Efɛɛzɩ 1:13 - New Testament

¹³ Mɩ nɛ ɩ mɩ-kpɛndʋʋ taa ɖɔɖɔ ɩnɩ toovenim tɔm. Ńdʋ́ lɛ Laŋhɛzɩyɛ Tɔm ndʋ́ tɩyakɩ mɩ-ñʋʋ yɔ. Pɩ-taa ɖɔɖɔ Ɛsɔ ha-mɩ e-Fezuu Kiɖeɖeu alɩwaatʋ ndʋ́ ɩwɛnɩ lidaʋ ɛ-yɔɔ yɔ. Ŋ́gʋ́ ɛɖʋwa se ɛhaɣ ɛ-ñɩma. Ŋ́gʋ́ lɛ mayaɣ ŋgá ɛñɩɣ mɩ-yɔɔ yɔ.

Efɛɛzɩ 1:13 ပူးပေါင်းရင်းမြစ်များ

Luka 11:13

Mbá mɩ ɩkɛ azaɣ́a yɔ, yee ɩsɩm haʋ mi-piya mbʋ́ pʋwɛ ɖeu yɔ lɛ, ɛzɩma mɩ-Caa Ɛsɔ weyi ɛwɛ ɛsɔdaa yɔ, ɛɛpɩzɩɣ ɛha e-Fezuu Kiɖeɖeu mbá pasʋlʋmʋʋ-ɩ-kʋ yɔ?»

Luka 24:49

Meheyiɣ-mɩ se ma lɛ, mentiyiɣni-mɩ ɖoŋ weyi man-Caa ɖʋwa se ɛhaɣ-mɩ yɔ. Ɛlɛ́, pʋwɛɛ se ɩcaɣ Yeruusalɛm nɛ pʋkɔɔ pɩsɩɩnɩ alɩwaatʋ ndʋ́ ɖoŋ ɛnʋ etibi mɩ-yɔɔ yɔ.»

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

Yohanɛɛsɩ 15:26

Sɩnɩyʋ kaɣ kɔm: ɛnʋ lɛ toovenim Fezuu ŋgʋ́ kɩlɩɣnɩ Caa cɔlɔ yɔ. Caa cɛlɩɣnɩ-m-kʋ nɛ mentiyini-mɩ, ŋ́gʋ́ kɔŋnɩ lɩzʋʋ ma-aseɣɖe.

Yohanɛɛsɩ 3:33

Weyi ɛ́lɛ́ ñetisiɣ ɛ-aseɣɖe ńɖɩ́ yɔ, ɛñɩɣ nesi se Ɛsɔ lɛ toovenim tʋ.

Yohanɛɛsɩ 6:27

Ɩtaala tʋmɩyɛ tɔɔnaɣ ŋgá kɛwɛɛkɩɣ yɔ kɔ-yɔɔ. Ɛlɛ́, ɩla ŋgá kacakɩ tam nɛ kahaɣ wezuu maatɛŋ yɔ kɔ-yɔɔ. Ɛyʋ Pɩyalʋ kɔŋnɩ-mɩ-kɛ haʋ, mbʋ́ pʋyɔɔ yɔ, Caa Ɛsɔ ñɩɣ ɛ-yɔɔ nesi.»

Tʋma Labʋ 1:4

Nakʋyʋ wiye Yesu nɛ e-tiyiyaa pɔtɔkaɣ tɔɔnaɣ. Pɩkɛdaa lɛ, ɛpaɣ-wɛ se: «Ɩtaakʋyɩ Yeruusalɛm nɛ iwolo ɖoli. Ɛlɛ́, ɩɖaŋ mbʋ́ Caa ɖʋwa se ɛhaɣ-mɩ yɔ. Kʋjɔʋ ŋ́gʋ́ kʋ-tɔm maaheyi-mɩ.

Tʋma Labʋ 13:26

Man-taabalaa, mbá mɩ ɩkɛ Abraham sayɩnaa nɛ mbá mɩ ɩwɛ cɩnɛ nɛ ɩñaŋ Ɛsɔ yɔ! Đa nɛ mɩ ɖatɩŋa peheyi ñʋʋ yabʋ tɔm tʋnɛ.

