Efɛɛzɩ 2:10 - New Testament

¹⁰ Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 2:10 ပူးပေါင်းရင်းမြစ်များ

Maatiyee 5:16

Ḿbʋ́ pʋmʋnaa se mɩ-ñalɩmɩyɛ ɛñalɩ ɛyáa ɛsɩndaa nɛ pana mɩ-camɩyɛ lakasɩ nɛ pasa mɩ-Caa weyi ɛwɛ ɛsɔdaa yɔ.»

Yohanɛɛsɩ 3:21

Ɛlɛ́, weyi ɛlakɩ toovenim yɔ, ɛlɩɣ ñalɩmɩyɛ taa se ɛyáa ɛna se mbʋ́ ɛlakɩ yɔ, pɩlɩnɩ Ɛsɔ cɔlɔ.»

Tʋma Labʋ 9:31

Krɩstʋ ŋgbɛyɛ taa ñɩma kɛwɛ laŋhɛzɩyɛ taa Yudee nɛ Galilee nɛ Samaarɩɩ pa-ageeta hɔɔlɩŋ tɩŋa taa. Pɛtɛzaɣ pɩʋ nɛ pañaŋ Kɩpaɣlʋ nɛ Fezuu Kiɖeɖeu sɩŋnɩ-wɛ nɛ pɛtɛzɩɣ ɖɔʋ.

Tʋma Labʋ 9:36

Halʋ nɔɔyʋ kɛwɛ Yopee tɛtʋ taa, payaɣ-ɩ se Tabɩɩta. Pɛɖɛzɩɣ hɩɖɛ ńɖɩ́ nɛ Grɛɛkɩ ñɩma kʋnʋŋ taa se: «Dɔɔrkaasɩ.» Pʋ-tɔbʋʋ se nɛnzɛm. Ɛɛkɛ Krɩstʋ wayɩ tɩŋɩyʋ nɛ ɛlakɩ camɩyɛ pɩtɩɩfɛyɩ nɛ ɛsɩŋnɩ kʋñɔndɩnaa.

Room 8:1

Tɔm ńdʋ́ tɩtɩŋa tɩ-yɔɔ lɛ, lɛɛlɛɛyɔ paatasɩɣ kʋʋ mbá pa nɛ Krɩstʋ Yesu palabɩ nɔɔ kʋɖʋmaɣ yɔ pɔ-tɔm kaʋ.

Room 8:29

Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

2 Kɔrɛntɩ 5:17

Đɔɖɔ lɛ, yee nɔɔyʋ nɛ Krɩstʋ pɛkpɛndaa yɔ, pʋdʋ pɩsɩ ɛyʋ kɩfalʋ. Mbʋ́ pɩɩkɛ kɩbɩm yɔ, pɩɖɛwa nɛ kɩfam kɔɔ.

2 Kɔrɛntɩ 5:5

Ɛsɔ maɣmaɣ ɖʋna se pɩlɛɣzɩ-ɖʋ ḿbʋ́. Ɛha-ɖʋ e-Fezuu Kiɖeɖeu. Ḿbʋ́ wɩlɩɣnɩ-ɖʋ se ɛhaɣ-ɖʋ ɛ-ñɩm lɛɛbʋ ɖɔɖɔ.

2 Kɔrɛntɩ 9:8

Ɛsɔ pɩzɩɣ ɛha-mɩ pɩtɩŋa payɩ nɛ pɩkɩlɩ. Peeɖe ɩwɛɣnɩ mbʋ́ pɩtɩŋa payɩ pʋpɔzʋʋ-mɩ yɔ alɩwaatʋ tɩŋa nɛ ɩlabɩnɩ tʋma kɩbana sakɩyɛ.

Galaatɩ 6:15

Paa pɛpɛlɩ nɔɔyʋ yaa pɛtɛpɛlɩ-ɩ yɔ, pɩfɛyɩ wazaɣ nakɛyɛ. Ɛlɛ́, mbʋ́ pʋwɛ wazaɣ yɔ lɛ se: ɖɩkɛ ɛyáa kɩfama.

Efɛɛzɩ 1:1

Ma Pɔɔlɩ weyi pɩkɛdɩnɩ Ɛsɔ nɛ eyele se mɛnkɛ Krɩstʋ Yesu tiyiyu yɔ, mamaɣnɩ takayaɣ kanɛ. Ɛsɔ ñɩma mbá mɩ ɩwɛ Efɛɛzɩ nɛ ɩtɩŋɩɣ Krɩstʋ Yesu nʋmɔʋ yɔ mamaɣ-kɛ.

