Efɛɛzɩ 1:4 - New Testament

⁴ Kpɛndʋʋ ḿbʋ́, pɩ-taa Ɛsɔ lɩzɩ-ɖʋ se ɖɩkɛ ɛ-ñɩma nɛ pataana kɩwɛɛkɩm nabʋyʋ ɖɔ-yɔɔ. Ɛɛlɩzɩ-ɖʋ nɛ pʋcɔ ɛla kedeŋa. Ɛsɔɔlɩ-ɖʋ yɔɔ

Efɛɛzɩ 1:4 ပူးပေါင်းရင်းမြစ်များ

Maatiyee 24:22

Yee Ɛsɔ ɛtaamaɣzɩ nɛ ɛpasɩ kʋñɔŋ kɩyakɩŋ ɩnʋ ɩ-yɔɔ ɛyáa mbá ɛlɩzɩ-wɛ se pɛkɛ ɛ-ñɩma yɔ pɔ-yɔɔ yɔ, nɔɔyʋ taawɛnɩ ɛ-ɛsɛ.

Maatiyee 24:24

Mbʋ́ pʋyɔɔ yɔ, mbá pɛcɛtɩɣ se ḿbá lɛ Mbá Ɛsɔ Lɩzaa Yɔ nɛ mbá paba ñɛcɛtɩɣ se pɛkɛ náyaa yɔ, pɔkɔŋ lɩʋ nɛ pawɩlɩ kawɩlɩsɩ sɔsɔsɩ nɛ pala hama lakasɩ sɔsɔsɩ nɛ halɩ yee papɩzɩɣ yɔ, pɛcɛtɩ mbá Ɛsɔ lɩzaa se pɛkɛ ɛ-ñɩma yɔ.

Maatiyee 24:31

Pɔkɔŋ yaʋ ɛgandɩyɛ sɔsɔɖɛ nɛ etiyi e-tiyiyaa kedeŋa kpeekpe yɔɔ nɛ pekpeɣli mbá patɩŋa payɩ Ɛsɔ lɩzaa se pɛkɛ ɛ-ñɩma yɔ.»

Maatiyee 25:34

Peeɖe eheyiɣ ɛ-nɩwaŋ yɔɔ ñɩma se: ‹Mbá mɩ man-Caa Ɛsɔ wazɩ mɩ-yɔɔ yɔ, ɩkɔɔ ɩtɔɔ Kewiyaɣ ŋgá ɛñɔɔzɩ-mɩ ɖooo alɩwaatʋ ndʋ́ ɛlabɩ kedeŋa yɔ.

Yohanɛɛsɩ 10:16

Mɛwɛnɩ ɖɔɖɔ heŋ lɛɛŋ, ɩfɛyɩ kaɖaɣ kanɛ ka-taa. Pʋwɛɛ se menɖiyi-i ɖɔɖɔ. Ɩkɔŋ nɩʋ mɔ-nɔɔ nɛ ɩkpɛndɩ ɩnɛ ɩ-yɔɔ nɛ ɩpɩsɩ tikaɣ kʋɖʋmaɣ nɛ ninɖiɣyu kʋɖʋm ɖiyi-i.

Yohanɛɛsɩ 15:16

Pɩtɛkɛ mɩlɩzɩnɩ-m, ɛlɛ́, ma malɩzɩnɩ-mɩ nɛ mentiyi-mɩ se iwolo ɩla tʋmɩyɛ nɛ ɩwɛnɩ wazaɣ nɛ kɛwɛɛ ḿbʋ́. Peeɖe man-Caa haɣ-mɩ mbʋ́ pɩtɩŋa payɩ ɩpɔzʋʋ-ɩ nɛ mɔ-nɔɔ yɔ.

Yohanɛɛsɩ 17:24

Caa! Ñaɖʋzɩnɩ-wɛ me-nesi taa. Me-liu wɛɛ se pɛwɛɛ ɖenɖe mɔnkɔŋ wɛʋ yɔ nɛ pana mon-koboyaɣ. Ñahanɩ-m-kɛ, mbʋ́ pʋyɔɔ yɔ, ŋŋsɔɔlɩ-m nɛ pʋcɔ ŋla kedeŋa.