Tʋma Labʋ 2:33

Caa Ɛsɔ kpazɩ-ɩ ɛ-cɔlɔ lone kɩbanɖɛ taa nɛ ɛcɛlɩ-ɩ e-Fezuu Kiɖeɖeu ŋgʋ́ ɛɖʋwa se ɛhaɣ ɛyáa yɔ: etisi-kʋ ɖɔ-yɔɔ. Ḿbʋ́ ɩnaɣ nɛ ɩnɩɣ lɛɛlɛɛyɔ.

Room 1:16

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

Room 4:11

Pʋwayɩ pɛpɛlɩ-ɩ nɛ pɩkɛnɩ-ɩ yʋsaɣ: ŋ́gá wɩlɩɣna se Ɛsɔ kpaɣ-ɩ se ɛkɛ kʋtʋʋzʋ lidaʋ ŋgʋ́ ɛɛwɛna nɛ pʋcɔ pɛpɛlɩ-ɩ yɔ kʋ-yɔɔ. Ḿbʋ́ yebina nɛ Abraham kɛ mbá pɛtɛpɛlɩ-wɛ nɛ pɛwɛnɩ lidaʋ Ɛsɔ yɔɔ nɛ ɛ́lɛ́ kpaɣ-wɛ se pɛkɛ kʋtʋʋzaa yɔ patɩŋa payɩ pɔ-cɔzɔ.

Room 6:17

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.

2 Kɔrɛntɩ 1:22

Ɛlabɩ ɖɔ-yɔɔ ɖɔɖɔ ɛ-yʋsaɣ nɛ ɛha-ɖʋ e-Fezuu Kiɖeɖeu. Ḿbʋ́ wɩlɩɣna se ɛkɔŋ-ɖʋ haʋ ñɩm lɛɛbʋ mbʋ́ eheyi-ɖʋ se ɛhaɣ-ɖʋ yɔ.

2 Kɔrɛntɩ 6:7

nɛ toovenim tɔm susuu nɛ Ɛsɔ ɖoŋ pɔ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa. Đɩkpakɩɣ mbʋ́ pʋtʋʋzaa yɔ ɖɩɖɔkɩ nɛ ɖɩlakɩnɩ you ɛzɩ you wondu ndʋ́ pɔɖɔkʋʋ nɩmɩyɛ nɛ nɩwaŋ pa-taa yɔ.

Galaatɩ 3:14

Ɛsɔ labɩ ḿbʋ́ se pɩtɩŋnɩ Yesu Krɩstʋ yɔɔ nɛ ɛha ñɩm kɩbam mbʋ́ ɛɖʋwa se ɛhaɣ Abraham yɔ mbá pɛtɛkɛ Yuda ñɩma yɔ ɖɔɖɔ. Ḿbʋ́ ɛtɩŋnɩ lidaʋ ŋgʋ́ ɖɩwɛnɩ ɛ-yɔɔ yɔ kʋ-yɔɔ nɛ ɛha-ɖʋ e-Fezuu Kiɖeɖeu ŋgʋ́ ɛɖʋwa se ɛhaɣ-ɖʋ yɔ.

Efɛɛzɩ 4:21

Paa pɩlabɩ ɛzɩma, pɔyɔɔdɩ ɛ-tɔm nɛ ɩnɩɩ nɛ pɛkpɛlɩkɩ Yesu ñɩma mɩ toovenim mbʋ́ pʋwɛ ɛ-cɔlɔ yɔ.

Efɛɛzɩ 4:30

Ɩtaapɩsɩ Fezuu Kiɖeɖeu hɔyɛ, ŋ́gʋ́ lɛ mayaɣ ŋgá ɛñɩɣ mɩ-yɔɔ se ɛɛlɩzɩ-mɩ pɩ-taa puwiye nɖɩ́ ɛkɔŋ yɔ.