Efɛɛzɩ 1:4

Kpɛndʋʋ ḿbʋ́, pɩ-taa Ɛsɔ lɩzɩ-ɖʋ se ɖɩkɛ ɛ-ñɩma nɛ pataana kɩwɛɛkɩm nabʋyʋ ɖɔ-yɔɔ. Ɛɛlɩzɩ-ɖʋ nɛ pʋcɔ ɛla kedeŋa. Ɛsɔɔlɩ-ɖʋ yɔɔ

Efɛɛzɩ 2:13

Ɛlɛ́, lɛɛlɛɛyɔ mɩ nɛ Krɩstʋ Yesu mɩ-kpɛndʋʋ yɔɔ lɛ, mbá mɩ iiposini Ɛsɔ yɔ, ɩñɔtɩnɩ-ɩ. Krɩstʋ calɩm mbʋ́ pɩkpɛdaa yɔ, pʋ-yɔɔ pɩtɩŋnaa.

Efɛɛzɩ 2:15

Ɛtɩŋnɩ ɛ-maɣmaɣ ɛ-yɔɔ nɛ ɛlɩzɩ paɣtʋ nɛ mbʋ́ pʋwɛ tɩ-taa yɔ pu-ɖoŋ. Ḿbʋ́ yebina nɛ laŋhɛzɩyɛ wɛɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa. Ḿbʋ́ ɛpɩsɩ patɩŋa ɛyʋ kʋɖʋm, pʋdʋ kɛ kɩfalʋ.

Efɛɛzɩ 2:2

Ɩcakaɣ wezuu kɩwɛɛkɩm taa ɛzɩ pʋwɛʋ kedeŋa yɔɔ cɩnɛ yɔ nɛ ɩñaŋ ɛsɔdaa nɛ tataa pɛ-hɛkʋ taa ɖoŋ wiyaʋ. Wiyaʋ ɛnʋ lɛ Satanɩ. Ɛnʋ seɣtiɣni mbá paañaŋ Ɛsɔ yɔ lɛɛlɛɛyɔ.

Efɛɛzɩ 2:6

Toovenim lɛ Ɛsɔ kpɛndɩ ɖa nɛ ɩ fezuu nɛ ɛcaɣzɩ-ɖʋ ɛsɔdaa ɖa nɛ Krɩstʋ Yesu ɛnʋ ɖɛ-kpɛndʋʋ taa.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 4:24

nɛ ɛkɛ ɛyʋ kɩfalʋ. Ɛsɔ ma-ɩ ɛzɩ ɛ-maɣmaɣ yɔ nɛ ɛtʋʋzɩ nɛ ɛwɛɛ cɩɖɩcɩɖɩ ɛzɩ pɩwɛʋ toovenim taa yɔ.

Filiipu 1:6

Manawa se paa pɩɩla ɛzɩma yɔ, Ɛsɔ weyi ɛpazɩ tʋmɩyɛ kɩbanɖɛ mɩ-taa yɔ, ɛlakɩ-ɖɩ ḿbʋ́ nɛ ɛkɔɔ ɛtɛm-ɖɩ kɩyakʋ ŋgʋ́ Krɩstʋ Yesu kɔŋ yɔ.

Filiipu 2:13

Toovenim lɛ, Ɛsɔ yekina se itisi nɛ ɩla tʋmɩyɛ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ.

Koloosi 1:10

Pʋbʋ, ɩɖɔŋ Kɩpaɣlʋ ɛsɩndaa ɛzɩ pʋmʋnaʋ yɔ nɛ pɩkɛdɩnɩ-ɩ pɩtɩŋa pɩ-taa. Peeɖe ɩlakɩ tʋma kɩbana ndɩ ndɩ nɛ ɩtɛzɩ Ɛsɔ tɩlʋʋ kpem.

Koloosi 3:10

nɛ ɩlɛɣzɩ kɩfatʋ. Ńdʋ́ wɛɣnɩ lɛɣzʋʋ yɔɔ ḿbʋ́ nɛ ɩkɔɔ ɩtɛzɩ tɩlʋʋ pɩtɩŋa payɩ. Ḿbʋ́ weyi ɛma-mɩ yɔ, ɛwɛɛ.

2 Tesalooniki 2:17

pɛhɛzɩ mɩ-laŋa nɛ peyele ɩtɛzɩ kpaʋ ɖoŋ nɛ ɩla mbʋ́ pɩtɩŋa pʋwɛ ɖeu yɔ mɩ-lakasɩ nɛ mɩ-yɔɔdaɣ pa-taa.

