Efɛɛzɩ 1:7 - New Testament

⁷ Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Efɛɛzɩ 1:7 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 26:28

Sʋlʋm pʋnɛ lɛ man-calɩm mbʋ́ pɩkpɛdɩɣ ɛyáa sakɩyɛ yɔɔ se Ɛsɔ ɛpɩzɩ ekpeɣ-wɛ pa-kɩwɛɛkɩm yɔ. Pʋ-yɔɔ ɛtɩŋɩɣna nɛ ɛɖʋ nɔɔ haʋ.

Maatiyee 6:12

Kpeɣ-ɖʋ ɖa-kɩwɛɛkɩm ɛzɩ ɖikpeɣu ɖɔɖɔ mbá payʋsɩnɩ-ɖʋ yɔ.

Maarkɩ 14:24

Ɛlɛ́, eheyi-wɛ se: «Sʋlʋm pʋnɛ lɛ man-calɩm mbʋ́ pɩkpɛdɩ ɛyáa sakɩyɛ yɔɔ yɔ. Pʋ-yɔɔ Ɛsɔ tɩŋɩɣna nɛ ɛɖʋ nɔɔ haʋ.»

Luka 1:77

ŋwɩlɩ ɛ-ɛjaɖɛ taa ñɩma ɖa se ɛkɔŋ-ɖʋ kpeɣu ɖa-kɩwɛɛkɩm nɛ ɛya ɖa-ñʋʋ.

Luka 24:47

Pʋwɛɛ ɖɔɖɔ se posusini ɛ-nɔɔ ajɛya kpeekpe taa ɛyáa se pɛlɛɣzɩ wɛtʋ nɛ Ɛsɔ kpeɣ-wɛ pa-kɩwɛɛkɩm. Ɛlɛ́, pʋwɛɛ se papazɩnɩ Yeruusalɛm.

Yohanɛɛsɩ 20:23

Mbá ikpeɣiɣ-wɛ pa-kɩwɛɛkɩm yɔ, Ɛsɔ kpeɣiɣ-wɛ ɖɔɖɔ. Mbá iikpeɣiɣ paba yɔ, eekpeɣiɣ-wɛ ɖɔɖɔ.»

Tʋma Labʋ 10:43

Náyaa tɩŋa lɩzɩ ɛ-aseɣɖe se: weyi ɛwɛɣnɩ lidaʋ ɛ-yɔɔ yɔ, pɩtɩŋɩɣnɩ ɛ-yɔɔ nɛ Ɛsɔ kpeɣ pʋdʋ ɛ-kɩwɛɛkɩm.»

Tʋma Labʋ 2:38

Ɛ́lɛ́ cosi-wɛ se: «Ɩlɛɣzɩ wɛtʋ nɛ pala paa mɩ-taa weyi lɩm sɔʋ sɔnzɩ Yesu Krɩstʋ hɩɖɛ taa nɛ pekpeɣ-mɩ mɩ-kɩwɛɛkɩm. Peeɖe Ɛsɔ haɣ-mɩ e-Fezuu Kiɖeɖeu.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Tʋma Labʋ 3:19

Pʋ-yɔɔ lɛ, ɩlɛɣzɩ wɛtʋ nɛ ɩpɩsɩnɩ Ɛsɔ yɔɔ nɛ ekpeɣ-mɩ mɩ-kɩwɛɛkɩm.

Room 2:4

Yaa ŋniŋ Ɛsɔ camɩyɛ lakasɩ sɔsɔsɩ nɛ ɛzɩma mbʋ́ eyeki ɛyáa nɛ ɛɛhɔŋ pa-nɩŋgbaaŋ yɔ nɛ ɛ-hɔyɛ ɖɔkʋʋ pɔ-yɔɔ yaa we? Ŋtatɩlɩ se ɛ-camɩyɛ lakasɩ ńzɩ́ pʋwɛɛ se siyele nɛ ŋlɛɣzɩ wɛtʋ naa we?

Room 3:24

Ɛlɛ́, Ɛsɔ lakɩ-wɛ lootiye nɛ ɛpɩsɩ-wɛ kʋtʋʋzaa falaa yem. Mbʋ́ pʋyɔɔ yɔ, Krɩstʋ Yesu ha ɛ-tɩ nɛ pɩya pa-ñʋʋ.