1 Tesalooniki 2:13

Đɩsaŋ Ɛsɔ tam nabʋyʋ yɔɔ ɖɔɖɔ. Ḿbʋ́ lɛ se: alɩwaatʋ ndʋ́ ɖisusi-mɩ ɛ-tɔm nɛ ɩnɩɩ-tʋ yɔ, itetisi-tʋ ɛzɩ ɛyáa tɔm yem yɔ. Ɛlɛ́, itisi-tʋ ɛzɩ mbʋ́ tɩkɛ toovenim taa yɔ, tɩkɛ Ɛsɔtɔm siŋŋ nɛ tɩlakɩ mbá mɩ ɩwɛnɩ lidaʋ ɛ-yɔɔ yɔ tʋmɩyɛ.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

2 Timootee 2:19

Paa ḿbʋ́ yɔ, tigiɖe nɖɩ́ Ɛsɔ sɩwa yɔ, ɖɩwɛ ɖoŋ pɩtɩɩfɛyɩ, nabʋyʋ ɛɛlakɩ-ɖɩ. Pama ɖɩ-yɔɔ se: «Kɩpaɣlʋ sɩm ɛ-ñɩma.» Pamawa ɖɔɖɔ se: «Weyi ɛkaɖɩɣ se ɛkɛ Kɩpaɣlʋ ñɩnʋ yɔ, pʋdʋ ɛha mbʋ́ pɩtatʋʋzɩ yɔ siɣ́ye.»

2 Timootee 3:15

Toovenim lɛ, ŋsɩm tɔm ndʋ́ pama Ɛsɔtɔm Takayaɣ taa yɔ ɖooo ña-pɩjatʋ taa. Tɩpɩzɩɣ tɩha-ŋ lɔŋ weyi eyeki nɛ pɩtɩŋnɩ lidaʋ ŋgʋ́ ŋwɛnɩ Krɩstʋ Yesu yɔɔ yɔ kʋ-yɔɔ nɛ pɩya ña-ñʋʋ yɔ.

Tiiti 2:11

Mbʋ́ pʋyɔɔ yɔ, Ɛsɔ yeba nɛ ɛyáa na e-lootiye. Đɩ-taa patɩŋa payɩ pa-ñʋʋ yabʋ lɩɣna.

Ebree 2:3

Yee ḿbʋ́ pʋwɛɛ lɛ, ɛzɩma ɖa ɖapɩzɩɣ ɖɩlɩɩ pɩ-taa alɩwaatʋ ndʋ́ ɖɩtakpaɣ ñʋʋ yabʋ siŋŋ tɔm tʋnɛ nɛ ɖɩyaa pʋyʋ yɔ? Kɩpaɣlʋ Yesu calɩnɩ pʋ-tɔm yɔɔdʋʋ nɛ mbá panɩ-tʋ yɔ, paɖaɣnɩ-ɖʋ-tʋ heyuu se tɩkɛ toovenim.

Yakubu 1:18

Ɛ-maɣmaɣ ɛsɔɔlɩna nɛ ɛtɩŋnɩ toovenim tɔm yɔɔ nɛ ɛha-ɖʋ wezuu se ɖɩkɛ kajalaɣ ñɩma, mbʋ́ mbʋ́ ɛlaba yɔ pɩ-taa.

Yakubu 1:21

Pʋ-yɔɔ lɛ, iyele mbʋ́ pɩtɩŋa payɩ pipisiɣ ɛyáa yɔ nɛ mbʋ́ pɩtɩŋa payɩ pɩfɛyɩ ɖeu yɔ. Itisi tɔm ndʋ́ Ɛsɔ ɖu mɩ-laŋa taa yɔ nɛ ñamtʋ, mbʋ́ pʋyɔɔ yɔ, tɩpɩzɩɣ tɩya mɩ-ñʋʋ.

1 Pɩyɛ 2:10

Đooo mbá mɩ ɩtaakɛ liɖe kʋɖʋmɖɩyɛ taa ñɩma yɔ, lɛɛlɛɛyɔ, ɩpɩsɩ ɛ-ñɩma. Đooo mbá mɩ Ɛsɔ taana mɩ-pʋtɔdɩyɛ yɔ, lɛɛlɛɛyɔ, ɛna mɩ-pʋtɔdɩyɛ.

Wɩlʋʋ 7:2

Mana ɖɔɖɔ Ɛsɔ tiyiyu lɛlʋ, ɛlɩnɩ wɩsɩ ɖɩlɩyɛ nɛ ɛkpaɣ. Ɛɖɔkɩ Ɛsɔ wezuu tʋ nesi ñɩɣʋ. Peeɖe eholuuni Ɛsɔ tiyiyaa naanza mbá paha-wɛ ɖoŋ se pɛwɛɛkɩ mbʋ́ pʋwɛ tataa nɛ teŋgu taa yɔ se: