Ebree 9:24 - New Testament

²⁴ Mbʋ́ pʋyɔɔ yɔ, Krɩstʋ tasʋʋ kɩɖanɖʋʋ ŋgʋ́ ɛyáa siɣaa yɔ kɩ-tɛɛ. Ŋ́gʋ́ lɛ ɛsɔdaa ñɩŋgʋ lɛzʋʋ. Ɛlɛ́, ɛkpa ɛsɔdaa maɣmaɣ se ewolo Ɛsɔ cɔlɔ lɛɛlɛɛyɔ nɛ ɖɔ-nɔɔ.

Ebree 9:24 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Maarkɩ 14:58

«Ɛyɔɔdaa se ɛyɔkʋʋ Ɛsɔ ɖɩɣa ŋgá ɛyáa mawa yɔ nɛ ɛɖaɣnɩ maʋ kɩfalaɣ ŋgá ɛyáa ɩɩpɩzɩɣ pama yɔ nɛ kɩyakɩŋ naadozo.»

Maarkɩ 16:19

Kɩpaɣlʋ Yesu tɛm ɛ-tɔmkpɛlɩkɩyaa yɔɔdɩnaʋ ḿbʋ́ lɛ, pɩkpazɩ-ɩ ɛsɔdaa yem nɛ ɛcaɣ Ɛsɔ cɔlɔ lone kɩbanɖɛ taa.

Luka 24:51

Ɛwazaɣ pɔ-yɔɔ ḿbʋ́ lɛ, pʋkʋsɩ-ɩ pɔ-cɔlɔ peeɖe yem nɛ pɩkpazɩ-ɩ ɛsɔdaa.

Yohanɛɛsɩ 16:28

Caa cɔlɔ malɩnaa nɛ mɔnkɔɔ kedeŋa yɔɔ. Lɛɛlɛɛyɔ, mankʋyʋʋ kɔ-yɔɔ nɛ manpɩsɩ ɛ-cɔlɔ.»

Yohanɛɛsɩ 6:62

Yee ḿbʋ́ lɛ, ɛzɩma pɩkaɣ labʋ alɩwaatʋ ndʋ́ ɩnaɣ Ɛyʋ Pɩyalʋ kitiɣ ɛkpa ɖenɖe ɛɛwɛɛ yɔ?

Tʋma Labʋ 3:21

Pɩkpaɣʋnɩ lɛɛlɛɛyɔ yɔ, pʋwɛɛ se ɛcaɣ ɛsɔdaa nɛ pʋkɔɔ pɩsɩɩnɩ alɩwaatʋ ndʋ́ Ɛsɔ ɖaɣnɩ labʋ mbʋ́ pɩtɩŋa payɩ eeheyi ɛ-náyaa ɖooo lɔŋ nɛ pɔyɔɔdɩ yɔ.

Room 8:33

Apɩzɩɣ ɛkʋyɩ mbá Ɛsɔ lɩzaa yɔ pɔ-yɔɔ? Nɔɔyʋ fɛyɩ, mbʋ́ pʋyɔɔ yɔ, Ɛsɔ ɖezini-wɛ.

2 Kɔrɛntɩ 5:1

Toovenim lɛ, ɖɩnawa se yee tomnaɣ ŋgá ɖɩwɛnɩ kedeŋa yɔɔ cɩnɛ nɛ kɛwɛ ɛzɩ kɩɖanɖʋʋ ŋgʋ́ ɖɩwɛ kɩ-tɛɛ yɔ, kɔyɔlaa yɔ, ɖɩwɛnɩ tomnaɣ lɛɛka ɛsɔdaa, kɛwɛ ɛzɩ ɖɩɣa yɔ. Pɩtɛkɛ ɛyáa manɩ-kɛ, ɛlɛ́, Ɛsɔ maɣmaɣ manɩ-kɛ. Kɛwɛɣ tam.