Tʋma Labʋ 13:48

Mbá pɛtɛkɛ Yuda ñɩma yɔ, panɩ-tʋ ḿbʋ́ lɛ, pa-taa labɩ-tʋ nɛ leleŋ pɩŋŋ nɛ pɔtɔ se Kɩpaɣlʋ tɔm wɛ ɖeu. Peeɖe mbá patɩŋa pɩɩwɛɛ se pehiɣ wezuu maatɛŋ yɔ, pɛwɛnɩ lidaʋ Yesu yɔɔ.

Tʋma Labʋ 15:18

Kɩpaɣlʋ weyi ma meyeba nɛ ɛyáa tɩlɩ pʋnɛ pɩtɩŋa payɩ ɖooo lɔŋ yɔ, mɔyɔɔdɩnɩ ḿbʋ́.›

Tʋma Labʋ 18:10

Mbʋ́ pʋyɔɔ yɔ, ma-maɣmaɣ mɛwɛ ñɔ-cɔlɔ. Nɔɔyʋ ɛɛpɩzɩɣ ɛkpa-ŋ nɛ ɛlabɩ-ŋ kɩdɛkɛdɩm nabʋyʋ. Mbá pɔkɔŋ kɛʋ ma-ñɩma yɔ, pɔɖɔ tɛtʋ tʋnɛ tɩ-taa.»

Room 8:33

Apɩzɩɣ ɛkʋyɩ mbá Ɛsɔ lɩzaa yɔ pɔ-yɔɔ? Nɔɔyʋ fɛyɩ, mbʋ́ pʋyɔɔ yɔ, Ɛsɔ ɖezini-wɛ.

1 Kɔrɛntɩ 1:8

Ɛsɔ ɛnʋ ɛhaɣnɩ-mɩ ɖoŋ nɛ ɩɖɔkɩ mɩ-tɩ ḿbʋ́ ɛ-nʋmɔʋ taa nɛ pʋkɔɔ pɩsɩɩnɩ kɛtɛzaɣ wiye se pataana kɩdɛkɛdɩm nabʋyʋ mɩ-yɔɔ puwiye nɖɩ́ ɖa-Kɩpaɣlʋ Yesu Krɩstʋ kɔŋ yɔ.

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Efɛɛzɩ 2:10

Mbʋ́ pʋyɔɔ yɔ, Ɛsɔ tɩŋnɩnɩ ɖa nɛ Krɩstʋ Yesu ɖɛ-kpɛndʋʋ yɔɔ nɛ ɛlabɩ-ɖʋ-kʋ se ɖɩla tʋma kɩbana wena ɛɛñɔɔzɩ ɖooo lɔŋ se ɖɩlabɩ-yɛ yɔ.

Efɛɛzɩ 3:17

Ḿbʋ́ yekina nɛ pɩtɩŋnɩ lidaʋ ŋgʋ́ ɩwɛna yɔ kʋ-yɔɔ nɛ Krɩstʋ wɛɛ mɩ-laŋa taa nɛ ɩtɛzɩ pɩʋ sɔɔlɩm taa siŋŋ.

Efɛɛzɩ 4:2

iluzi mɩ-tɩ kpem nɛ ɩwɛɛ leleŋ nɛ ɩɖɔkɩ mɩ-hɔ. Ɩɖɔkɩ ɖama camɩyɛ nɛ sɔɔlɩm.

Efɛɛzɩ 5:2

Ɩsɔɔlɩ ɖama ɛzɩ Krɩstʋ sɔɔlʋʋ-ɖʋ nɛ ɛkpaɣ ɛ-maɣmaɣ ɛ-tɩ ɛha nɛ palaa-ɩ ɖɔ-yɔɔ ɛzɩ kpɩnɛ nɖɩ́ pɔhɔba nɛ ɖɩlɩɣ sɔzɩŋ camɩyɛ Ɛsɔ ɛsɩndaa yɔ.

