Efɛɛzɩ 1:5 - New Testament

⁵ ɛɖʋ ɖooo lɔŋ se ɛtɩŋɩɣnɩ Yesu Krɩstʋ yɔɔ nɛ eyele ɖɩkɛ e-piya. Ḿbʋ́ e-liu wɛɛ, pɩkɛdɩnɩ-ɩ.

Efɛɛzɩ 1:5 ပူးပေါင်းရင်းမြစ်များ

Maatiyee 1:25

Ɛlɛ́, etotukini-i nɛ pʋkɔɔ pɩsɩɩnɩ alɩwaatʋ ndʋ́ ɛlʋlɩ ɛ-pɩɣa yɔ. Ɛlʋlɩ-kɛ lɛ, Yozɛɛfʋ ɛnʋ ɛ́yáa-kɛ se Yesu.

Maatiyee 11:26

Man-Caa! Ñɔsɔɔlɩna se pɩla ḿbʋ́ nɛ pɩla ɖɔɖɔ.»

Luka 10:21

Yesu yɔɔdaɣ ḿbʋ́ lɛ, Fezuu Kiɖeɖeu yele nɛ ɛ-laŋɩyɛ hʋlʋmɩ siŋŋ nɛ ɛtɔ se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋmɛsɩ ñɔ-tɔm lɔŋsɩnɖaa nɛ lɛɣsɩnɖaa nɛ ŋkuli tɩ-yɔɔ nɛ mbá pɛtɛkɛ pʋyʋ yɔ panɩɩ tɩ-tɔbʋʋ. Man-Caa! Ñɔsɔɔlɩna se pɩla ḿbʋ́ nɛ pɩla ɖɔɖɔ.»

Luka 12:32

Yesu tasɩ ɛ-tɔmkpɛlɩkɩyaa heyuu se: «Mbá mɩ ɩtɔɖɔɔ yɔ, ɩtaasɔɔndɩ. Mbʋ́ pʋyɔɔ yɔ, mɩ-Caa sɔɔlaa se ɩsʋʋ e-Kewiyaɣ taa.

Yohanɛɛsɩ 1:12

Piyele mbá patɩŋa payɩ pamʋ-ɩ nɛ pɛwɛnɩ lidaʋ ɛ-yɔɔ yɔ, ɛha-wɛ ɖoŋ se papɩsɩ Ɛsɔ piya.

Yohanɛɛsɩ 11:52

Ɛlɛ́, pɩtɛkɛ pe-ɖeke pɔ-yɔɔ ɛsɩkɩ. Pɩɩwɛɛ se ɛsɩ ḿbʋ́ nɛ ɛkpɛndɩ Ɛsɔ piya mbá pamɩzɩ ɖama paa le yɔ nɛ papɩsɩ ɛyʋ kʋɖʋm.

Yohanɛɛsɩ 20:17

Yesu heyi-i se: «Taalaɣzɩ-m, mbʋ́ pʋyɔɔ yɔ, mantakpadɩ man-Caa cɔlɔ. Ɛlɛ́, wolo ŋheyi mɛ-ɛgbaɣdɩnaa se mankpaɣ weyi ɛkɛ man-Caa nɛ ɛtɛ ɛkɛ mɛ-Ɛsɔ yɔ ɛ-cɔlɔ. Ɛnʋ ɖɔɖɔ lɛ mɩ-Caa nɛ mɩ-Ɛsɔ.»

Tʋma Labʋ 13:48

Mbá pɛtɛkɛ Yuda ñɩma yɔ, panɩ-tʋ ḿbʋ́ lɛ, pa-taa labɩ-tʋ nɛ leleŋ pɩŋŋ nɛ pɔtɔ se Kɩpaɣlʋ tɔm wɛ ɖeu. Peeɖe mbá patɩŋa pɩɩwɛɛ se pehiɣ wezuu maatɛŋ yɔ, pɛwɛnɩ lidaʋ Yesu yɔɔ.

Room 8:23

Pɩtasɩɩnɩ mbʋ́ ɛlaba yɔ pi-ɖeke. Ɛlɛ́, mbá ɖa ɛcalɩnɩ haʋ e-Fezuu Kiɖeɖeu nɛ kɩwɛɛ ɖɔ-cɔlɔ yɔ, ɖisisiɣ ɖɔɖɔ ɖa-taa nɛ ɖɩɖaŋ se Ɛsɔ ɛpɩsɩ-ɖʋ e-piya nɛ ɛya ɖa-ñʋʋ kpaagbaa kpem.

