɩlɔ.

Koloosi 2:13

Đooo lɛ, ɩɩkɛ sɩɖaa mɩ-kɩwɛɛkɩm yɔɔ. Ɩɩkɛ ɖɔɖɔ sɩɖaa mbʋ́ pʋyɔɔ yɔ, pataapɛlɩ-mɩ. Ɛlɛ́, lɛɛlɛɛyɔ Ɛsɔ tɩŋnɩ Krɩstʋ yɔɔ nɛ ɛha-mɩ wezuu: ekpeɣ-ɖʋ ɖa-kɩwɛɛkɩm tɩŋa payɩ.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.