Efɛɛzɩ 1:18 - New Testament

¹⁸ Mentendiɣ-i ɖɔɖɔ se ekuli mɩ-lɩmaɣza yɔɔ nɛ ɩtɩlɩ mbʋ́ ɛya-mɩ se ɩɖaŋ kpam yɔ nɛ ɛzɩma mbʋ́ ɛ-ñɩm koboyaɣ ɖewa pɩtɩɩfɛyɩ yɔ. Ḿbʋ́ ɛsɩ ɛ-ñɩma.

Efɛɛzɩ 1:18 ပူးပေါင်းရင်းမြစ်များ

Maatiyee 13:15

Mbʋ́ pʋyɔɔ yɔ ɛjaɖɛ ńɖɩ́, Ɖɩ-taa ñɩma laŋa wɛ kpɩzɩŋ. Pɔtɔ pa-nɩŋgbaaŋ se pataanɩɩ, nɛ Pohuuzi pɛ-ɛsɛ yɔɔ se pataana. Pataasɔɔlɩ se pana nɛ pɛ-ɛsɛ, Nɛ panɩɩ nɛ pa-nɩŋgbaaŋ, Nɛ pɛlɛɣzɩ pa-laŋa. Pataasɔɔlɩ se pɛlɛɣzɩ pa-lakasɩ pe-wezuu caɣʋ taa, Pʋyɔɔ mantapɩzɩ mala nɛ pɔ-yɔɔ cɛ.›

Maarkɩ 10:17

Yesu tɛm piya yɔɔ wazʋʋ nɛ ɛkpaɣ nʋmɔʋ lɛ, abalʋ nɔɔyʋ kpaɣ seya nɛ ewolo eluŋ ɛ-tɛɛ nɛ ɛpɔzɩ-ɩ se: «Wɩlɩyʋ kɩbanʋ! Ɛbɛ pʋwɛɛ kpem se mala nɛ mehiɣ wezuu maatɛŋ?»

Luka 24:45

Peeɖe ekuli pa-lɩmaɣza yɔɔ se panɩɩ Ɛsɔtɔm Takayaɣ taa tɔm tɔbʋʋ

Tʋma Labʋ 16:14

Halaa ḿbá, payaɣ pa-taa lɛlʋ se Liidii, ɛkɛ Tiyaatiiri tʋ nɛ ɛpɛdɩɣ pɩsaŋ kɩsɛmɩŋ. Ɛñaŋaɣ Ɛsɔ, Kɩpaɣlʋ kuli ɛ-lɩmaɣza yɔɔ se ɛnɩɩnɩ Pɔɔlɩ camɩyɛ.

Tʋma Labʋ 26:18

Mentiyiɣ-ŋ se ŋwolo ŋkuli pɛ-ɛsɛ nɛ ŋlɩzɩ-wɛ cɩkpɛndʋʋ taa nɛ ŋwoni-wɛ ñalɩmɩyɛ taa. Lɩzɩ-wɛ ɖɔɖɔ Satanɩ nesi taa nɛ ŋwoni-wɛ Ɛsɔ cɔlɔ. Yee pɛwɛnɩ lidaʋ mɔ-yɔɔ lɛ, Ɛsɔ kpeɣ-wɛ pa-kɩwɛɛkɩm nɛ ɛha-wɛ ñɩm mbʋ́ ɛsɩwa se ɛhaɣ ɛ-ñɩma yɔ.› »

Room 11:29

Mbʋ́ pʋyɔɔ yɔ, Ɛsɔ ɛɛmʋʋ mbʋ́ ɛhawa yɔ kaʋ. Ɛɛlɛɣzɩɣ ɖɔɖɔ lɩmaɣza mbá ɛya-wɛ yɔ pɔ-tɔm taa.

Room 2:4

Yaa ŋniŋ Ɛsɔ camɩyɛ lakasɩ sɔsɔsɩ nɛ ɛzɩma mbʋ́ eyeki ɛyáa nɛ ɛɛhɔŋ pa-nɩŋgbaaŋ yɔ nɛ ɛ-hɔyɛ ɖɔkʋʋ pɔ-yɔɔ yaa we? Ŋtatɩlɩ se ɛ-camɩyɛ lakasɩ ńzɩ́ pʋwɛɛ se siyele nɛ ŋlɛɣzɩ wɛtʋ naa we?

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 5:5

Đa lɛ, ɖɩtaɣ liu se ɛkɔŋ-ɖʋ pɩsʋʋ kʋtʋʋzaa. Ḿbʋ́ e-Fezuu Kiɖeɖeu yeba nɛ ɖɩɖaŋ nɛ ɖɩwɛnɩ lidaʋ pʋ-yɔɔ.