Koloosi 3:2

Mɩ-ɛsɩyɛ ɛsɛɛnɩ mbʋ́ pʋwɛ ɛsɔdaa yɔ nɛ iyele mbʋ́ pʋwɛ kedeŋa yɔɔ cɩnɛ yɔ pʋ-tɔm.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 4:14

Ɛsɔ Pɩyalʋ Yesu lɛ cɔjɔnaa ñʋndɩnaa taa sɔsɔ, ɛnʋ wobina Ɛsɔ cɔlɔ. Pʋ-yɔɔ lɛ, pʋwɛɛ se ɖɩɖɔkɩ lidaʋ ŋgʋ́ ɖɩwɛnɩ ɛ-yɔɔ nɛ ɖisusuu ɛyáa kʋ-tɔm yɔ nesi naalɛ kpam.

Ebree 6:20

Đɔ-yɔɔ Yesu ɖɛ nɔɔ nɛ ɛsʋʋ ɖɩ-taa nɛ ɛpɩsɩ cɔjɔnaa ñʋʋdʋ tam ɛzɩ Mɛlkisedɛɛkɩ yɔ.

Ebree 8:2

Ɛnʋ lɛ cɔjɔ sɔsɔ weyi ɛlakɩ tʋmɩyɛ ɖenɖe Ɛsɔ wɛɛ yɔ. Lone ńɖɩ́, pɩtɛkɛ nɔɔyʋ labɩnɩ-ɖɩ ɛzɩ paasiɣu kɩɖanɖʋʋ Mooyiizi alɩwaatʋ taa yɔ. Ɛlɛ́, Kɩpaɣlʋ labɩnɩ-ɖɩ, ńɖɩ́ lɛ laŋaɣ siŋŋ.

Ebree 8:5

Tʋmɩyɛ nɖɩ́ cɔjɔnaa ḿbá palakɩ yɔ, ɖɩwɛ ɛzɩ mbʋ́ pʋwɛ ɛsɔdaa yɔ pɩ-kɩlɛmʋʋ yɔ. Palakaɣ ɛzɩ Ɛsɔ keheyuu Mooyiizi alɩwaatʋ ndʋ́ ɛcaɣaɣ se esiɣ-i kɩɖanɖʋʋ yɔ. Eeheyi-i se: «Cɔnɩ ŋna, la pɩtɩŋa payɩ ɛzɩ mawɩlʋʋ-ŋ pʋʋ yɔɔ yɔ.»

Ebree 9:1

Kajalaɣ nɔɔ haʋ kɛwɛnɩ paɣtʋ ndɩ ndɩ ɛzɩma mbʋ́ poluŋuu Ɛsɔ tɛɛ ɛ-ɖɩɣa taa tataa cɩnɛ yɔ pʋ-yɔɔ.

Ebree 9:23

Yee ḿbʋ́, ḿbʋ́ pʋwɛɛ se pañalɩ mbʋ́ pɩwɩlɩɣ ɛzɩma mbʋ́ pɩlakɩ ɛsɔdaa yɔ nɛ pʋwɛɛ cɩɖɩcɩɖɩ. Ɛlɛ́, mbʋ́ pʋwɛ ɛsɔdaa yɔ, pʋpɔzʋʋ-pʋ kɩlaŋ weyi ɩkɩlɩ ḿbʋ́ yɔ.

Ebree 9:9

Ḿbʋ́ wɩlɩɣnɩ alɩwaatʋ ndʋ́ ɖɩwɛ tɩ-taa lɛɛlɛɛyɔ yɔ. Pʋ-tɔbʋʋ se haɖɛ nɛ kpɩna wena palaɣ Ɛsɔ yɔ, paapɩsɩɣ mbá palakɩ kʋjɔŋ ɩnʋ yɔ kʋtʋʋzaa Ɛsɔ ɛsɩndaa.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.

Wɩlʋʋ 8:3

Ɛlɛ́, Ɛsɔ tiyiyu nɔɔyʋ wolo ɛsɩŋ tɩlaaɖɩ ɖɩhɔɖɛ. Ɛɖɔkɩ ñɩɣlɩ́m ñanaɣ ŋgá patɩɩhɔkɩ ka-taa tɩlaaɖɩ yɔ. Pɛcɛlɩ-ɩ tɩlaaɖɩnaa sakɩyɛ nɛ Ɛsɔ ñɩma Ɛsɔ sɛtʋ se ewoni ɛha Ɛsɔ peeɖe. Đɩhɔɖɛ ńɖɩ́, paalabɩ-ɖɩ nɛ sika nɛ ɖɩwɛɛ kewiyaɣ kpelaɣ ɛsɩndaa.