Efɛɛzɩ 1:9 - New Testament

⁹ Pɩkɛdɩnɩ-ɩ nɛ eyele nɛ ɖɩtɩlɩ mbʋ́ ɛɛɖʋwa se ɛlakɩ nɛ pʋwɛɛ mɛsaɣ tɛɛ yɔ. Ɛ nɛ Krɩstʋ pɛ-kpɛndʋʋ taa ɛɛɖʋwa se ɛlakɩ-pʋ.

Efɛɛzɩ 1:9 ပူးပေါင်းရင်းမြစ်များ

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Luka 12:32

Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Tʋma Labʋ 13:48

Mbá pɛtɛkɛ Yuda ñɩma yɔ, panɩ-tʋ ḿbʋ́ lɛ, pa-taa labɩ-tʋ nɛ leleŋ pɩŋŋ nɛ pɔtɔ se Kɩpaɣlʋ tɔm wɛ ɖeu. Peeɖe mbá patɩŋa pɩɩwɛɛ se pehiɣ wezuu maatɛŋ yɔ, pɛwɛnɩ lidaʋ Yesu yɔɔ.

Tʋma Labʋ 2:23

Ɛnʋ paɖʋzɩ mi-nesi taa ɛzɩ Ɛsɔ kamaɣzʋʋ nɛ ɛɖʋ ɖooo lɔŋ yɔ nɛ ɩtɩŋnɩ mbá paaɖɔŋ paɣtʋ yɔɔ nɛ pakam-ɩ kaamaŋkaɣ yɔɔ yɔ pɔ-yɔɔ nɛ ɩkʋ-ɩ nɛ ɛsɩ.

Tʋma Labʋ 4:28

Ḿbʋ́ palabɩ mbʋ́ ŋmaɣzaa nɛ ŋɖʋ ɖooo lɔŋ nɛ ño-ɖoŋ yɔ.

Room 11:25

Man-taabalaa, mancaɣ se mawɩlɩ-mɩ mbʋ́ pɩɩwɛ mɛsaɣ tɛɛ yɔ nɛ ɩtaakpaɣ mɩ-tɩ se ɩkɛ lɔŋsɩnɖaa: Izrɛɛlɩ ñɩma lɛlaa tamaa, paapɩzɩɣ panɩɩ. Ɛlɛ́, pɛwɛɣ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ mbá Ɛsɔ lɩzɩ mbá pɛtɛkɛ Yuda ñɩma yɔ pa-taa yɔ patɩŋa payɩ pehiɣ ñʋʋ yabʋ yɔ.

Room 8:28

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

Galaatɩ 1:12

Pɩtɛkɛ ɛyʋ nɔɔyʋ kɛdɩnɩ-m-tʋ yaa nɔɔyʋ kpɛlɩkɩnɩ-m-tʋ, ɛlɛ́, Yesu Krɩstʋ maɣmaɣ wɩlɩnɩ-m-tʋ.

Galaatɩ 1:15

Ɛlɛ́, Ɛsɔ ya-m. Pʋcɔ palʋlɩ-m lɛ, ɛɛtɛm-m lɩzʋʋ nɛ ɛlabɩ-m lootiye nɛ ɛya-m se mala ɛ-tʋmɩyɛ. Alɩwaatʋ ndʋ́ pɩmaɣ-ɩ

Galaatɩ 1:16

se ɛlɩzɩɣ ɛ-Pɩyalʋ ɛwɩlɩ-m nɛ meheyi mbá pɛtɛkɛ Yuda ñɩma yɔ ɛ-Pɩyalʋ ɛnʋ ɛ-tɔm lɛ, mɔntɔpɔzɩ nɔɔyʋ se ɛtasɩ-m tɔm natʋyʋ.

Efɛɛzɩ 1:11

Đa nɛ ɩ ɖɛ-kpɛndʋʋ taa Ɛsɔ ha-ɖʋ pɩtɩŋa payɩ. Pʋ-yɔɔ ɛɛlɩzɩ-ɖʋ ɖooo lɔŋ. Ɛlakɩ pɩtɩŋa payɩ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ

Efɛɛzɩ 1:8

Ɛtɩŋnɩ ɛ-lɔŋsɩnɖɛ nɛ ɛ-lɛɣtʋ pɔ-yɔɔ nɛ ɛlabɩ-ɖʋ-ɖɩ pɩtɩɩfɛyɩ.

Efɛɛzɩ 3:11

Ḿbʋ́ ɛɛɖʋ ɖooo lɔŋ se ɛlakɩ nɛ ɛtɩŋnɩ Krɩstʋ Yesu yɔɔ nɛ ɛlabɩ-pʋ. Ɛnʋ lɛ ɖa-Kɩpaɣlʋ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.