1 Kɔrɛntɩ 1:1

Ma Pɔɔlɩ lɛ, pɩkɛdɩnɩ Ɛsɔ nɛ ɛya-m se mɛnkɛ Krɩstʋ Yesu tiyiyu. Ma nɛ taabalʋ Sɔstɛɛnɩ ɖɩmaɣnɩ-mɩ takayaɣ kanɛ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

2 Kɔrɛntɩ 6:18

Kɩpaɣlʋ Đoŋ Tɩŋa Tʋ tasɩ yɔɔdʋʋ se: «Mɔnkɔŋ kɛʋ mɩ-Caa nɛ mɩkɛ man-pɩyalaa nɛ mɛn-pɛlaa.»

Galaatɩ 3:26

Mɩtɩŋa payɩ ɩkɛ Ɛsɔ piya: ɩwɛnɩ lidaʋ Krɩstʋ Yesu yɔɔ.

Efɛɛzɩ 1:11

Đa nɛ ɩ ɖɛ-kpɛndʋʋ taa Ɛsɔ ha-ɖʋ pɩtɩŋa payɩ. Pʋ-yɔɔ ɛɛlɩzɩ-ɖʋ ɖooo lɔŋ. Ɛlakɩ pɩtɩŋa payɩ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ

Efɛɛzɩ 1:9

Pɩkɛdɩnɩ-ɩ nɛ eyele nɛ ɖɩtɩlɩ mbʋ́ ɛɛɖʋwa se ɛlakɩ nɛ pʋwɛɛ mɛsaɣ tɛɛ yɔ. Ɛ nɛ Krɩstʋ pɛ-kpɛndʋʋ taa ɛɛɖʋwa se ɛlakɩ-pʋ.

Filiipu 2:13

Toovenim lɛ, Ɛsɔ yekina se itisi nɛ ɩla tʋmɩyɛ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ.

Koloosi 1:19

Mbʋ́ pʋyɔɔ yɔ, pɩkɛdɩnɩ Ɛsɔ nɛ eyele ɛ-maɣmaɣ ɛwɛɛ ɛ-Pɩyalʋ ɛnʋ ɛ-taa pilim.

2 Tesalooniki 1:11

Pʋ-yɔɔ ɖɩwɛɛ ɖɩsɛɣ ɖɛ-Ɛsɔ mɩ-yɔɔ se eyele nɛ ɩmʋnɩ mbʋ́ pʋ-yɔɔ ɛya-mɩ yɔ. Đɩsɛɣ-ɩ ɖɔɖɔ se ɛtɩŋnɩ e-ɖoŋ yɔɔ nɛ eyele ɩla camɩyɛ lakasɩ nzɩ́ sɩtɩŋa payɩ ɩɖʋwa yɔ nɛ ɩtɛzɩ wɛʋ kpekpeka mi-lidaʋ wɛnaʋ taa.

Ebree 2:4

Ɛsɔ ñatɩŋnɩ kawɩlɩsɩ nɛ hama lakasɩ ndɩ ndɩ pɔ-yɔɔ nɛ ɛwɩlɩ se tɔm ndʋ́ pɔyɔɔdaa yɔ, tɩkɛ toovenim. Đɔɖɔ lɛ, ɛtayɩ-wɛ e-Fezuu Kiɖeɖeu haɖɛ ɛzɩ ɛ-maɣmaɣ e-liu wɛʋ yɔ.

1 Yohanɛɛsɩ 3:1

Ɩna ɛzɩma mbʋ́ Caa Ɛsɔ sɔɔlɩ-ɖʋ kpem yɔ: ɛyaɣ-ɖʋ se e-piya. Toovenim ɖɔɖɔ lɛ, ɖɩkɛ e-piya. Ɛlɛ́, kedeŋa ñɩma tasɩm-ɖʋ, mbʋ́ pʋyɔɔ yɔ, patasɩm-ɩ.

Wɩlʋʋ 21:7

Weyi ɛwakɩ yɔ, malakɩ-ɩ kʋjɔʋ ŋ́gʋ́. Mɛnkɛɣ ɛ-Ɛsɔ nɛ ɛkɛ man-pɩɣa.