Efɛɛzɩ 5:27

Ɛlabɩ ḿbʋ́ ɖɔɖɔ se Krɩstʋ ŋgbɛyɛ ɛwɛɛ koboyaɣ taa nɛ ewoni-ɖɩ ɛ-ɛsɩndaa, azuluma yaa mɩndʋ yaa mbʋ́ pɩnɩɣzɩnɩ ḿbʋ́ yɔ, pataawɛɛ ɖɩ-yɔɔ, ɛlɛ́, ɖɩwɛɛ cɩɖɩcɩɖɩ, ɛzaɣ́tʋ natʋyʋ ɛtaawɛɛ ɖɩ-yɔɔ.

Filiipu 2:15

Ɩla ḿbʋ́ nɛ pataana kawanaɣ nakɛyɛ mɩ-yɔɔ nɛ ɩwɛɛ cɩɖɩcɩɖɩ nɛ ɩkɛ Ɛsɔ piya nzɩ́ paanaɣ sɩ-yɔɔ kɩwɛɛkɩm nabʋyʋ yɔ kedeŋa yɔɔ cɩnɛ ɛyáa azaɣ́a nɛ kɩtatʋʋzɩŋ pɛ-hɛkʋ taa. Mɩ lɛ ñalɩmɩyɛ pɛ-hɛkʋ taa ɛzɩ ɛsɔdaa tɩɩnzɩ yɔ.

Koloosi 1:22

Ɛlɛ́, lɛɛlɛɛyɔ Ɛsɔ tɩŋnɩ ɛ-Pɩyalʋ sɩm yɔɔ nɛ mɩ nɛ ɩ iceɣ se ɛpɩzɩ ewoni-mɩ ɛ-ɛsɩndaa nɛ ɩkɛ ɛ-ñɩma nɛ ɩwɛɛ cɩɖɩcɩɖɩ nɛ pataana kawanaɣ nakɛyɛ mɩ-yɔɔ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

Koloosi 3:12

Đama pʋtɔdɩyɛ naʋ siŋŋ nɛ camɩyɛ lakasɩ nɛ tɩ luzuu nɛ leleŋ wɛʋ nɛ hɔyɛ ɖɔkʋʋ, pɛkɛnɩ-mɩ wondu nɛ isuu. Mbʋ́ pʋyɔɔ yɔ, Ɛsɔ sɔɔlɩ-mɩ nɛ ɛlɩzɩ-mɩ se ɩkɛ ɛ-ñɩma.

1 Tesalooniki 3:12

Kɩpaɣlʋ eyele nɛ ɩtɛzɩ ɖama sɔɔlʋʋ nɛ ɩtɛzɩ ɖɔɖɔ lɛlaa tɩŋa payɩ sɔɔlʋʋ ɛzɩ ɖɩsɔɔlʋʋ-mɩ yɔ.

1 Tesalooniki 4:7

Ɛsɔ tayaa-ɖʋ se ɖɩwɛɛ azuluma taa, ɛlɛ́, ɛya-ɖʋ se ɖɩwɛɛ cɩɖɩcɩɖɩ.

2 Timootee 1:9

Ɛnʋ yabɩnɩ ɖa-ñʋʋ nɛ ɛ́yáa-ɖʋ se ɖɩkɛ ɛ-ñɩma. Pɩtɛkɛ tʋma wena ɖɩlaba yɔ a-yɔɔ ɛlabɩ-ɖʋ ḿbʋ́. Ɛlɛ́, pʋcɔ ɛla kedeŋa lɛ, ɛɛɖʋwa se ɛtɩŋɩɣnɩ Krɩstʋ Yesu yɔɔ nɛ ɛlabɩ-ɖʋ lootiye.

