Efɛɛzɩ 1:17 - New Testament

¹⁷ Malakɩ ḿbʋ́ se ɖa-Kɩpaɣlʋ Yesu Krɩstʋ Ɛsɔ, Caa koboyaɣ tʋ ɛha-mɩ lɔŋsɩnɖɛ Fezuu nɛ kɩwɩlɩ-mɩ pɩtɩŋa nɛ ɩtɩlɩ-ɩ.

Efɛɛzɩ 1:17 ပူးပေါင်းရင်းမြစ်များ

Maatiyee 11:25

Alɩwaatʋ ńdʋ́ tɩ-taa Yesu tɔm se: «Man-Caa! Ɛsɔdaa nɛ tataa Kɩpaɣlʋ! Mansaŋ-ŋ. Mbʋ́ pʋyɔɔ yɔ, ŋkuli tɔm ndʋ́ ŋmɛsɩ lɔŋsɩnɖaa nɛ lɛɣsɩnɖaa yɔ tɩ-yɔɔ nɛ piya ajamaa nɩɩ tɩ-tɔbʋʋ.

Maatiyee 11:27

Pʋwayɩ lɛ, Yesu heyi ɛyáa se: «Pɩtɩŋa payɩ lɛ, man-Caa cɛlɩnɩ-m. Nɔɔyʋ tasɩ mbʋ́ mɛnkɛnaa yɔ nɛ pɩtasɩnɩ man-Caa. Đɔɖɔ lɛ, nɔɔyʋ tasɩm-ɩ nɛ pɩtasɩnɩ ɛ-Pɩyalʋ ma nɛ mbá mɔnsɔɔlaa nɛ mawɩlɩ-ɩ-wɛ yɔ.

Maatiyee 16:17

Peeɖe Yesu heyi-i se: «Yoonaasɩ pɩyalʋ Siimɔɔ! Ŋhiɣ ña-tɩ! Mbʋ́ pʋyɔɔ yɔ, pɩtɛkɛ ɛyʋ nɔɔyʋ heyini-ŋ-tʋ. Ɛlɛ́, man-Caa weyi ɛwɛ ɛsɔdaa yɔ, ɛwɩlɩnɩ-ŋ-tʋ.

Maatiyee 20:33

Pocosi-i se: «Kɩpaɣlʋ! Đɩcaɣ se ŋla nɛ ɖɛ-ɛsɛ kuli.»

Maatiyee 6:13

Taayele nɛ pɩtakɩ-ɖʋ, ɛlɛ́, lɩzɩ-ɖʋ Satanɩ nesi taa. [ Mbʋ́ pʋyɔɔ yɔ, ñatɩnɩ kewiyaɣ nɛ ɖoŋ nɛ koboyaɣ patɩŋa payɩ tam. Pɩla ḿbʋ́!]›

Luka 12:12

Mbʋ́ pʋyɔɔ yɔ, Fezuu Kiɖeɖeu wɩlɩɣ-mɩ ndʋ́ pʋmʋnaa se ɩyɔɔdɩ alɩwaatʋ ńdʋ́ yɔ.»

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Luka 21:15

Mbʋ́ pʋyɔɔ yɔ, ma-maɣmaɣ mahaɣnɩ-mɩ lɔŋ nɛ ɩyɔɔdɩ nɛ mi-koyindinaa taa nɔɔyʋ ɛɛpɩzɩ ecosi yaa ɛkʋ mɩ-tɔm ndʋ́ ɩyɔɔdaa yɔ.

Yohanɛɛsɩ 14:17

ɛnʋ lɛ toovenim Fezuu. Mbá paañaŋ Ɛsɔ yɔ, paapɩzɩɣ pamʋ-ɩ, mbʋ́ pʋyɔɔ yɔ, paapɩzɩɣ pana-ɩ yaa pasɩm-ɩ. Ɛlɛ́ mɩ yɔ, mɩsɩŋ-ɩ, mbʋ́ pʋyɔɔ yɔ, ɛwɛɣ mɩ-cɔlɔ nɛ mɩ nɛ ɩ ɩwɛɛ ɖama taa.

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 16:3

Pɔkɔŋ labʋ ḿbʋ́, mbʋ́ pʋyɔɔ yɔ, patasɩ Caa yaa ma.

Yohanɛɛsɩ 17:3

Ŋgʋ́, wezuu maatɛŋ lɛ se patɩlɩ weyi ña ñe-ɖeke koŋ lɛ Ɛsɔ siŋŋ yɔ nɛ ma Yesu Krɩstʋ weyi ŋtiyaa yɔ.