Efɛɛzɩ 1:11

Đa nɛ ɩ ɖɛ-kpɛndʋʋ taa Ɛsɔ ha-ɖʋ pɩtɩŋa payɩ. Pʋ-yɔɔ ɛɛlɩzɩ-ɖʋ ɖooo lɔŋ. Ɛlakɩ pɩtɩŋa payɩ ɛzɩ pɩkɛdɩnaʋ ɛ-maɣmaɣ nɛ ɛɖʋ yɔ

Efɛɛzɩ 1:7

Đa nɛ ɩ ɖɛ-kpɛndʋʋ taa Ɛsɔ tɩŋnɩ ɛ-calɩm yɔɔ nɛ eholi-ɖʋ kɩdɛkɛdɩm nesi taa nɛ ekpeɣ-ɖʋ ɖa-kɩwɛɛkɩm. Ḿbʋ́ wɩlɩɣna se e-lootiye fɛyɩ ɖaɣʋ.

Efɛɛzɩ 2:12

Alɩwaatʋ ńdʋ́ tɩ-taa lɛ, ɩtaakɛ Krɩstʋ ñɩma. Pɩtaaha-mɩ waɖɛ nɖɩ́ Izrɛɛlɩ ñɩma wɛna yɔ. Ɩtaatɩlɩ nɔsɩ haʋ mbʋ́ Ɛsɔ ɖʋ ɛ nɛ wɛ pɛ-hɛkʋ taa yɔ. Đɔɖɔ lɛ, ɩɩwɛ kedeŋa yɔɔ yem: ɩtaaɖaŋ pʋyʋ, Ɛsɔ taawɛɛ mɩ-cɔlɔ.

Efɛɛzɩ 3:16

Mentendiɣ-i ḿbʋ́ se eyele nɛ pɩtɩŋnɩ e-Fezuu Kiɖeɖeu yɔɔ nɛ ɩkpa ɖoŋ siŋŋ mɩ-lɩmaɣza taa ɛzɩ e-koboyaɣ wɛʋ nɛ kɛfɛyɩ tɩnaɣ yɔ.

Efɛɛzɩ 3:8

Weyi ma mɛnkɛ Ɛsɔ ñɩma tɩŋa taa tɔyaɣ yɔ, ɛlabɩ-m lootiye ńɖɩ́ se monsusi mbá pɛtɛkɛ Yuda ñɩma yɔ ñɩm mbʋ́ pɩfɛyɩ ɖaɣʋ yɔ pʋ-tɔm.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Efɛɛzɩ 4:4

Mbʋ́ pʋyɔɔ yɔ, tomnaɣ kʋɖʋmaɣ koŋ nɛ Fezuu Kiɖeɖeu kʋɖʋmʋʋ koŋ nɛ ɖaŋʋʋ kʋɖʋmʋm koŋ pɛwɛna. Đaŋʋʋ ḿbʋ́, pʋ-yɔɔ ɛya-mɩ.

Efɛɛzɩ 5:8

Toovenim lɛ, ɖooo lɛ ɩɩkɛ cɩkpɛndʋʋ tɛɛ ñɩma. Ɛlɛ́, lɛɛlɛɛyɔ ɩkɛ ñalɩmɩyɛ taa ñɩma mɩ nɛ Kɩpaɣlʋ mɩ-kpɛndʋʋ yɔɔ. Pʋ-yɔɔ lɛ, ɩɖɔ ɛzɩ ñalɩmɩyɛ taa ñɩma yɔ.

Filiipu 3:14

Pʋ-yɔɔ malʋkɩ se mantalɩ tɩnaɣ yɔɔ nɛ mamʋ kɩhɛyʋʋ ŋgʋ́ Ɛsɔ tɩŋnɩ Krɩstʋ Yesu yɔɔ nɛ ɛ́yáa-ɖʋ nɛ ɛsɔdaa se ɖɩmʋ yɔ.

Koloosi 1:12

ɩsa Caa nɛ laŋhʋlʋmɩyɛ. Ɛnʋ yebina se mɩ nɛ ɛ-ñɩma ɩtayɩ ñɩm mbʋ́ ɛñɔɔzaa nɛ ɛsɩɩ-wɛ ñalɩmɩyɛ taa yɔ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

Koloosi 3:15

Iyele nɛ Krɩstʋ laŋhɛzɩyɛ la tʋmɩyɛ mɩ-laŋa taa, mbʋ́ pʋyɔɔ yɔ, ɖɩ-tɔm taa Ɛsɔ ya-mɩ nɛ ɩkpɛndɩ ɖama nɛ ɩpɩsɩ ɛyʋ kʋɖʋm. Pʋ-yɔɔ lɛ, ɩwɛnɩ ɛsɩmɩyɛ.

1 Tesalooniki 2:12

Điiyeba pɩlabɩ-mɩ hʋnʋm nɛ ɖɩhɛzɩ mɩ-laŋa nɛ ɖɩka mɩ-ñʋŋ taa se ɩɖɔ ɛzɩ pʋmʋnaʋ Ɛsɔ ɛsɩndaa yɔ. Ɛnʋ yaɣnɩ-mɩ se ɩkɛ e-Kewiyaɣ nɛ e-koboyaɣ pa-taa ñɩma.