Room 3:25

Ɛnʋ Ɛsɔ ɖʋwa se pɛkpɛdɩ ɛ-calɩm nɛ pɩtɩŋnɩ pʋ-yɔɔ nɛ ɛñalɩ mbá patɩŋa payɩ pɛwɛnɩ lidaʋ ɛ-yɔɔ yɔ, pa-kɩwɛɛkɩm. Ḿbʋ́ ɛwɩlɩnɩ ɛzɩma mbʋ́ ɛtʋʋzaa yɔ. Ɛɖɔkɩ ɛ-hɔyɛ ɖooo lɔŋ nɛ ɛtɔhɔ mbá paalabɩ kɩwɛɛkɩm yɔ pa-nɩŋgbaaŋ. Ɛñɩnɩɣ se ɛwɩlɩ ɛzɩma mbʋ́ ɛtʋʋzaa yɔ alɩwaatʋ tʋnɛ tɩ-taa nɛ paa weyi ɛsɩm-ɩ ḿbʋ́ nɛ ɛkpɛndɩ ɛpɩsɩ weyi ɛwɛnɩ lidaʋ Yesu yɔɔ yɔ kʋtʋʋzʋ.

Room 9:23

Ɛcaɣaɣ ɖɔɖɔ se ɛwɩlɩ ɛzɩma mbʋ́ e-koboyaɣ paɣlaa yɔ. Ɛ nɛ mbá ɛna pa-pʋtɔdɩyɛ yɔ, pɛwɛɣnɩ ka-taa. Ɛlɩzɩ-wɛ ɖooo lɔŋ se pasʋʋ ka-taa.

1 Kɔrɛntɩ 1:30

Ŋgʋ́, Ɛsɔ kpɛndɩ mɩ nɛ Krɩstʋ Yesu. Ɛsɔ ɛnʋ eyebina se ɛkɛ ɖɔ-lɔŋsɩnɖɛ. Ɛ-yɔɔ Ɛsɔ tɩŋnaa nɛ ɛpɩsɩ-ɖʋ kʋtʋʋzaa nɛ ɖɩpɩsɩ ɛ-ñɩma nɛ ɛya ɖa-ñʋʋ.

2 Kɔrɛntɩ 8:9

Mbʋ́ pʋyɔɔ yɔ, ɩsɩm lootiye nɖɩ́ Kɩpaɣlʋ Yesu Krɩstʋ labɩ-ɖʋ yɔ. Ɛnʋ weyi ɛɛkɛ ñɩm tʋ yɔ, ɛpɩsɩ ɛ-tɩ kʋñɔndʋ mɩ-yɔɔ se pɩtɩŋnɩ ɛ-kʋñɔndʋtʋ yɔɔ nɛ ɩkɛ ñɩm tɩnaa.

Efɛɛzɩ 1:14

Ŋ́gʋ́ wɩlɩɣnɩ ɖɔɖɔ se ɛhaɣ-ɖʋ ñɩm mbʋ́ ɛɛñɔɔzaa se ɛcɛlɩɣ-ɖʋ puwiye nɖɩ́ eholuu mbá ehiɣa se pasa e-koboyaɣ yɔ.

Efɛɛzɩ 1:18

Mentendiɣ-i ɖɔɖɔ se ekuli mɩ-lɩmaɣza yɔɔ nɛ ɩtɩlɩ mbʋ́ ɛya-mɩ se ɩɖaŋ kpam yɔ nɛ ɛzɩma mbʋ́ ɛ-ñɩm koboyaɣ ɖewa pɩtɩɩfɛyɩ yɔ. Ḿbʋ́ ɛsɩ ɛ-ñɩma.

Efɛɛzɩ 1:6

Ɛlabɩ ḿbʋ́ se ɖɩsam-ɩ lootiye koboyaɣ ñɩnɖɛ nɖɩ́ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ yɔ ɖɩ-yɔɔ.

Efɛɛzɩ 1:8

Ɛtɩŋnɩ ɛ-lɔŋsɩnɖɛ nɛ ɛ-lɛɣtʋ pɔ-yɔɔ nɛ ɛlabɩ-ɖʋ-ɖɩ pɩtɩɩfɛyɩ.

Efɛɛzɩ 2:4

Ɛlɛ́, ɛnaɣ ɛyáa pʋtɔdɩyɛ pɩŋŋ, ɛsɔɔlɩ-ɖʋ kámaɣ́ fɛyɩ.

Efɛɛzɩ 2:7

Ḿbʋ́ wɩlɩɣnɩ e-lootiye cee wayɩ. Ńɖɩ́ kɩlɩnɩ pɩtɩŋa payɩ. Đa nɛ Krɩstʋ Yesu ɖɛ-kpɛndʋʋ yɔɔ ɛkaɣ pɩzʋʋ nɛ ɛla camɩyɛ lakasɩ ńzɩ́.