Yohanɛɛsɩ 20:17

Yesu heyi-i se: «Taalaɣzɩ-m, mbʋ́ pʋyɔɔ yɔ, mantakpadɩ man-Caa cɔlɔ. Ɛlɛ́, wolo ŋheyi mɛ-ɛgbaɣdɩnaa se mankpaɣ weyi ɛkɛ man-Caa nɛ ɛtɛ ɛkɛ mɛ-Ɛsɔ yɔ ɛ-cɔlɔ. Ɛnʋ ɖɔɖɔ lɛ mɩ-Caa nɛ mɩ-Ɛsɔ.»

Tʋma Labʋ 6:10

Ɛlɛ́, patapɩzɩɣ se palabɩ-ɩ pʋyʋ, mbʋ́ pʋyɔɔ yɔ, ɛyɔɔdaɣnɩ lɔŋsɩnɖɛ nɖɩ́ Fezuu Kiɖeɖeu ha-ɩ yɔ.

Tʋma Labʋ 7:2

Ɛ́lɛ́ cosi-i se: «Man-caanaa nɛ man-taabalaa mɩ! Ɩma nɩŋgbaaŋ nɛ ɩnɩɩ. Ɛsɔ koboyaɣ tʋ kalɩzɩ ɛ-tɩ nɛ ɛwɩlɩ ɖɔ-cɔzɔ Abraham alɩwaatʋ ndʋ́ ɛɛwɛ Mezoopotamii yɔ nɛ pʋcɔ ɛ́lɛ́ kʋyɩ ewolo Haraɣ.

Room 1:28

Pɔtɔsɔɔlɩ se patɩlɩ Ɛsɔ yɔɔ, ɛ́lɛ́ yebi-wɛ nɛ pɛwɛnɩ lɩmaɣza kɩdɛkɛdɛɛ nɛ palakɩ mbʋ́ pɩtamʋna yɔ.

Room 15:6

nɛ ɩkpɛndɩ mɩtɩŋa payɩ nɛ ɩsa Ɛsɔ weyi ɛkɛ ɖa-Kɩpaɣlʋ Yesu Krɩstʋ Caa yɔ.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 14:6

Pʋ-yɔɔ lɛ, taabalaa, mɔnpɔzʋʋ-mɩ se: yee mɔnkɔm mɩ-tɛ nɛ mɔyɔɔdʋʋnɩ-mɩ kʋnʋmɩŋ weyi ɩɩnɩɣ yɔ nɛ menteheyi-mɩ tɔm ndʋ́ tɩɩwɛ mɛsaɣ tɛɛ yɔ tɩ-taa natʋyʋ yaa lɔŋsɩnɖɛ tɔm yaa tɔm ndʋ́ tɩlɩnɩ Ɛsɔ cɔlɔ yɔ yaa mantawɩlɩ-mɩ natʋyʋ lɛ, mawazɩ-mɩ we?

1 Kɔrɛntɩ 2:10

Đa Ɛsɔ tɩŋnɩ e-Fezuu Kiɖeɖeu yɔɔ nɛ ɛwɩlɩ-pʋ. Toovenim lɛ se Fezuu Kiɖeɖeu sɩm pɩtɩŋa payɩ, halɩ pɩkpɛndɩnɩ mbʋ́ pʋwɛ ɖooo Ɛsɔ taa yɔ.

1 Kɔrɛntɩ 2:8

Kedeŋa awiya taa nɔɔyʋ tasɩ lɔŋsɩnɖɛ ńɖɩ́. Mbʋ́ pʋyɔɔ yɔ, yee paasɩm-ɖɩ yɔ, pataaka Kɩpaɣlʋ weyi ɛtɩnɩ koboyaɣ yɔ kaamaŋkaɣ yɔɔ.

2 Kɔrɛntɩ 12:1

Pʋwɛɛ se mankʋndɩ. Ŋgʋ́, kʋndʋʋ fɛyɩ ɖeu. Lɛɛlɛɛyɔ, mɛnkɛdɩɣ-mɩ mbʋ́ Kɩpaɣlʋ yeba nɛ mana nɛ mbʋ́ ɛwɩlɩ-m ɖozee taa yɔ pʋ-tɔm.

