Efɛɛzɩ 1:10 - New Testament

¹⁰ Alɩwaatʋ talɩɣ lɛ, ɛlabɩ-pʋ: ekpeɣliɣ mbʋ́ pɩtɩŋa payɩ pʋwɛ ɛsɔdaa nɛ tataa yɔ wiyaʋ kʋɖʋm koŋ tɛɛ. Ɛnʋ lɛ Krɩstʋ.

Efɛɛzɩ 1:10 ပူးပေါင်းရင်းမြစ်များ

Maatiyee 25:32

Pɔkɔŋ ajɛya kpeekpe taa ɛyáa kpeɣluu ɛ-ɛsɩndaa nɛ ɛkɛzɩ lɛlaa hɔɔlʋʋ nɛ piyele lɛlaa hɔɔlʋʋ lɛɛkʋ ɛzɩ ninɖiɣyu kpeɣluu heŋ nɛ pʋŋ nɖeke nɖeke yɔ.

Maarkɩ 1:15

Ɛtɔŋaɣ se: «Lɛɛlɛɛyɔ, alɩwaatʋ talaa se Ɛsɔ Kewiyaɣ ɛkɔɔ. Pʋ-yɔɔ lɛ, ɩlɛɣzɩ wɛtʋ nɛ itisi ɛ-Laŋhɛzɩyɛ Tɔm.»

1 Kɔrɛntɩ 10:11

Pɩlabɩ-wɛ ḿbʋ́ se ɖɩna nɛ ɖɩkpa ɖa-tɩ. Ńdʋ́ pamawa se pasɩɣzɩnɩ mbá ɖa ɖɩwɛ alɩwaatʋ ndʋ́ tɩwɩzɩ tɛm yɔ tɩ-taa yɔ lɔŋ.

1 Kɔrɛntɩ 11:3

Paa ḿbʋ́ yɔ, me-liu wɛɛ se ɩtɩlɩ se: Krɩstʋ lɛ paa abalʋ weyi e-wiyaʋ nɛ abalʋ lɛ halʋ wiyaʋ nɛ Ɛsɔ lɛ Krɩstʋ wiyaʋ.

Galaatɩ 4:4

Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

Efɛɛzɩ 1:22

Ɛsɔ luzi pɩtɩŋa payɩ ɛ-tɛɛ nɛ eyele nɛ ɛkɛ ɛ-ŋgbɛyɛ taa ñɩma tɩŋa payɩ ñʋʋdʋ pɩtɩŋa pɩ-taa.

Efɛɛzɩ 2:15

Ɛtɩŋnɩ ɛ-maɣmaɣ ɛ-yɔɔ nɛ ɛlɩzɩ paɣtʋ nɛ mbʋ́ pʋwɛ tɩ-taa yɔ pu-ɖoŋ. Ḿbʋ́ yebina nɛ laŋhɛzɩyɛ wɛɛ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa. Ḿbʋ́ ɛpɩsɩ patɩŋa ɛyʋ kʋɖʋm, pʋdʋ kɛ kɩfalʋ.

Efɛɛzɩ 3:15

Ɛnʋ ɖɔkɩnɩ ɛsɔdaa ñɩma nɛ tataa ñɩma patɩŋa payɩ.

Efɛɛzɩ 3:2

Paa pɩɩla ɛzɩma, ɩnɩ lootiye nɖɩ́ Ɛsɔ labɩ-m nɛ ɛɖʋ-m se mala tʋmɩyɛ mɩ-hɛkʋ taa yɔ ɖɩ-tɔm.

Koloosi 1:16

Ɛ-yɔɔ ɛ́lɛ́ tɩŋnaa nɛ ɛla pɩtɩŋa payɩ. Ɛlabɩ mbʋ́ pʋwɛ ɛsɔdaa nɛ tataa yɔ, mbʋ́ panaɣ yɔ nɛ mbʋ́ paanaɣ yɔ. Ɛnʋ labɩnɩ awiya sɔsɔna nɛ cikpena nɛ ɖoŋ ndɩ ndɩ. Ɛ-yɔɔ Ɛsɔ tɩŋnaa nɛ ɛla pɩtɩŋa payɩ nɛ ɛtɩɣyɩ-pʋ.