Efɛɛzɩ 3:16

Mentendiɣ-i ḿbʋ́ se eyele nɛ pɩtɩŋnɩ e-Fezuu Kiɖeɖeu yɔɔ nɛ ɩkpa ɖoŋ siŋŋ mɩ-lɩmaɣza taa ɛzɩ e-koboyaɣ wɛʋ nɛ kɛfɛyɩ tɩnaɣ yɔ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Filiipu 4:19

Ɛzɩma mbʋ́ mɛ-Ɛsɔ wɛnɩ ñɩm siŋŋ yɔ, ḿbʋ́ ɖɔɖɔ ɛtɩŋɩɣnɩ Krɩstʋ Yesu yɔɔ nɛ ɛha-mɩ mbʋ́ pɩtɩŋa payɩ pɩtɛɖɩɣ-m yɔ.

Koloosi 1:14

Ɛ́lɛ́ holini-ɖʋ nɛ ɖa-kɩwɛɛkɩm taa nɛ ekpeɣ-ɖʋ-pʋ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 2:13

Đooo lɛ, ɩɩkɛ sɩɖaa mɩ-kɩwɛɛkɩm yɔɔ. Ɩɩkɛ ɖɔɖɔ sɩɖaa mbʋ́ pʋyɔɔ yɔ, pataapɛlɩ-mɩ. Ɛlɛ́, lɛɛlɛɛyɔ Ɛsɔ tɩŋnɩ Krɩstʋ yɔɔ nɛ ɛha-mɩ wezuu: ekpeɣ-ɖʋ ɖa-kɩwɛɛkɩm tɩŋa payɩ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

1 Timootee 2:6

Ɛkpaɣ ɛ-maɣmaɣ ɛ-tɩ nɛ ɛhɛyɩ ɛyáa yɔɔ se puholi patɩŋa payɩ: ḿbʋ́ lɩzɩnɩ aseɣɖe alɩwaatʋ ndʋ́ Ɛsɔ ɖʋwa yɔ se Ɛsɔ ɛnʋ e-liu wɛɛ se ɛya ɛyáa tɩŋa payɩ ñʋʋ.

Tiiti 2:14

Ɛ-maɣmaɣ ɛha ɛ-tɩ se pɩlɩzɩ-ɖʋ kɩdɛkɛdɩm tɩŋa payɩ taa nɛ ɛpɩsɩ-ɖʋ ɛyáa mbá pɛwɛ cɩɖɩcɩɖɩ nɛ pɛkɛ e-ɖeke koŋ ɛ-ñɩma nɛ pɩlakɩ-wɛ hʋnʋm se pala tʋma kɩbana yɔ.

Tiiti 3:6

Mbʋ́ pʋyɔɔ yɔ, Ɛsɔ tɩŋnɩ ɖa-ñʋʋ yaɖʋ Yesu Krɩstʋ yɔɔ nɛ ɛha-ɖʋ e-Fezuu Kiɖeɖeu nɛ pʋwɛɛ ɛzɩ ehuuzi-kʋ ɖɔ-yɔɔ kuhuuzuu kpem yɔ.

Ebree 9:22

Paɖʋ paɣtʋ taa se calɩm ñalɩɣ wondu sakɩyɛ nɛ tɩwɛɛ cɩɖɩcɩɖɩ. Calɩm ɛtɛkpɛdɩ yɔ, kpeɣu ɛɛwɛɣ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Yohanɛɛsɩ 2:12

Men-piya! Mamaɣ-mɩ takayaɣ kanɛ se meheyi-mɩ tɔm tʋnɛ, mbʋ́ pʋyɔɔ yɔ, Ɛsɔ tɛm tɩŋnaʋ Yesu Krɩstʋ yɔɔ nɛ ekpeɣ-mɩ mɩ-kɩwɛɛkɩm.

1 Yohanɛɛsɩ 2:2

Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

1 Yohanɛɛsɩ 4:10

Mbʋ́ pɩwɩlɩɣ sɔɔlɩm ḿbʋ́ kpem yɔ lɛ se: ɛnʋ calɩnɩ-ɖʋ sɔɔlʋʋ nɛ etiyi ɛ-Pɩyalʋ se ɛkɔɔ ɛsɩ ɖɔ-yɔɔ nɛ ɛpɩzɩ ekpeɣ-ɖʋ ɖa-kɩwɛɛkɩm.

Wɩlʋʋ 14:4

Pɩtɛ ɛyáa ḿbá lɛ mbá petepisi pa-tɩ nɛ halaa yɔ, pototukuni-wɛ kaʋ. Paa Heɣa ewoki le yɔ, patɩŋɩɣ-kɛ. Payabɩ pa-ñʋʋ nɛ ɛyáa hɛkʋ taa se pɛkɛ ɛzɩ kajalaɣ kʋmtʋ ndʋ́ pahaɣ Ɛsɔ nɛ Heɣa yɔ.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.