1 Timootee 2:10

Ɛlɛ́, pala tʋma kɩbana ɛzɩ pʋmʋnaʋ se halaa mbá pɔtɔŋ pa-tɩ se pañaŋ Ɛsɔ yɔ pala yɔ.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

1 Timootee 5:25

Ḿbʋ́ ɖɔɖɔ pʋwɛɛ, panaɣ ɖɔɖɔ tʋma kɩbana kaŋŋ. Paa patana naayɛ kpaagbaa yɔ, aawɛɣ mɛsaɣ tɛɛ tam ḿbʋ́.

1 Timootee 6:18

Heyi-wɛ ɖɔɖɔ se pala tʋma kɩbana. Palabɩ-yɛ sakɩyɛ nɛ pasɩnɩ lɛlaa, pahanɩ hɔ kɩbana.

2 Timootee 2:21

Ḿbʋ́ pʋwɛnɩ ɛyáa: yee nɔɔyʋ eyebi azuluma lakasɩ yɔ, ɛwɛɣ ɛzɩ ñanaɣ ŋgá paɖʋʋ ka-taa mbʋ́ pʋwɛ wazaɣ yɔ. Pɛkɛzɩɣ-ɩ nɛ hɔɔlʋʋ se ɛkɛ ɛ-caa ñɩnʋ nɛ ɛwɛɛ-ɩ wazaɣ. Ɛwɛɛ se palabɩnɩ-ɩ paa tʋmɩyɛ kɩbanɖɛ nɖɩ́.

2 Timootee 3:17

Pɩlakɩ ḿbʋ́ se Ɛsɔ ɛyʋ ɛtɛzɩ pɩʋ nɛ ɛwɛnɩ mbʋ́ ɛɛlabɩnɩ paa tʋmɩyɛ kɩbanɖɛ nɖɩ́ yɔ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Tiiti 3:1

Tɔzɩ Krɩstʋ ñɩma se pʋwɛɛ se poluzi pa-tɩ mbá pɔcɔŋnɩ ajɛya yɔɔ yɔ nɛ ñʋndɩnaa pɛ-tɛɛ. Pʋwɛɛ se pañam-wɛ nɛ paɖaŋ se pala paa tʋmɩyɛ kɩbanɖɛ nɖɩ́.

Tiiti 3:14

Pʋwɛɛ ɖɔɖɔ se ɖa-taa ñɩma ɛkpɛlɩkɩ ɛzɩma mbʋ́ paaka pa-ñʋŋ nɛ pala tʋma kɩbana ɛzɩ pʋpɔzʋʋ yɔ nɛ papɩzɩ pala ɛyáa mbʋ́ pʋpɔzʋʋ-wɛ yɔ. Ḿbʋ́ yekina nɛ paakɛɣ mbá pɛfɛyɩ wazaɣ yɔ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 10:24

Đɩmaɣzɩ ɖama yɔɔ nɛ pɩlabɩ-ɖʋ hʋnʋm nɛ ɖɩtɛzɩ ɖama sɔɔlʋʋ nɛ ɖɩla tʋma kɩbana.

Ebree 13:21

Ɛsɔ ɛnʋ, eyele nɛ ɩpɩzɩ ɩla mbʋ́ pɩtɩŋa payɩ pʋwɛ ɖeu yɔ nɛ piyele ɩla mbʋ́ e-liu wɛɛ yɔ. Mentendiɣ-i ɖɔɖɔ se ɛtɩŋnɩ Yesu Krɩstʋ yɔɔ nɛ ɛñɔɔzɩ ɖa-laŋa taa ɛzɩ pɩkɛdɩnaʋ-ɩ yɔ. Yesu Krɩstʋ ɛwɛɛ koboyaɣ taa tam! Pɩla ḿbʋ́!

1 Pɩyɛ 2:12

Ɩwɛnɩ wɛtʋ kɩbandʋ mbá paañaŋ Ɛsɔ yɔ pɔ-cɔlɔ. Yee ɩlabɩ ḿbʋ́ yɔ, paa pakʋyʋʋ mɩ-yɔɔ se ɩkɛ kɩdɛkɛdɩm laɖaa yɔ, pɩkɛɣnɩ-wɛ kɩcɛyʋʋ nɛ pɔyɔɔdɩnɩ pɔ-nɔɔ se ɩlabɩ camɩyɛ nɛ pasa Ɛsɔ kɩyakʋ ŋgʋ́ ɛkɔŋ yɔ.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 2:6

weyi ɛkaɖɩɣ kpayɩ se ɛ nɛ Ɛsɔ pɛkpɛndaa yɔ, pʋwɛɛ se pʋdʋ ɛcaɣ wezuu ɛzɩ Yesu Krɩstʋ caɣʋ yɔ.