Koloosi 1:20

Ɛ-yɔɔ ɖɔɖɔ Ɛsɔ tɩŋnaa nɛ eyele se ɛ nɛ mbʋ́ pɩtɩŋa pʋwɛ tataa nɛ ɛsɔdaa yɔ, peceɣ. Calɩm mbʋ́ ɛ-Pɩyalʋ ɛnʋ ɛkpɛdɩ kaamaŋkaɣ yɔɔ yɔ, pʋ-yɔɔ ɛtɩŋnaa nɛ ɛla ḿbʋ́ nɛ ɛkɔnɩ laŋhɛzɩyɛ.

Koloosi 3:11

Yee ḿbʋ́, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ, mbá pɛpɛlɩ-wɛ yɔ nɛ kɩtɛpɛlɩŋ, mbá pɛ-ɛsɛ kulaa yɔ nɛ mbá pa-ñɩna tokuli yɔ, nɛ yomaa nɛ mbá pɛwɛ pa-tɩ yɔɔ yɔ pɛ-hɛkʋ taa. Ɛlɛ́, Krɩstʋ wɛ patɩŋa payɩ pɔ-cɔlɔ nɛ ɛkɛnɩ-wɛ pɩtɩŋa.

Ebree 1:2

Ɛlɛ́, lɛɛlɛɛyɔ ɛtɩŋnɩ ɛ-Pɩyalʋ yɔɔ nɛ ɛyɔɔdɩnɩ-ɖʋ kɛtɛzaɣ kɩyakɩŋ ɩnɛ ɩ-taa. Ɛ-yɔɔ ɛtɩŋnaa nɛ ɛla kedeŋa. Ɛlɩzɩ-ɩ se ɛtɩɣyɩ pɩtɩŋa payɩ.

Ebree 11:40

Mbʋ́ pʋyɔɔ yɔ, Ɛsɔ kaɖʋwa se ɛlakɩ-ɖʋ mbʋ́ pɩkɩlɩ ɖeu ḿbʋ́ yɔ. Ɛlɛ́, ɛtaasɔɔlɩ se pɛkɛ mbá pamʋnaa yɔ nɛ piyebi-ɖʋ.

Ebree 9:10

Pɩtɩŋa payɩ pɩkɛnɩ paɣtʋ yem. Tomnaɣ yɔɔ paɖʋ-tʋ: paɖʋ-tʋ tɔɔnasɩ nɛ sʋlʋm nɛ cɩɖɩcɩɖɩ wɛtʋ sɔnzɩ ndɩ ndɩ pɔ-yɔɔ, nɛ tɩwɛnɩ ɖoŋ nɛ pʋkɔɔ pɩsɩɩnɩ alɩwaatʋ ndʋ́ Ɛsɔ lɛɣzɩ pɩtɩŋa payɩ yɔ.

1 Pɩyɛ 1:20

Ɛsɔ kalɩzɩ-ɩ ɖooo lɔŋ nɛ pʋcɔ ɛla kedeŋa. Ɛlɩzɩ-ɩ nɛ ɛkɔɔ kɛtɛzaɣ alɩwaatʋ tʋnɛ tɩ-taa nɛ pʋwazɩ-mɩ.

Wɩlʋʋ 5:9

Peteɣaɣ hendu kɩfatʋ natʋyʋ. Ńdʋ́ lɛ se: «Heɣa, ŋmʋnaa se ŋmʋ takayaɣ nee. Ŋmʋnaa se ŋkpɛzɩ ɖenɖe pataaɖaa yɔ. Mbʋ́ pʋyɔɔ yɔ, ña Ɛsɔ yeba nɛ palaa nɛ pɩtɩŋnɩ ña-calɩm yɔɔ nɛ ŋya ɛyáa ñʋʋ cejewee tɩŋa taa, kʋnʋmɩŋ tɩŋa taa, samaɣ tɩŋa taa, ajɛya tɩŋa taa nɛ ŋwoni-wɛ Ɛsɔ cɔlɔ.