1 Tesalooniki 5:8

Ɛlɛ́, ɖa ɖɛkɛ wɩsɩ taa ñɩma. Pʋ-yɔɔ lɛ, ɖɩwɛnɩ ɖɛ-ɛsɛ camɩyɛ. Lidaʋ nɛ sɔɔlɩm pɛkɛnɩ-ɖʋ ñɩ́ɣ́yʋ́ʋ wondu nɛ ɖisuu nɛ pʋyʋ nɔɔyʋ ɛtaalabɩ-ɖʋ. Đa-ñʋʋ yabʋ ɖaŋʋʋ ɛkɛnɩ-ɖʋ you hulaɣ nɛ ɖɩpaŋ.

2 Tesalooniki 1:11

Pʋ-yɔɔ ɖɩwɛɛ ɖɩsɛɣ ɖɛ-Ɛsɔ mɩ-yɔɔ se eyele nɛ ɩmʋnɩ mbʋ́ pʋ-yɔɔ ɛya-mɩ yɔ. Đɩsɛɣ-ɩ ɖɔɖɔ se ɛtɩŋnɩ e-ɖoŋ yɔɔ nɛ eyele ɩla camɩyɛ lakasɩ nzɩ́ sɩtɩŋa payɩ ɩɖʋwa yɔ nɛ ɩtɛzɩ wɛʋ kpekpeka mi-lidaʋ wɛnaʋ taa.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

1 Timootee 6:12

Lʋ lidaʋ taa lʋbɩyɛ kɩbanɖɛ. Ñaɣ pana nɛ ŋhiɣ wezuu maatɛŋ. Mbʋ́ pʋyɔɔ yɔ, kʋ-yɔɔ Ɛsɔ ya-ŋ nɛ ŋkaɖɩ aseɣɖe tɩnaa sakɩyɛ ɛsɩndaa kpayɩ se ŋwɛnɩ lidaʋ ɛ-yɔɔ.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Tiiti 3:7

Ɛlabɩ ḿbʋ́ se pɩtɩŋnɩ e-lootiye yɔɔ nɛ ɖɩpɩsɩ kʋtʋʋzaa ɛ-ɛsɩndaa nɛ ɛha-ɖʋ wezuu maatɛŋ ŋgʋ́ ɖɩɖaŋaa yɔ.

Ebree 10:32

Ɩtɔzɩ kajalaɣ kɩyakɩŋ weyi ɩ-taa Ɛsɔ ñalɩmɩyɛ ñalɩ mɩ-yɔɔ yɔ ɩ-yɔɔ. Alɩwaatʋ ńdʋ́ʋ́ ɩtɔɔ kʋñɔŋ siŋŋ. Ɛlɛ́, ɩɖɔkɩ mɩ-tɩ kpam mɩ-lʋbɩyɛ taa.

Ebree 6:4

Nabɛyɛ wɛɛ, Ɛsɔ ñalɩmɩyɛ kɛtɛm pɔ-yɔɔ ñalʋʋ nɛ paɖɩŋ ɛsɔdaa kʋjɔʋ nɛ Fezuu Kiɖeɖeu wɛɛ pɔ-cɔlɔ

1 Pɩyɛ 1:3

Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.

1 Pɩyɛ 3:9

Ɩtaakpa ɖama kɩmɩyɛ. Nɔɔyʋ ɛtʋ-mɩ lɛ, ɩtaatʋʋ-ɩ. Ɛlɛ́, itendi Ɛsɔ se ɛ́wazɩ pʋdʋ yɔɔ. Mbʋ́ pʋyɔɔ yɔ, ɛya-mɩ se ɩla ḿbʋ́ nɛ ɛ́wazɩ mɩ-yɔɔ ɛzɩ ɛɖʋʋ yɔ.

1 Pɩyɛ 5:10

Paa pɩɩwɛɛ se ɩla kʋñɔŋ alɩwaatʋ pazɩ yɔ, Ɛsɔ ɛnʋ ɛ-maɣmaɣ ɛtɛzɩ-mɩ ñɔɔzʋʋ nɛ ɩpɩɩ ɛ-nʋmɔʋ taa nɛ ɩkpa ɖoŋ nɛ nabʋyʋ ɛtaaciɣdi-mɩ kaʋ. Ɛnʋ labɩnɩ-mɩ lootiye siŋŋ. Ɛnʋ ɖɔɖɔ yanɩ-mɩ se ɩsʋʋ e-koboyaɣ ŋgá kaatɛŋ wiɖiyi kaʋ yɔ ka-taa mɩ nɛ Krɩstʋ mɩ-kpɛndʋʋ taa.