Efɛɛzɩ 1:23 - New Testament

²³ Ńɖɩ́ lɛ e-tomnaɣ. Đɩ-taa Krɩstʋ ɛnʋ ɛwɛɛ pilim: ɛlakɩ ɖɩ-taa ñɩma tɩŋa pɩtɩŋa payɩ. Ɛwɛ kedeŋa kpeekpe yɔɔ nɛ pɩtɩŋa payɩ pʋwɛɛ e-nesi taa.

Efɛɛzɩ 1:23 ပူးပေါင်းရင်းမြစ်များ

Yohanɛɛsɩ 1:16

Meheyiɣ-mɩ se ɛha ɖatɩŋa payɩ mbʋ́ ɛwɛna yɔ pʋ-hɔɔlʋʋ nakʋyʋ, ɛlaba ɖatɩŋa lootiye siŋŋ, nɛ ɛwɛɛ pʋ-yɔɔ paa ɖooye.

Room 13:5

Pʋ-yɔɔ lɛ, pʋwɛɛ se paa weyi ɛña ñʋndɩnaa. Pɩtɛkɛ nɩŋgbaŋʋʋ hɔm yɔɔ ɖeke pʋwɛɛ se ɩñam-wɛ. Ɛlɛ́, ɩñam-wɛ, mbʋ́ pʋyɔɔ yɔ, ɩnaɣ ɖɔɖɔ mɩ-taa se pʋmʋnɩ ḿbʋ́.

1 Kɔrɛntɩ 12:6

Paa ɖa-tʋma labʋ ɛwɛ ndɩ ndɩ yɔ, Ɛsɔ kʋɖʋm ɛnʋ ɛhaɣnɩ ɖatɩŋa payɩ ɖoŋ se ɖɩla atɩŋa.

1 Kɔrɛntɩ 15:28

Ɛsɔ ɖʋzʋʋ pɩtɩŋa payɩ Krɩstʋ nesi taa lɛ, ɛnʋ Ɛsɔ Pɩyalʋ maɣmaɣ eluzi ɛ-tɩ Ɛsɔ weyi ɛɖʋzʋʋ-pʋ e-nesi taa yɔ ɛ-tɛɛ. Peeɖe Ɛsɔ kɛɣ pɩtɩŋa payɩ pi-wiyaʋ.

Efɛɛzɩ 2:16

Đɔɖɔ lɛ, eyeba nɛ pa nɛ Ɛsɔ peceɣ nɛ papɩsɩ kʋɖʋm. Kʋñɔŋ ŋgʋ́ ɛtɔwaa nɛ ɛkɔɔ ɛsɩ kaamaŋkaɣ yɔɔ yɔ, kʋ-yɔɔ ɛtɩŋnaa nɛ eɖezi koyindiye ḿbʋ́.

Efɛɛzɩ 3:10

Yee ḿbʋ́, pɩkpaɣʋnɩ lɛɛlɛɛyɔ yɔ, pɩtɩŋɩɣnɩ Krɩstʋ ŋgbɛyɛ taa ñɩma yɔɔ nɛ ñʋndɩnaa nɛ ɛsɔdaa ɖoŋ tɩŋa patɩlɩ ɛzɩma mbʋ́ Ɛsɔ lɔŋsɩnɖɛ paɣlaa pɩtɩɩfɛyɩ yɔ.

Efɛɛzɩ 3:19

Ḿbʋ́ yekina nɛ ɩtɩlɩ se sɔɔlɩm ḿbʋ́, pɩkɩlɩ lɔŋsɩnɖɛ tɩŋa payɩ. Ḿbʋ́ yekina ɖɔɖɔ nɛ Ɛsɔ tɛzɩ mɩ-taa wɛʋ pilim.

Efɛɛzɩ 4:10

Weyi eetiba yɔ, kʋɖʋm ɛnʋ ɛkpanɩ ɖooo ɛsɔdaa se ɛwɛɛ pɩtɩŋa payɩ pʋ-cɔlɔ.

Efɛɛzɩ 4:12

Ɛlabɩ ḿbʋ́ se ɛñɔɔzɩ Ɛsɔ ñɩma nɛ pala ɛ-tʋmɩyɛ nɛ ŋgbɛyɛ taa ñɩma tɛzɩ kpaʋ ɖoŋ pe-lidaʋ wɛnaʋ taa

Efɛɛzɩ 4:13

nɛ pʋkɔɔ pɩsɩɩnɩ alɩwaatʋ ndʋ́ ɖatɩŋa payɩ ɖɩlabɩ nɔɔ kʋɖʋmaɣ ɖe-lidaʋ wɛnaʋ taa nɛ ɖɩtɩlɩ Ɛsɔ Pɩyalʋ siŋŋ nɛ ɖɩpɩsɩ ɛyáa sʋtʋyaa nɛ ɖɩwɛɛ ɛzɩ Krɩstʋ wɛʋ kpem yɔ.

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Koloosi 1:24

Lɛɛlɛɛyɔ, man-taa hʋlʋmɩnɩ kʋñɔŋ ŋgʋ́ mɔntɔkɩ mɩ-yɔɔ yɔ. Mbʋ́ pʋyɔɔ yɔ, mɛntɛzɩɣ tɔɔʋ kʋñɔŋ ŋgʋ́ pɩɩkazaa se Krɩstʋ ɛtɔɔ e-tomnaɣ pilinzi yɔɔ yɔ. E-tomnaɣ ŋ́gá lɛ ɛ-ŋgbɛyɛ taa ñɩma.

Koloosi 2:19

Weyi ɛlakɩ ḿbʋ́ yɔ, ɛ nɛ Krɩstʋ pɛfɛyɩ ɖama taa. Ŋgʋ́, ɛ́lɛ́ lɛ tomnaɣ ñʋʋ. Ñʋʋ ŋ́gʋ́ kiyekina nɛ hola nɛ ɖɩtanɛ pɛkpɛndɩ ɖama nɛ papaɣlɩ ɛzɩ Ɛsɔ liu wɛʋ yɔ.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.

Koloosi 3:15

Iyele nɛ Krɩstʋ laŋhɛzɩyɛ la tʋmɩyɛ mɩ-laŋa taa, mbʋ́ pʋyɔɔ yɔ, ɖɩ-tɔm taa Ɛsɔ ya-mɩ nɛ ɩkpɛndɩ ɖama nɛ ɩpɩsɩ ɛyʋ kʋɖʋm. Pʋ-yɔɔ lɛ, ɩwɛnɩ ɛsɩmɩyɛ.