Ebree 9:8 - New Testament

⁸ Ḿbʋ́ Fezuu Kiɖeɖeu wɩlaa se: alɩwaatʋ ndʋ́ Ɛsɔ kɩɖanɖʋʋ kajalaɣ hɔɔlʋʋ wɛɣ yɔ, nɔɔyʋ ɛɛpɩzɩɣ ɛsʋʋ lone nɖɩ́ ɖɩkɩlɩ kaɖɛ yɔ ɖɩ-taa.

Ebree 9:8 ပူးပေါင်းရင်းမြစ်များ

Luka 1:80

Zakaarii pɩɣa ŋ́gá kapaɣlaɣ nɛ kɔ-lɔŋ sɔzʋʋ. Kapaɣlaa lɛ, kowolo kacaɣ lakʋ taa nɛ pʋkɔɔ pɩsɩɩnɩ kɩyakʋ ŋgʋ́ kapazɩ ka-tʋmɩyɛ labʋ Izrɛɛlɩ ñɩma hɛkʋ taa yɔ.

Yohanɛɛsɩ 10:7

Yesu tasɩ yɔɔdʋʋ se: «Toovenim lɛ, mankaɖɩɣ-mɩ se ma lɛ heŋ kaɖaɣ nɔnɔɔ.

Yohanɛɛsɩ 10:9

Ma lɛ nɔnɔɔ. Weyi ɛtɩŋɩɣnɩ mɔ-yɔɔ nɛ ɛsʋʋ yɔ, pɩyakɩ ɛ-ñʋʋ. Ɛpɩzɩɣ ɛsʋʋ nɛ ɛlɩɩ nɛ ehiɣ tɔɔnaɣ.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Tʋma Labʋ 28:25

Pacaɣaɣ kpem nɛ patanɩɩnɩ ɖama lɛ, Pɔɔlɩ heyi-wɛ tɔm tobi se: «Fezuu Kiɖeɖeu kɛwɛnɩ toovenim alɩwaatʋ ndʋ́ kɩtɩŋnɩ náyʋ Ezaayii yɔɔ nɛ kɩyɔɔdɩnɩ mɩ-cɔzɔnaa yɔ! Kɩyɔɔdɩnɩ-wɛ se:

Galaatɩ 3:8

Đɔɖɔ lɛ, pama Ɛsɔtɔm Takayaɣ taa ɖooo lɔŋ se mbá pɛtɛkɛ Yuda ñɩma yɔ, pɔkɔŋ wɛnaʋ lidaʋ Ɛsɔ yɔɔ se ɛ́lɛ́ ɛkpaɣ-wɛ se pɛkɛ kʋtʋʋzaa. Pʋ-yɔɔ Ɛsɔ kalayɩnɩ Abraham heyuu laŋhɛzɩyɛ tɔm. Ńdʋ́ lɛ se: «Ñɔ-yɔɔ lɛ, mɔnkɔŋ wazʋʋ kedeŋa kpeekpe ɛyáa yɔɔ.»

Efɛɛzɩ 2:18

Mbʋ́ pʋyɔɔ yɔ, ɛ-yɔɔ pɩtɩŋnaa nɛ pɩha Yuda ñɩma nɛ mbá pɛtɛkɛ Yuda ñɩma yɔ waɖɛ se paa weyi ɛtɩŋnɩ Fezuu Kiɖeɖeu yɔɔ nɛ ewolo Caa cɔlɔ. Fezuu Kiɖeɖeu kʋɖʋmʋʋ kɔŋ wɛna.

Ebree 10:15

Ḿbʋ́ ɖɔɖɔ Fezuu Kiɖeɖeu tasɩ-ɖʋ heyuu. Mbʋ́ pʋyɔɔ yɔ, kɩcalɩ-ɖʋ kaɖʋʋ se:

Ebree 3:7

Pʋ-yɔɔ pʋwɛ ɛzɩ Fezuu Kiɖeɖeu yɔɔdʋʋ yɔ. Kɩyɔɔdaa se: «Yee ɩnɩ Ɛsɔ nɔɔ sɔnɔ sɔnɔ yɔ,

Ebree 9:3

Lone kaɖɛ ñɩnɖɛ ńɖɩ́ ɖɩ-wayɩ lɛ, patasɩ pɩsaʋ ɖɩɣʋ. Kʋ-wayɩ lone nɖɩ́ payaɣ se lone nɖɩ́ ɖɩkɩlɩ kaɖɛ yɔ ɖɩwɛɛ.

2 Pɩyɛ 1:21

Mbʋ́ pʋyɔɔ yɔ, pɩtɛkɛ mbá posusuu-tʋ yɔ pamaɣzɩna yem nɛ pɔyɔɔdɩ-tʋ. Ɛlɛ́, Fezuu Kiɖeɖeu sazɩnɩ-wɛ nɛ pɔyɔɔdɩ-tʋ.