Efɛɛzɩ 1:22 - New Testament

²² Ɛsɔ luzi pɩtɩŋa payɩ ɛ-tɛɛ nɛ eyele nɛ ɛkɛ ɛ-ŋgbɛyɛ taa ñɩma tɩŋa payɩ ñʋʋdʋ pɩtɩŋa pɩ-taa.

Efɛɛzɩ 1:22 ပူးပေါင်းရင်းမြစ်များ

Maatiyee 16:18

Ma lɛ, meheyiɣ-ŋ se: ña mayaɣ se Pɩyɛ. Pɩyɛ ńɖɩ́ ɖɩ-yɔɔ manɖʋʋ mɛ-ŋgbɛyɛ. Sɩm maɣmaɣ ɛɛpɩzɩɣ pɩlabɩ-ɖɩ pʋyʋ.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

1 Kɔrɛntɩ 11:3

Paa ḿbʋ́ yɔ, me-liu wɛɛ se ɩtɩlɩ se: Krɩstʋ lɛ paa abalʋ weyi e-wiyaʋ nɛ abalʋ lɛ halʋ wiyaʋ nɛ Ɛsɔ lɛ Krɩstʋ wiyaʋ.

Efɛɛzɩ 3:21

Ɛ-hɩɖɛ ɛsɛɛ Krɩstʋ Yesu ŋgbɛyɛ taa ɛ nɛ ɩ pɛ-kpɛndʋʋ yɔɔ kpaɖɩŋ tɩŋa taa pɩnzɩ ɛgbaŋ ɛgbaŋ! Pɩla ḿbʋ́.

Efɛɛzɩ 5:23

Mbʋ́ pʋyɔɔ yɔ, halʋ ñʋʋdʋ lɛ ɛ-walʋ ɛzɩ Krɩstʋ kɛʋ ɛ-ŋgbɛyɛ taa ñɩma ñʋʋdʋ yɔ. Ḿbá lɛ e-tomnaɣ nɛ ɛnʋ lɛ ka-ñʋʋ yaɖʋ.

Koloosi 1:18

Ɛnʋ lɛ ñʋʋ nɛ e-tomnaɣ lɛ ɛ-ŋgbɛyɛ taa ñɩma. Ɛnʋ lɛ kiɖe, ɛnʋ calɩnɩ fem nɛ sɩɖaa taa se ɛkɛ kajalaɣ tʋ pɩtɩŋa pɩ-taa.

Koloosi 1:8

Ɛnʋ heyini-ɖʋ sɔɔlɩm mbʋ́ Fezuu Kiɖeɖeu yeba nɛ pʋwɛɛ mɩ-hɛkʋ taa yɔ pʋ-tɔm.

Koloosi 2:10

nɛ mɩ nɛ ɩ mɩ-kpɛndʋʋ taa lɛ, ihiɣ pɩtɩŋa. Ɛnʋ kɩlɩnɩ awiya nɛ ɖoŋ tɩŋa payɩ.

Koloosi 2:19

Weyi ɛlakɩ ḿbʋ́ yɔ, ɛ nɛ Krɩstʋ pɛfɛyɩ ɖama taa. Ŋgʋ́, ɛ́lɛ́ lɛ tomnaɣ ñʋʋ. Ñʋʋ ŋ́gʋ́ kiyekina nɛ hola nɛ ɖɩtanɛ pɛkpɛndɩ ɖama nɛ papaɣlɩ ɛzɩ Ɛsɔ liu wɛʋ yɔ.

1 Timootee 3:15

Yee mɔntɔkɔɔ lɔŋ yɔ, takayaɣ kanɛ kawɩlɩɣnɩ-ŋ ɛzɩma mbʋ́ pʋwɛɛ se pɔɖɔ Ɛsɔ hɔʋ taa yɔ. Ŋ́gʋ́ lɛ Ɛsɔ weyi ɛwɛ wezuu yɔ ɛ-ŋgbɛyɛ. Ŋ́gʋ́ ɖɔɖɔ lɛ toovenim tɔm tilimiye nɛ ti-sisika.

Ebree 2:8

Ŋkpaɣ pɩtɩŋa payɩ nɛ ŋɖʋzɩ e-nesi taa.» Yee pɔtɔm se Ɛsɔ ɖʋzɩ pɩtɩŋa payɩ e-nesi taa yɔ, pɩwɩlɩɣ se nabʋyʋ takazɩ se pɩfɛyɩ ɛ-tɛɛ. Ŋgʋ́ lɛɛlɛɛyɔ, ɖɩnaɣ se pɩtɛkɛ pɩtɩŋa pʋwɛnɩ e-nesi taa.