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

Yakubu 2:5

Man-taabalaa kʋsɔɔlaa! Iwelesi camɩyɛ nɛ ɩnɩɩ: Ɛsɔ lɩzɩ kedeŋa yɔɔ cɩnɛ kʋñɔndɩnaa se pɛkɛ ñɩm tɩnaa pe-lidaʋ wɛnaʋ taa nɛ patɩɣyɩ e-Kewiyaɣ ŋgá ɛɖʋwa se ɛhaɣ mbá pɔsɔɔlɩ-ɩ yɔ.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

1 Pɩyɛ 1:20

Ɛsɔ kalɩzɩ-ɩ ɖooo lɔŋ nɛ pʋcɔ ɛla kedeŋa. Ɛlɩzɩ-ɩ nɛ ɛkɔɔ kɛtɛzaɣ alɩwaatʋ tʋnɛ tɩ-taa nɛ pʋwazɩ-mɩ.

1 Pɩyɛ 2:9

Piyele mɩ yɔ, mɩ lɛ liɖe nɖɩ́ Ɛsɔ lɩzaa yɔ ɖɩ-taa ñɩma. Ɩkɛ wiyaʋ sɔsɔ cɔjɔnaa. Mɩ lɛ Ɛsɔ ɛjaɖɛ taa ñɩma, mɩ-ñʋʋ ɛyaba. Mɩ ɛlɩzɩ cɩkpɛndʋʋ taa nɛ ewoni ɛ-ñalɩmɩyɛ nɖɩ́ ɖɩkɩlɩ pɩtɩŋa payɩ yɔ ɖɩ-taa se isusi ɛ-tʋma sɔsɔna tɔm.

2 Pɩyɛ 3:14

Mɛ-ɛgbaɣdɩnaa, pʋ-yɔɔ lɛ, pɩ-ɖaŋʋʋ taa lɛ, pʋwɛɛ se ɩñaɣ pana nɛ ɩwɛɛ cɩɖɩcɩɖɩ Ɛsɔ ɛsɩndaa nɛ pataana kɩdɛkɛdɩm nabʋyʋ mɩ-yɔɔ. Ɩñaɣ pana ɖɔɖɔ nɛ ɩwɛɛ laŋhɛzɩyɛ taa ɛ-ɛsɩndaa.

1 Yohanɛɛsɩ 4:16

Đa lɛ, ɖɩna ɛzɩma mbʋ́ Ɛsɔ sɔɔlɩ-ɖʋ yɔ nɛ ɖitisi-pʋ. Ɛsɔ lɛ sɔɔlɩm tʋ, weyi ɛwɛɛ ɛsɔɔlʋʋ Ɛsɔ nɛ ɛyáa lɛlaa yɔ, pɩwɩlɩɣ se ɛ nɛ Ɛsɔ pɛwɛ ɖama taa.

Wɩlʋʋ 13:8

Pʋ-yɔɔ kedeŋa yɔɔ ɛyáa kpeekpe kɔŋ luŋuu ɖɩ-tɛɛ. Ḿbá lɛ mbá patɩŋa payɩ patama pa-hɩla wezuu takayaɣ taa ɖooo ɛzɩ Ɛsɔ labʋ kedeŋa yɔ. Takayaɣ ŋ́gá lɛ Heɣa ŋgá palawa yɔ ka-ñɩŋga.

Wɩlʋʋ 17:8

Kpɩnɛ nɖɩ́ ŋna ḿbʋ́ yɔ, ɖɩɩwɛɛ, ɛlɛ́, lɛɛlɛɛyɔ ɖɩfɛyɩ. Đɩkɔŋ lɩnaʋ asayʋʋ pɔʋ taa nɛ ɖiwolo tɛŋɛlʋʋ taa. Ɛlɛ́, kedeŋa yɔɔ ñɩma mbá patama pa-hɩla wezuu takayaɣ taa ɖooo ɛzɩ kedeŋa wɛʋ yɔ, panaɣ-ɖɩ lɛ, pɩɖɩɣzɩɣ-wɛ. Mbʋ́ pʋyɔɔ yɔ, ɖɩɩwɛɛ nɛ lɛɛlɛɛyɔ ɖɩfɛyɩ, ɛlɛ́, ɖɩkɔŋ ɖaɣnʋʋ lɩʋ.