Ebree 9:25 - New Testament

²⁵ Ɛtasʋʋ kɩ-tɛɛ se ɛlaa ɛ-tɩ tam sakɩyɛ ɛzɩ cɔjɔnaa ñʋʋdʋ kpɛndʋʋnɩ kpɩnɛ calɩm paa pɩnaɣ ŋ́gá nɛ ɛsʋʋ yɔ.

Ebree 9:25 ပူးပေါင်းရင်းမြစ်များ

Ebree 10:10

Mbʋ́ pʋyɔɔ yɔ, Yesu Krɩstʋ labɩ mbʋ́ Ɛsɔ liu kɛwɛɛ yɔ nɛ palaa-ɩ kpaagbaa laʋ. Ḿbʋ́ hanɩ-ɖʋ waɖɛ nɛ ɖɩpɩsɩ Ɛsɔ ñɩma.

Ebree 10:19

Pʋ-yɔɔ lɛ, taabalaa! Đɩna siŋŋ se Yesu calɩm haɣ-ɖʋ waɖɛ se ɖɩsʋʋ lone nɖɩ́ ɖɩkɩlɩ kaɖɛ yɔ ɖɩ-taa kaalɛyɩtʋ.

Ebree 9:12

Krɩstʋ sʋ kpaagbaa sʋʋ lone nɖɩ́ ɖɩkɩlɩ kaɖɛ yɔ ɖɩ-taa. Ɛsʋwaɣ lɛ, ɛtɛkpɛndɩnɩ tuliŋ nɛ neɣna pa-calɩm. Ɛlɛ́, ɛ-maɣmaɣ ɛ-calɩm ɛsʋnaa. Ḿbʋ́ ɛlaba nɛ ɖihiɣ ñʋʋ yabʋ maatɛŋ.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Ebree 9:2

Paasiɣ ka-taa kɩɖanɖʋʋ nakʋyʋ nɛ patayɩ-kʋ hɔɔlɩŋ naalɛ: payaɣ kajalaɣ ñɩŋgʋ se lone kaɖɛ ñɩnɖɛ. Paasɩ peeɖe mbʋ́ pʋ-yɔɔ pasɩɣ kanɖʋnaa yɔ nɛ taabɩlɩ. Kʋ-yɔɔ wɛ tɔɔnaɣ ŋgá paha Ɛsɔ yɔ.

Ebree 9:26

Yee ḿbʋ́ pɩɩwɛɛ yɔ, ɖooo ɛzɩ palabʋ kedeŋa yɔ, Krɩstʋ kalabɩ kʋñɔŋ tam sakɩyɛ. Toovenim lɛ, lɛɛlɛɛyɔ ɛlɩ kpaagbaa lɩʋ kɛtɛzaɣ alɩwaatʋ tʋnɛ tɩ-taa se ɛha ɛ-tɩ nɛ palaa-ɩ nɛ Ɛsɔ hɛzɩ ɛyáa kɩwɛɛkɩm.

Ebree 9:7

Ɛlɛ́, cɔjɔnaa ñʋʋdʋ ɖeke sʋwaɣnɩ kɩɖanɖʋʋ hɔɔlʋʋ naalɛ ñɩŋgʋ taa tam kʋɖʋm pɩnaɣ taa. Pʋwɛɛ se ewoni kpɩna wena ɛhaɣ Ɛsɔ yɔ a-calɩm ɛ-maɣmaɣ ɛ-kɩwɛɛkɩm nɛ mbʋ́ lɛlaa laba nɛ patatɩlɩ yɔ pʋ-yɔɔ.