Efɛɛzɩ 1:3

Đɩsa Ɛsɔ! Ɛnʋ lɛ ɖa-Kɩpaɣlʋ Yesu Krɩstʋ Caa. Ɛtɩŋnɩ e-Fezuu Kiɖeɖeu yɔɔ nɛ ɛwazɩ ɖɔ-yɔɔ ɖa nɛ Krɩstʋ ɖɛ-kpɛndʋʋ taa. Wazʋʋ ḿbʋ́, pʋ-yɔɔ ɛtɩŋnaa nɛ ɛha-ɖʋ mbʋ́ pɩtɩŋa payɩ pʋwɛ Fezuu Kiɖeɖeu taa nɛ pɩlɩɩnɩ ɛsɔdaa yɔ.

Efɛɛzɩ 3:5

Mɛsaɣ tɛɛ tɔm ńdʋ́, kpaɖɩŋ weyi ɩɖɛwa yɔ, ɩ-taa ñɩma taasɩm-tʋ ɛzɩ Ɛsɔ tɩŋnaʋ e-Fezuu Kiɖeɖeu yɔɔ nɛ eyele nɛ náyaa nɛ ɛ-maɣmaɣ e-tiyiyaa pasɩm-tʋ lɛɛlɛɛyɔ yɔ.

Efɛɛzɩ 4:13

nɛ pʋkɔɔ pɩsɩɩnɩ alɩwaatʋ ndʋ́ ɖatɩŋa payɩ ɖɩlabɩ nɔɔ kʋɖʋmaɣ ɖe-lidaʋ wɛnaʋ taa nɛ ɖɩtɩlɩ Ɛsɔ Pɩyalʋ siŋŋ nɛ ɖɩpɩsɩ ɛyáa sʋtʋyaa nɛ ɖɩwɛɛ ɛzɩ Krɩstʋ wɛʋ kpem yɔ.

Filiipu 3:15

Mbá ɖa ɖɩtɛm kɛʋ mbá pamʋnaa yɔ, ɖɩmaɣzɩ ḿbʋ́. Ɛlɛ́, yee nabʋyʋ taa mɩ-lɩmaɣza ɛwɛ ndɩ yɔ, Ɛsɔ wɩlɩɣ-mɩ mbʋ́ pɩkɛ toovenim yɔ.

2 Timootee 2:25

Pʋwɛɛ se ɛwɩlɩ mbá paatisiɣ ɛ-tɔm nɛ pɛlɛɣzɩɣ pa-ñɩndʋ yɔ hɛɛɛ nɛ pʋtɔma yɔ, Ɛsɔ ha-wɛ nʋmɔʋ nɛ pɛlɛɣzɩ pa-lɩmaɣza nɛ papɩzɩ patɩlɩ toovenim

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Yakubu 2:1

Man-taabalaa! Đenɖe ɩwɛnɩ lidaʋ ɖa-Kɩpaɣlʋ Yesu Krɩstʋ weyi ɛwɛ Ɛsɔ koboyaɣ taa yɔ ɛ-yɔɔ yɔ, ɩtaacɔnɩ nɔɔyʋ ɛsɩndaa nɛ pʋcɔ ɩlabɩ-ɩ pʋyʋ.

2 Pɩyɛ 1:3

Yesu Krɩstʋ wɛnɩ Ɛsɔ ɖoŋ nɛ ɛha-ɖʋ pɩtɩŋa payɩ se ɖɩwɛɛ wezuu nɛ ɖɩla mbʋ́ Ɛsɔ liu wɛɛ yɔ. E-koboyaɣ nɛ ɛzɩma mbʋ́ ɛkɩlɩ pɩtɩŋa yɔ, pɔ-yɔɔ eyebi se ɖɩtɩlɩ Ɛsɔ weyi ɛya-ɖʋ se ɖɩkɛ ɛ-ñɩma yɔ.

2 Pɩyɛ 3:18

Ɛlɛ́, pʋwɛɛ se ɩɖɛɛnɩ ɛsɩndaa lootiye nʋmɔʋ taa nɛ ɩtɛzɩ sɩm ɖa-Kɩpaɣlʋ Yesu Krɩstʋ weyi ɛkɛ ɖa-ñʋʋ yaɖʋ yɔ. Pasam-ɩ kpaɣ lɛɛlɛɛyɔ nɛ paa ɛzɩmtaa. Pɩla ḿbʋ́!

Wɩlʋʋ 7:12

se: «Pɩla ḿbʋ́! Đɛ-Ɛsɔ ɛtɩɣyɩ samtʋ nɛ koboyaɣ nɛ lɔŋsɩnɖɛ nɛ ɛsɩmɩyɛ nɛ hɩɖɛ ɖʋʋ nɛ ɖoŋ nɛ abalɩtʋ pɩnzɩ ɛgbaŋ ɛgbaŋ! Pɩla ḿbʋ́!»